Situata vijon të jetë e tensionuar në veri të Kosovës ku përgjatë dy ditëve të fundit janë regjistruar 6 sulme me bombë dhe të shtëna në Mitrovicën e Veriut dhe Zubin Potok dhe raportohen se kanë ndodhur pranë zyrave të Komisionit Komunal Zgjedhor.
Për Ragmi Mustafin, Kryetar i Këshillit Kombëtar Shqiptar në Luginën e Preshevë, kjo është pasojë e politikës së Serbisë sepse ajo nuk pranon dot realitetin e një Kosove të pavarur.
I ftuar në emisionin “Sot Live në Shqipëri” me gazetarët Migena Sotiri dhe Nertil Agalliu në Report Tv, Mustafi i u shpreh se kjo situatë e krijuar në veri të Kosovës afekton dhe te shqiptarët e Luginës së Preshevës.
“Jam i bindur se instrumentalzimi përmes listës Serbe është pasojë e një politikë karshi Kosovës, nuk pranojnë realitetin se Kosova është një shteti i pavarur. Kjo situatë që po ndodh reflekton drejt te qytetarët e Luginës së Preshevës.
Edhe në komunikim me qeverinë kemi kërkuar që te këtë vëmendjen. Kemi kërkuar që Shqipëria të përfaqësojë të drejtat e qytetarëve në luginën e Preshevës.”, u shpreh Mustafi.
Mustafi thotë se përderisa "Lista Serbe" vendosi të largohej nga institucionet, kjo tregon se nuk përfaqësonin të drejtat e qytetarëve për të cilat ishin zgjedhur.
“Në radhë të parë është e rëndësishme çdo gjë që do i ofrohet komuniteti serb dhe t’i ofrohet dhe Kosovës. Serbët që kanë dalë nga institucionet tregon se integrimi i tyre nuk ka qenë i vërtet, jo për të mbrojtur interesat e serbëve, por të Beogradit. Situata nuk është normale që një komunitet i tërë të terrorizohet nga disa banditë.”, tha ai.
Në 6 dhjetor, efektivë të Policisë së Kosovës, të EULEX-i u vendosën para zyrës së Komisionit Komunal Zgjedhor në Mitrovicën e Veriut pas raportimeve se brenda ambienteve të zyrës kishte bombë. Pas kësaj në vendngjarje mbërritën forcat e KFOR-it. Pas disa minutave u dëgjua një shpërthim i fortë dhe më ekipet e KFOR-it u larguan nga vendngjarja. Mediat raportojnë se është realizuar një shpërthim i kontrolluar i bombës. Në një njoftim zyrtar, Policia e Kosovës bëri me dije se grupet e maskuara të cilët kishin hyrë me forcë në komunën e Zubin Potokut, kishin përdorur edhe granata dore të prodhimit jugosllave në momentin kur sulmuan edhe zyrat e Komisionit Qendror të Zgjedhjeve.
Po ashtu dhe ditën e djeshme, një tjetër shpërthim u regjistrua gjatë mbrëmjes në veri të Kosovës, përkatësisht në Mitrovicë, në lagjen e Boshnjakëve.
Sulmet në veri kanë vijuar me akuza të rënda politike ku krerët e Kosovës dhe Serbisë kanë bërë përgjegjës njëri-tjetrin. Për kryeministrin e Kosovës, Albin Kurti sulmet në veri të vendit erdhën nga banda kriminale të cilat paguhen e dirigjohen nga Presidenti Serb, Aleksandër Vuçiç. Kurti paralajmëroi se në veri të vendit janë shtuar forca të shumta policore. Në samitin e BE në Tiranë, i pyetur nga gazetarët, Vuçiç bëri përgjegjës kreun e qeverisë së Kosovës. Të forta qenë edhe reagimet e presidentes, Vjosa Osmani e cila u shpreh se ky sulm erdhi nga Serbia me qëllim destabilizimin në Ballkan.
Lajme të tjera
-
FOTO/ Mbrojtësi i Interit kalon Krishtlindjet në Gjakovë me të dashurën shqiptare
26 Dhjetor, 11:26 -
Albin Kurti 42 km rrugë? Gjatë mandatit të qeverisë u ndërtuan 1.6 kilometra për 3 vite
26 Dhjetor, 11:25 -
Pjesëtari i forcave serbe dënohet me 15 vjet burg në mungesë për krime lufte në Kosovë! Çedomir Aksiq akuzohet për vrasjen e 8 shqiptarëve në Reçak
26 Dhjetor, 11:20 -
Vuçiç: Sa të jem unë president, nuk do ta njoh kurrë Kosovën
25 Dhjetor, 21:43 -
Kosovë/ KQZ urdhërohte të çertifikojë Listën Serbe për zgjedhjet parlamentare të 9 shkurtit
25 Dhjetor, 17:03 -
VIDEO/ Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve
25 Dhjetor, 16:02 -
Serbia i refuzon ministrit të Brendshëm të Kosovës kërkesën për vizitë në Luginën e Preshevës
25 Dhjetor, 13:52 -
Osmani: Lista Serbe është angazhuar në akte terroriste dhe akte agresioni
24 Dhjetor, 19:57 -
Kosovë, Lista Serbe paralajmëron se do të ankimojë vendimin e KQZ-së
24 Dhjetor, 18:01 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Gucati përfundon dënimin në Hagë: Qëndrova ballëlartë dhe krenar
24 Dhjetor, 16:51 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52
