POP 5

Lajmet më të lexuara të 5 minutave të fundit

Ekonomi

Si do jetë gjendja financiare e familjeve në 2025-ën? Qeveria parashikon rënie papunësie, rroga më të larta dhe të ardhura për frymë mbi 10 mijë euro

Në relacionin e buxhetit 2025 thuhet se të ardhurat për frymë do shkojnë në 10.094 euro në vit, me rritje prej 521 euro krahasuar me vitin aktual.

Çdo shqiptar parashikohet të ‘fusë’ në portofolin e tij çdo ditë mesatarisht 28 euro, përgjatë 12 muajve të ardhshëm, me rritje prej 2 euro krahasuar me vitin aktual.

Ministria e Financave ka planifikuar që të ardhurat për frymë për vitin 2025, të arrijë në 841 euro në muaj nga 797 euro e llogaritur këtë vit. Në relacionin e buxhetit 2025 thuhet se të ardhurat për frymë do shkojnë në 10.094 euro në vit, me rritje prej 521 euro krahasuar me vitin aktual.

Rritja e të ardhurave për frymë do të vijojë edhe në vitet e tjera, për të arritur në 11.257 euro në 2027-ën, thotë Ministria e Financave.

Ky përmirësim sipas relacionit do të vijë nga rritja ekonomike e parashikuar në 3.9%, ulja e nivelit të papunësisë nga 10.2% këtë vit në 9.8% në vitin që vjen si dhe nga rritja e pagave. Mbi këto pritshmëri, qeveria pret edhe rritje të konsumit, si një nga kontribuuesit kryesor të rritjes ekonomike të vendit.

Prodhimi i Brendshëm Bruto (GDP) në 2025-ën planifikohet në rritje me 1.2 miliardë euro, nga 22.9 miliardë euro këtë vit në 24.1 miliardë euro në vitin që vjen.

“Aktiviteti ekonomik do të vazhdojë të mbështetet kryesisht nga kërkesa e brendshme, nga rritja e mëtejshme e konsumit privat, ashtu edhe nga investimet në infrastrukturë si dhe zhvillimi i sektorëve strategjikë si turizmi. Konsumi privat parashikohet të jetë sërish nxitësi kryesor i rritjes së PBB-së, stimuluar kryesisht nga përmirësimi i besimit të konsumatorit, si dhe nga përmirësimi në tregun e punës”, thuhet në relacion.

Me ambicien për të shtuar jo vetëm shifrat në sasi por edhe ato në vlerë të turistëve, pra jo vetëm numrat e pushuesve por edhe të ardhurat që vijnë prej tyre, qeveria beson se turizmi do të jetë kontribuuesi kryesor në rritjen ekonomike të pritshme në 3.9% në vitin që vjen.

Konkretisht sektori i shërbimeve pritet të kontribuojë me 2.4% në rritjen ekonomike, industria me 0.5%, ndërtimi me 0.4% dhe në fund është bujqësia me 0.2% ndikim në rritjen ekonomike.

TË ARDHURAT PËR FRYMË
Viti 2024           9.573 euro
Viti 2025         10.094 euro
Viti 2026         10.660 euro
Viti 2027         11.257 euro
RRITJA EKONOMIKE
Viti 2024        3.9%
Viti 2025        3.9%
Viti 2026           4%
Viti 2027        3.9%
GDP E VENDIT
Viti 2024            22.9 mld euro
Viti 2025            24.1 mld euro
Viti 2026            25.3 mld euro
Viti 2027            26.6 mld euro

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hasani nga elbasani: 12/12/2024 14:51

    More keto eurot si i ndajne keta se une jam dy rroga dhe marr 1200 euro dhe kam dhe dy femije I MARRIN VETE SE SKA MUNDESI

    Përgjigju
  • Skender: 10/12/2024 18:57

    Me rritjen ekonomike te qeveriseeeee shtresat e varfra dhe pensionistët mund te investojnë te bleje apartamente,te ndertojmë vila dhe te bejne pushimet ku t'u doje qejfi,mund te udhetojne me avionë private dhe me ishte luksoze.

    Përgjigju
  • Rritja: 09/12/2024 00:40

    pse krekoseni me rrogën dhe çmimet që rrit privati? Kur është rritur ndonjëherë në histori rroga më shumë se çmimet? Kush dohet të fitojë më shumë, punëtori apo 'pronari' i punëtorit?

    Përgjigju
  • Roland: 08/12/2024 20:58

    D.m.th do hame me luge floriri?

    Përgjigju
    • O lleshi: 10/12/2024 18:31

      Ta besojmë APO DUAN TJA MBUSHIN MENDJEN VETES gënjeshtra gënjeshtra I BESON VET GENJESHTARI BRAVO PS ME NDIMEN E PD E BENE SHQIPERINE TANI SALA DHE EDI PRESIN TE KORRIN FRYTET E MUNDIMIT (VETEM PER VETE U MUNDUAN)DHE NEVE MUTIN DO TJU BEJM

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Pandemia e heshtur që po ‘vret’, infeksionet mykotike shkaku i dhjetra sëmundjeve / Altin Joka: Ja disa kura natyrale tepër efikase

Pandemia e heshtur që po ‘vret’, infeksionet mykotike shkaku i dhjetra sëmundjeve / Altin Joka: Ja disa kura natyrale tepër efikase

15 Janar, 16:24