Në një intervistë në ‘’Rreze Dielli’’ folëm për rrjetet sociale, ‘Si mund të fitojmë para nga Instagrami’? Të ftuara Sidorela Lepri, menaxhere marketingu dhe Rina Kuqo blogere, folën për eksperiencën e tyre në këtë fushë.
Tashmë, Instagrami është kthyer në një mjet për të bërë biznes dhe për të fituar të ardhura. Të famshmit janë ata të cilët fitojnë më shumë nga postimet nëpërmjet rrjeteve sociale, por edhe blogerët nëpërmjet fotove kanë arritur të fitojnë audiencën e tyre, që i sjell mjaft të ardhura.
Sidorela Lepri, menaxhere marketingu shprehet se Instagrami është kthyer në një punë të mirëfilltë për shumë personazhe, jo vetëm për bloger-at apo influencuesit e rinj por edhe personazhe që mund të jenë prezantues, këngëtarë etj.
‘’ Nëse fokusohesh tek Instagrami dhe mendon strategjitë e duhura për ta rritur dhe për ta promovuar në mënyrën më të mirë të mundshme, patjetër që çdokush që dëshiron të investojë tek kjo fushë, mund të gjenerojë sa më shumë para. Ne këtë gjë e kemi parë nga personazhet më të njohur në botë ku një postim i caktuar në feed apo në story për një mark apo brand të caktuar paguhet me shifra marramendëse por edhe personazhe të tjera të këtij niveli. Sigurisht që mund të bëhen shumë para, sepse vetë kompanitë më të mëdha botërore një pjesë të mirë të buxhetit të tyre marketing kanë vendosur ta orientojnë drejt Instagramit’’ u shpreh ajo.
Ndërsa Rina Kuqo, një blogere mjaft e dashur për të apasinuarit pas modës, foli për eksperiencën e saj personale. Si e ngriti faqjen e saj në Instagram si blogere, duke arritur edhe të fitojë mjaft të ardhura:
‘’ Unë kam gati tre vite që kam hapur Instagramin, që e kam kthyer në blog, kështu që besoj se është një kohë goxha e gjatë për të pasur ndjekësat e mi. Mendoj se një pjesë e rëndësishme është komunikimi që duhet të krijosh me ndjekësit, për mendimin tim nëse ti nuk ke komunikim, që ndjekësat të njohin, të jesh sa më afër tyre, të tregosh pak a shumë dhe nga jeta jote nëpërmjet story-ve, jo vetëm pjesën e fotove që do postosh në feed, nuk mendoj që ti do mund të bësh një punë të plotë, mund ta quaj. Duhet të jesh shumë e hapur, të krijosh bashkëbisedime, të hapësh tema të ndryshme, me pak fjalë kjo mund të jetë besoj unë çelësi i suksesit tim’’ u shpreh ajo.
Mjafton pak vullnet dhe fokusim në atë që dëshironi të krijoni në llogarinë tuaj në Instagram dhe mund të fitoni të ardhura njësoj si në një punë të mirëfilltë.
Komente
Lajme të tjera
-
'Pas 10 vitesh do jetë ai që do kërkojë foto me mua!' Më 2021 pozuan bashkë, aktori Julian Deda ndan momentin prekës me Martinin dhe jep një mesazh
19 Nëntor, 22:22 -
Ish-kryeministri malazez Abazoviç viziton Ramën në studion e tij: Edi, padyshim një nga njerëzit më origjinalë në skenën politike botërore!
19 Nëntor, 18:55 -
Revista franceze ‘Soon’, intervistë me bashkëshorten e kryeministrit: Linda Rama ka fuqinë të bindë!
28 Shtator, 08:49 -
Pas Instagramit, Turqia bllokon edhe rrjetin e lojërave ‘Roblox’: Duhet të mbrojmë fëmijët tanë
9 Gusht, 09:27 -
Turqia bllokon Instagramin, por s’tregon arsyen
2 Gusht, 13:27 -
Hakerohet instagrami i Erion Velisë, reagon kryetari i bashkisë së Tiranës
9 Korrik, 16:43 -
“Kam frikë se ma marrin”, Anxhela Peristeri tregon pse nuk publikon foto me partnerin
13 Prill, 17:10 -
Fundi i rrjetit social
10 Mars, 08:56 -
Ja sa miliarda i kushtoi Mark Zuckerberg-ut rënia e Instagram dhe Facebook
8 Mars, 09:31 -
Facebook dhe Instagram jashtë funksionit! Përdoruesit e rrjeteve sociale pa akses në platformë
5 Mars, 16:39 -
Instagram po teston një veçori të re, çfarë sjell këtë herë platforma e mediave sociale?!
29 Janar, 15:17 -
Intervista për Report Tv/ Neritan Ceka kujton çfarë i thoshte Azem Hajdari Berishës në 1990: E goditi partinë me vare! PD e PS u dominuan nga njerëz të rastit, jo me ide
8 Dhjetor 2023, 15:02
Ne nje treg kaq te vogel sic eshte Shqiperia, mundesia e fitimit nga rrjetet sociale, eshte fare e vogel per te mos thene e paperfillshme.Asnjera nga keta blogera nuk tregon ndonje pagese te marre nga ndonje ent apo person, pra si e tille mbesin edhe te pabesueshem.
Përgjigju