POP 5

Lajmet më të lexuara të 5 minutave të fundit

Kronikë

Situata e COVID-19/ 50% e arsimit të mesëm fillojnë mësimin online, zyrtari i Drejtorisë Arsimore: Është shtuar numri i mungesave në shkolla

Rreth 48 mijë nxënës të 215 gjimnazeve publike dhe private në 10 bashkitë me risk të lartë për përhapjen e COVID-19, nisën sot mësimin online. Kjo shifër përbën gati 50% të nxënësve të arsimit të mesëm në Shqipëri.

Sot nisën mësimin online rreth 48 mijë nxënës në 10 bashki të vendit që konsiderohen zona me risk të lartë për përhapjen e COVID-19. Një ndër arsyet për kalimin në këtë skenar ishte rritja e numrit të mungesave nëpër shkolla, tha Fiqiri Çifligu nga Drejtoria e Përgjithshme e Arsimit Parauniversitar.

“Aktualisht ne kemi në të 10 zyrat arsimore ku mësimi kalon online 215 gjimnaze publike dhe jo publike, me rrreth 48 mijë nxënës, gati 50% e nxënësve të arsimit të mesëm, të cilët nga sot dhe për dy javë do të vazhdojnë mësimin online. Aktualisht ka pasur një shtim të numrit të mungesave dhe kjo ka qenë arsyeja që kaluam në këtë skenar” - tha Fiqiri Cifligu.

Çifligu tha se mësimi online do të zhvillohet përmes platformës akademi.al për të evituar sa më shumë përdorimin e Whatsapp.

“Për shkollat që kthehen online janë marrë masat që nëpërmjet akademi.al apo platformave të tjera funksionale për zhvillimin e mësimit online, ky proces të zhvillohet nga mësuesit qoftë me prezencë të tyre në shkolla pjesërish por edhe nga shtëpitë e tyre të ndjekin mësimin online, duke evituar në maksimum mësimin nëpërmjet Whatsapp” - shpjegoi Fiqiri Çifligu.

Në udhëzimin e siguruar nga Report Tv për skenarin e tretë, atë të mësimdhënies online, thuhet se ora e mësimit do të jetë 25 minuta dhë mësimi do të zhvillohet në dy orë të njëpasnjëshme. Gjatë mësimit në distancë, dy llojet e vlerësimit që rekomandohen më së shumti janë vlerësimi i vazhduar dhe vlerësimi i portofolit elektronik.

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Greqi/ U plagos me thikë pas shpine pas sulmit nga 4 persona, kopshtari shqiptar u tregon oficerëve emrin e autorit! Motivi, përleshja tre muaj më parë

Greqi/ U plagos me thikë pas shpine pas sulmit nga 4 persona, kopshtari shqiptar u tregon oficerëve emrin e autorit! Motivi, përleshja tre muaj më parë

25 Dhjetor, 16:55