Vendi ynë vijon të shënojë një numër të konsiderueshëm të rasteve ditore në lidhje me infektimet me COVID-19. Në 24 orët e fundit në vendin tonë janë shënuar 2 humbje jete dhe janë regjistruar 200 persona të infektuar. ndërkohë që është rritur edhe numri i shtrimeve në spitalin Infektiv, ku po marrin trajtim 47 pacientë. Në kuadër të luftës ndaj virusit, në vendin tonë po vijojnë të vijnë vaksinat, ku sot kanë mbërritur në aeroportin "Nënë Tereza" 44,460 doza të vaksinës Pfizer. Kryeministri Edi Rama bën edhe një apel për qytetarët që të shfrytëzojnë muajin gusht, si muajin e hapur të vaksinimit masiv.
Nga 2183 testime të kryera kanë rezultuar pozitivë me Covid19, 200 qytetarë, në këto bashki: 45 raste në Shkodër, 20 në Durrës, 16 në Lezhë, nga 14 raste në Tiranë, Pogradec, 12 në Malësi e Madhe, 10 në Divjakë, 9 në Vlorë, nga 7 raste në Gjirokastër, Lushnje, nga 5 raste në Sarandë, Mallakastër, nga 4 raste në Librazhd, Kavajë, nga 3 raste në Vau i Dejës, Kukës, Kurbin, Fier, Tepelenë, nga 2 raste në Peqin, Përmet, nga 1 rast në Has, Mirditë, Dibër, Libohovë, Dropull, Memaliaj, Korçë, Berat, Elbasan.
Aktualisht janë 2,981 pacientë aktivë me COVID19 në të gjithë vendin. Në Spitalin Infektiv po marrin trajtim 47 pacientë.
Në 24 orët e fundit kanë ndërruar jetë një qytetar 53 vjeç nga Tirana dhe një qytetar 80 vjeç nga Elbasani. Janë shëruar 27 qytetarë gjatë 24 orëve të fundit, duke e çuar numrin e të shëruarve në 130,700 që nga fillimi i epidemisë.
Më herët Report Tv krahasoi shifrat e infektimeve për 15 ditëshin e parë të gushtit për vitin 2020 dhe 2021 dhe u vu re se infektimet për të njëjtën periudhë ishin më të larta për 1-15 gusht 2021 se sa në 2020 dhe kjo duket se lidhet edhe me konfirmimin e variantit Delta në Shqipëri, i cili është më infektues. Nga data 1 deri në 15 gusht 2021 ka patur 2797 raste të reja, ndërsa në 15 ditëshin e parë të gushtit të 2020 numri i infektimeve ishte 1984.
Megjithatë lajmi i mirë është se pavarësisht infektimeve për të njëjtën periudhë 1-15 gusht numri i fataliteteve nga COVID-19 është më i ulët për 2021 ku janë regjistruar vetëm 7 humbje jete, krahasuar me 1-15 gusht 2020 janë shënuar 68 humbje jetë si pasojë e virusit.
Statistika (16 Gusht 2021)
Raste të reja ditore 200
Të shëruar në 24 orë 27
Të shtruar në spitale 47
Humbje jete në 24 orë 2
Testime ditore 2183
Testime totale 959,984
Raste pozitive 136,147
Raste të shëruara 130,700
Raste Aktive 2,981
Humbje jete 2,466
Shpërndarja gjeografike e rasteve aktive sipas qarqeve:
Tiranë 1078
Shkodër 440
Fier 309
Vlorë 281
Elbasan 183
Durrës 180
Lezhë 169
Gjirokastër 97
Berat 84
Korçë 68
Kukës 57
Dibër 35
44,460 doza të vaksinës Pfizer kanë mbërritur në Aeroportin “Nënë Tereza” duke e çuar në 1,845,660 numrin e vaksinave të mbërritura në Shqipëri. Lajmi është dhënë nga Kryeministri Edi Rama, i cili bën edhe një apel për qytetarët që të shfrytëzojnë muajin gusht, si muajin e hapur të vaksinimit masiv.
