Shehu i përgjigjet Bardhit në ‘5 pyetjet’: Ai të mbajë vulën e vjetër të PD në xhep dhe të rrijë me Alibeajn, PD tren që s’ndalet

Anëtari i “Rithemelimit”, Tritan Shehu i ftuar në Report Tv tha se Partia Demokratike është një tren që nuk ndalet, ndërsa shtoi se njerëz si Bardhi dhe Aliebeaj nuk kanë “fuqinë” ta përçajnë PD, pasi nuk kanë asnjë rol në bazë. Kjo ishte përgjigja e Shehut për Bardhin, i cili në emisionin “5 pyetjet nga Babaramo” u shpreh se nuk e njeh vendimin e shkarkimit nga “Rithemelimit”, por mbetet ende sekretari i Përgjithshëm i PD.

“Unë mendoj se nuk luajnë ndonjë përçarje në PD, pasi këta persona nuk kanë ndonjë rol në bazë. PD është unifikuar dhe këtë e tregoi edhe Kuvendi i fundit, por edhe ai i datës 11. Kjo do të duket më e qartë edhe më 22 maj kur ne të zgjedhim kryetarin. Megjithatë, PD-së i duhen të gjithë, por treni nuk mund të ndalet, pasi shumë shpejt do të shkojmë në zgjedhje.”, tha ai.

I pyetur nga gazetari Ilir Babaramo, lidhur me arritjen e kompromisit mes dy “palëve” të PD, Shehu tha se kompromisi është pikërisht ky që po bën “Rithemelimit”, përmes procesit të votimit na bazë. Me tone ironike deputeti tha se Bardhi duhet të mbajë vulën e vjetër të PD-së në xhep dhe të rri me Aliebejan.

Zgjedhjet në bazë janë konsensuale, pasi po votohen nga njerëzit. Konsensusi është vota. Ne si “rithemelim” nuk hoqëm dhe nuk shtuam asnjë emër. Bashkimi ndodh vetëm mbi votën e lirë. Vendimet politike i merr shumica. Grupi parlamentar është instrument i rëndësishëm. Kjo nuk mund të ndodhi nga ana ligjore. PD nuk e vendosin shkresat e firmosur, vetëm anëtarësia. Bardhi le të mbaje një vulë në xhep, atë që s’është më sepse ka ndryshuar. Por PD është diku tjetër, Bardhi të rri me Aliebajn. Partitë i cakton vetëm baza.

J.GJ./SI.E./Shqiptarja.com

TAG:
• Lufta brenda PD
• PD
• TRITAN SHEHU
• 5 pyetjet nga babaramo