POP 5

Lajmet më të lexuara të 5 minutave të fundit

Kronikë

Siguria ushqimore në zonat bregtare/ AKU rrit numrin e inspektimeve në prag të sezonit turistik

Në prag të sezonit turistik, rriten kontrollet për sigurinë ushqimore. Inspektimet më të shumta janë kryer në Durrës dhe Vlorë ndërsa produktet që janë sekuestruar jashtë standarteve kanë qenë ato me prejardhje jo shtazore. Autoriteti Kombëtar i Ushqimit ka parashikuar 20% më shumë kontrolle në zonat bregdetare gjatë sezonit turistik.

Sigurimi i standardeve ushqimore vazhdon të jetë një sfidë, e sidomos në prag të sezonit turistik pasi shumë qytete të Shqipërisë do të jenë të mbushur plot me turistë. Autoriteti Kombëtar i Ushqimit ka nisur intensivisht inspektimet në zonën bregdetare. Sipas AKU inspektimet më të shumta janë kryer në qarkun e Durrësit, Vlorës, ndërsa produktet që më së shumti janë sekuestruar jashtë standardeve ushqimore kanë qenë ato me prejardhje jo shtazore, specifikisht pijet e ndryshme. Drejtoresha e Shërbimeve në  AKU Arsiola Dyrmishi tregon se vetëm gjatë sezonit turistik do kryhen 20% më shumë kontrolle në zonat bregdetare.

“Lidhur me kryerjen e planeve për sezonin turistik në fakt pritet një shumëfishim të numrit të inspektimeve, i cili shkon në vlerën 20% më shumë  se gjithë vitet e kaluara. Kjo tregon gadishmërinë tonë për të garantuar sigurinë ushqimore në kuadër të sezonit turistik”, thotë Dyrmishi.

Shkeljet më të shumta janë konstatuar mbi kushtet higjeno-sanitare, dhe në raste të tilla ka pasur mbyllje të aktivitetit. Ndërsa shitja e produkteve jashtë datës së skadencës vazhdon të jetë një problematikë e vazhdueshme.

“Shkeljet janë klasifikuar sipas tipologjisë. Kemi pasur raste kur operatorët ushqimorë nuk kanë pasur dokumentacionin shoqërues për produktin. Ka pasur raste të produkteve  jashtë afatit të përdorimit dhe nuk ka pasur vetëm masën me gjobë.  Kemi pasur probleme me kushtet higjeno sanitare, dhe kemi marrë masa deri në bllokimin e aktivitetit”, shprehet Dyrmishi.

Produktet e shumta që tregtohen jashtë çdo standardi, e sidomos të produkteve që vijnë nga jashtë kanë rritur gatishmërinë e institucioneve për të kryer sa më shumë kontrolle. Autoriteti Kombëtar i Ushqimit gjatë këtij viti ka kryer 115 inspektime më shumë nga vitet e kaluara.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 12/06/2019 21:04

    Kontrolloni gjith qoskat e baret e plazheve në Sarandë se shesin birra Korona të skadume nje vit. I helmun robt fshataret!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ PS dhe PD ndajnë nga 4 mandate deputetësh në Shkodër

Sondazhi/ PS dhe PD ndajnë nga 4 mandate deputetësh në Shkodër

25 Dhjetor, 21:24