'Si sot një vit më parë nisën betejën në vijën e parë të frontit', Manastirliu falenderon mjekët: Kurrë nuk u dorëzuan, t'i ndihmojmë të gjithë bashkë duke mos ulur vigjilencën

Kur bëhet një vit që nga fillimi i pandemisë së COVID në vendin tonë, ministrja e Shëndetësisë Ogerta Manastirliu, ka bërë një reagim në mediat sociale duke falënderuar stafet spitalore. Ministrja shkruan se si sot një vit më parë nisi beteja në vijën e parë të frontit e stafeve tona mjekësore në përballje me COVID19, në shërbim të jetës, dhe megjithë vështirësitë kurrë nuk u dorëzuan.

Manastirliu bën thirrje që ti ndihmojnë të gjithë së bashku, për të ulur vigjilencën dhe më durim e sakrificë të çojmë deri në fund luftën me armikun e padukshëm.

‘Si sot një vit më parë, nisi beteja në vijën e parë të frontit e stafeve tona mjekësore në përballje me COVID19, në shërbim të jetës. Megjithë vështirësitë, kurrë nuk u dorëzuan në këtë vit sfidues të përballjes me pandeminë, që njerëzimi e ndesh një herë në shekull. T’i ndihmojmë të gjithë bashkë, duke mos e ulur vigjilencën , me durim e sakrificë, ta çojmë deri në fund luftën me armikun e padukshëm. Sepse drita në fund të tunelit sa vjen e qartësohet, me intensifikimin e vaksinimit antiCOVID.’-shkruan Manastirliu.

LEXO EDHE:
Financim nga qeveria, do rehabilitohen 5 shkolla në Shkodër, Rama: I ndryshojmë faqe infrastrukturës arsimore

 

M.Q./Shqiptarja.com

TAG:
• ogerta manastirliu
• COVID-19
• koronavirusi ne shqiperi
• Spitale Covid