Shtyhet seanca në Kushtetuese, përfaqësuesi i presidencës: Nuk ka shkarkim të Metës se nuk ka çështje për shkarkim

Në përfundim të seancës së Gjykatës Kushtetuese, përfaqësuesi i Presidencës, Bledar Dervishaj është i bindur që nuk do të ketë shkarkim, pasi sipas tij, nuk ka një çështje të tillë.

"Meta do të mbrohet nga përfaqësuesit e tij, ka përfunduar shqyrtimi i pjesë së parë, që Gjykata i kërkoi Kuvendit, unë konstatova që Kuvendi në disa përgjigje kanë dalë përtej vetë vendimit, ky ishte dhe shkarkimi mbi legjitimitetin për të dhënë një autorizim nga ky Kuvend i ri, për Kuvendin e vjetër, kërkesa e Kuvendit të vjetër duhet shqyrtohej brenda 14 shtatorit 2021 se lidhej me afatin 3 mujor, por edhe sepse Kuvendit të vjetër i përfundoi mandati. Në procese të tjera si ai për zgjedhjet vendore u konstatuan shkelje ligjore në relatorin e çështjes pa short. Nuk ka shkarkim se nuk ka çështje për shkarkim", tha Bledar Dervishaj.

Lajmi kryesor:

'Kushtetuesja' pranon kërkesën e Presidencës, shtyn të enjten në 10:00 vendimin për shkarkimin ose jo të Metës! Çfarë ndodhi në 9 orë seancë

B.K./AV/Shqiptarja.com

TAG:
• gjykata kushtetuese
• Ilir Meta
• shkarkimi i metes
• Klotilda Bushka
• Vitore Tusha
• bledar dervishaj