Shtyhet takimi Kosovë-Serbi në Bruksel! Ishte parashikuar të hënën

Shtyhet takimi Kosovë-Serbi në Bruksel! Ishte parashikuar të hënën

Kosovë-Serbi

Takimi mes Kosovës dhe Serbisë që ishte planifikuar të zhvillohej në Bruksel ditën e hënë është shtyrë për shkak të koronavirusi.

Këtë e ka bërë të ditur i deleguari i posaçëm i Bashkimit Europian, Miroslav Lajçak përmes një postimi në profilin e tij në Twitter.

Por ai nuk ka dhënë asnjë detaj më tej se kur do të mbahet sërish ky takim.

Vetëm një ditë më parë Lajçak konfirmoi se ajo do të zhvillohej të hënën mes dy shefave të dy palëve negociatore, Skënder Hyseni dhe Marko Gjuriq.

Ai u shpreh se temë e diskutimeve do të jenë pretendimet financiare dhe ato pronësore midis dy vendeve.

Kosova dhe Serbia janë në bisedime për normalizimin e marrëdhënieve qysh në vitin 2011.

Procesi është zhvilluar gjatë gjithë kohës me ndërmjetësimin e BE-së dhe me mbështetjen e SHBA-së.

Këtë muaj në Uashington, dy palët kanë arritur një marrëveshje për normalizimin e marrëdhënieve ekonomike.

E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Heqja e dinarit dhe marrëveshja e Ohrit, Kosova dhe Serbia sot në Bruksel për negociatat

Heqja e dinarit dhe marrëveshja e Ohrit, Kosova dhe Serbia sot në Bruksel për negociatat