Dosja me nr.184, është rregjistruar fillimisht në Prokurorinë e Krimeve të Rënda dhe bën fjalë për zgjedhjet lokale të 11 qershor 2016 që zhvilloheshin në Dibër, ku kandidatë ishin Muharrem Rrama i PS dhe Shrefedin Shehu i PD. Kallëzimi penal është bërë nga Partia Demokratike, e cila para zhvillimit të zgjedhjeve i është drejtuar me një kallëzim penal prokurorisë, ku kërkonte të hetonte veprimtarinë kriminale të disa zyrtarëve të PS në Dibër dhe Tiranë, duke i akuzuar për blerje votash e ndikime të paligjshme me qëllim ndryshimin e rezultatit zgjedhor. Kujtojmë këtu që këto zgjedhje lindën si pasojë e largimit të kryebashkiakut, Shukri Xhelili, i cili u largua nga posti i bashkiakut, pasi u kap nga kamerat duke kërkuar favore seksuale dhe duke tentuar të kryejë marëdhënie seksuale me një vajzë në këmbim të një vendi pune në bashki. Pas largimit të tij PD dhe PS, mobilizuan forcat për të kryen zgjedhje të reja. Por të dyja palët përqëndruan në teren zyrtarë të lartë dhe personazhe me të kaluar kriminale, ku kërkonin me çdo kusht dhe me çdo formë të fitonin zgjedhjet. Në terren kanë qënë dhe agjentët e SHISH, të cilët kanë informuar PD dhe Prokurorinë e Krimeve të Rënda për pazarat dhe personat që mereshin me blerjen e votave.
Zgjedhjet e reja, të cilat nxorrën fitues mjekun socialist Muharrem Rama u përbaltën nga akuzat për shit-blerje të votës dhe përfshirje të personazheve me të kaluar të errët në zgjedhje. Në 2016, vetëm pak ditë 11 qershorit datës kur do zhvilloheshin zgjedhjet në Dibër, Partia Demokratike dorëzoi një kallëzim penal ndaj një morie drejtuesish lokalë të policisë, drejtorisë së Arsimit, OSHEE-së, Tatimeve si dhe denoncoi publikisht Ymer Lalën, një biznesmen në këtë zonë, si individi që kishte organizuar blerjen e votave në Dibër. Materialin e PD, fillimisht e administroi prokurori Gentian Trenova, sot i shkarkuar nga Komisioni i Posaçëm i Kualifikimit “Vetting”. Genti Trenova, një shok dhe mik i vjetër i Shkëlzen Berishës, djalit të ish-kryeministrit Sali Berisha, ka filluar të hetojë njëkohësisht të marë të dhëna operative nga Shërbimi Informativ Shtetëror, në raportet e të cilit tregohej qartë se kush ishin personat që blinin votat. Në këto kushte prokurori Genti Trenova gjatë muajit qershor 2016 ka kërkuar nëpërmjet gjykatës që të verë në përgjim mbi 20 numra telefonikë të disa personave që ndodheshin në Dibër dhe që dyshoheshin se kryenin blerjen e votave.
Këto përgjime që gazeta gjermane BILD ka botuar sot janë pikërisht në këtë periudhë kur Genti Trenova e ka pasur dosjen në duar. Në atë periudhë, asnjë person nuk u arrestua, ndërkohë që i gjithë hetimi monitorohej nga Drejtuesi i Prokurorisë së Krimeve të Rënda Besim Hajdarmataj dhe kryeprokurori Adriatik Llalla. Nuk ka shkuar shumë muaj nga nisja e hetimit dhe prokurori Genti Trenova është larguar nga dosja hetimore me vendim të kryeprokurorit Llalla, duke u transferuar në Prokurorinë e Apelit Tiranë. Ndërkohë procedimi penal me nr. 184 i kaloi në dorë një prokurori të ri në këtë prokurori, siç ishte Klodian Braho. Në total janë rreth 60 disqe me përgjime ende të pazbardhura që qëndrojnë në këtë dosje, ndërkohë asnjë person nuk është marë nën hetim apo i pandehur, për tu çuar në gjyq dhe përballur me akuzat. Në fokus të hetimit të prokurorisë kanë qënë efektivë të policisë në Dibër dhe Bulqizë si dhe zyrtarë të drejtorisë Arsimore apo të Tatimeve, të cilët dyshoheshin se janë përfshirë në mënyrë të paligjshme në procesin zgjedhor, se kanë premtuar vende pune në këmbim të votes si dhe kanë dhënë para në këmbim të votës.
Komente
Lajme të tjera
-
Tiranë/ Protesta e 23 dhjetorit, gjykata liron nga arresti 7 protestuesit e opozitës! Vendosen në masën 'detyrim paraqitje' për pengimin e qarkullimit dhe kundërshtim ndaj policisë
26 Dhjetor, 10:55 -
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
Protesta e Berishës, Faik Basha: Rëndësi ka cilësia, jo numrat! Haklaj: Mosbindja civile, teatër! PD bllokoi rrugët, vepër penale
25 Dhjetor, 17:47 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Përplasja fizike në Kuvend, Luan Baçi i del në mbrojtje Agron Shehajt, kundër Flamur Nokës
24 Dhjetor, 18:31 -
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23
Corbe llallerie,me nje babale gjerman,,,,, me ia hudh ndeshkimeve te merituara qe u pervlojne sumen. Ky babalja gjermon me leket e grabitura ne Rinas u darovit ?!
PërgjigjuHyra në faqen e gazetës BILD në internet, por nuk i gjeta këto publikime. Dikush e di ku janë publikuar vërtet? Faleminderit