Shumë afër arritjes së objektivit 1 milion, shkon në 900 mijë numri total i vaksinimeve të kryera në vend

Foto nga procesi i vaksinimit masiv në Sheshin Skënderbej

Ka shkuar në 900 mijë numri total i vaksinimeve të kryera në vend kundër koronavriusit, duke iu afruar kështu edhe objektivit të vendosur nga qeveria për kryerjen e 1 milion vaksinimeve brenda muajit qershor.

Fushata e vaksinimit “Shqipëria Buzëqesh” nisi më 11 janar 2021, me qendrën e parë të vaksinimit në Sheshin "Skënderbej", ndërsa vijon me ritme mjaft të shpejta në të gjithë vendin.

Ndërkohë, në vendin tonë vijojnë të vijën edhe doza të tjera vaksinash, duke e çuar totalin në 1,079,650 doza. Vetëm një ditë më parë mbërritën në Rinas 11.700 doza të vaksinës Pfizer.

Ndërkohë, me rritjen e numrit të vaksinave është zgjeruar edhe fasha e vaksinimeve në personat plus 50-vjeç.

Vaksinimi ka ndikuar ndjeshëm edhe në përmirësimin e situatës me pandeminë në vend, ku në 24 orët e fundit u regjistruan vetëm 5 raste të reja infeksioni dhe asnjë viktimë.

Foto e postuar në Facebook nga kryeministri Rama

J.SH./Shqiptarja.com
  • Sondazhi i ditës:

    Turizmi/A jeni të kënaqur me shërbimet dhe çmimet që gjeni në zonat turistike?

Komento


×

Lajmi i fundit

John

U konfliktua me klientët e një restoranti dhe rrahu motrën brutalisht, arrestohet 37-vjeçari shqiptar në Itali, bën për spital edhe 2 policë