Kujtojmë se muaji gusht është muaj i hapur i vaksinimit për të gjithë qytetarët +18 vjeç, për të kryer vaksinën kudo në qendrat shëndetësore apo në pikat e vaksinimit të përqendruar, ku secili mund të paraqitet me kartën e identitetit. Për të pamundurit, njësitë e lëvizshme të vaksinimit do të jenë kudo në territor për t'iu dhënë mundësinë e kryerjes së vaksinimit ndaj COVID-19 të gjithë qytetarëve.
Deri më tani në vendin tonë janë kryer më tepër se 1 milion e 290 mijë vaksinime ndërsa 562,418 qytetarë i kanë kryer të dyja dozat. Ekspertët bëjnë thirrje për vaksinimin e qytetarëve pasi numri i infektimeve në vendin tonë po rritet me shpejtësi.
Komente
Lajme të tjera
-
Partia Demokratike denoncon: Ministria e Shëndetësisë ka monopolizuar blerjen e oksigjenit mjekësor në duar të dy kompanive! Çmimi 3-4 herë më i lartë se rajoni
19 Tetor, 11:15 -
Ministrja Koçiu: 80 mijë pushues morën shërbim në qendrat shëndetësore verore
16 Tetor, 14:47 -
Hyn në fuqi udhëzimi për dypunësimin e mjekëve, mjeku mbetet në dorën e titullarit publik pas kërkesës që dërgon
20 Shtator, 12:12 -
Procesi i Deinstitucionalizimit, Koçiu: Nismë kombëtare për një të ardhme më të mirë për fëmijët në nevojë
13 Shtator, 17:18 -
Debati për 'Urdhrin e Mjekut'/ Ministrja Koçiu: Nuk po i merren kompetencat dhe as po i preket pavarësia! Po ngrihen Komisione Kolegjiale dhe transparente
10 Shtator, 15:24 -
Skolioza, Koçiu: Program në shkolla për depistimin e hershëm te fëmijët 6-10 vjeç
4 Shtator, 13:31 -
Realizohet me sukses bajpasi aorto-koronar në QSUT tek një pacient 73-vjeçar
30 Gusht, 10:10 -
Mbi 1 vit jashtë funksionit, vihet në punë pajisja e re e Ortovoltazhit! Marrin trajtim 400 pacientë me tumore të lëkurës
16 Gusht, 12:59 -
Ministrja Koçiu inspekton vijën bregdetare të Golemit për kushtet higjieno-sanitare: Nga 1 qershori deri më 9 gusht, 2,961 kontrolle
13 Gusht, 16:10 -
Ministrja Koçiu: Rritëm me 4-fish buxhetin për trajtimin e sëmundjeve tumorale, akseleratorët e rinj shkurtuan listën e pritjes nga 3 muaj në dy javë
17 Korrik, 14:25 -
Komisioni Evropian kritikohet për jotransparencë në marrëveshjet për vaksinat
17 Korrik, 11:36 -
Koçiu në konferencën për Autonominë spitalore: Standarde evropiane në shërbim të qytetarëve dhe rritje e të ardhurave për mjekët, të panegociueshme integriteti dhe transparenca
16 Korrik, 14:26
Me dt 25 u bisedua për forcim masash ! Pse lodheni
PërgjigjuPo kufinjte qe nuk kane asnje kufizim???? Turistet ,sidomos nga Kosova ku situata me covid ka perkeqesim katastrofikisht shpejt,qe hyjne e dalin lirshem???? Por jo vetem kosovaret??? Kaq te zgjuar jemi ne qe nuk duam ne Tirane neper organizime pa vaksinim por se kush hyn ne Shqiperi nuk ka problem... Cudi!!!
Përgjigju