Kalimi në rrugën e Kombit për invalidët është falas. Por prej datës 5 korrik, invalidët që kanë kaluar përmes traut të vendosur në Rrugën e Kombit, kanë kryer pagesën prej 5 eurosh për çdo kalim. Një lajm të tillë e dha fillimisht kryetar i Shoqatës se Invalidëve të Punës të Qarkut të Kukësit, Mustafe Luzha. Shqiptarja.com u interesua edhe më tej, dhe mësoi se prej 4 ditësh tashmë, invalidët, për arsye të panjohura zyrtarisht, paguajnë të njëjtën vlerë si udhëtarët e zakonshëm.
Në mesin e tyre ka shumë invalidë të cilët duhet të vijnë shpesh nga Kukësi në Tiranë për të kryer shërbimet e nevojshme shëndetësore, siç është rasti i dializën. Siç kreu i Shoqatës së Invalidëve thotë, kjo kategori personash, për të lehtësuar shpenzimet e lëvizjeve thuajse të përditshme drejt kryeqytetit, janë detyruar të kthejnë makinën nga naftë ose benzinë me gaz, për të kursyer paratë e karburantit. Por tashmë janë rënduar edhe më shumë nga pagesa e taksës.
"Më datën 5 korrik të këtij muaji shoqëria kontraktuese e autostradës tek trari ka filluar me një urdhër verbal që t'u merret taksa invalidëve. Kanë shoqëruar edhe invalid në komisariat, pasi kanë kundërshtuar të paguajnë taksën, pasi nuk kanë qenë të lajmëruar, nuk kanë asnjë lajmërim edhe nga shoqata. Invalidët për hallet personale kanë kthyer motorin me gaz që të paguajnë pesë mijë lek për të shkuar për të bërë për dializën apo mjekimet e tjera", u shpreh Luzha për Report Tv.
Nga burime për Shqiptarja.com pranë koncensionarit, mësohet se administratori i kompanisë koncensionare, prej 8 muaj i ka nisur të plota të gjithë kalimet e invalidëve, dhe shumën totale që duhet kompensuar nga shteti, por nuk ka marrë asnjë përgjigje. Kjo duket të jetë një formë presioni e koncensionarit ndaj shtetit për mungesën e kompensimit, lëvizje e cila bie mbi kurrizin e qytetarëve të pafajshëm.
Luzha ju bën thirrje institucioneve përgjegjëse që të merren masa për ndalimin e pagesës për këtë kategori personash në të kundërt paralajmërojnë greva. "I kërkoj Kryeministrit, pushtetit lokal, institucioneve përkatëse që të merren masa sa më shpejt që mos të hidhemi në grevë. Se po hidhemi në grevë do ta shohë gjithë bota se po bëhet poshtërsi në Shqipëri", tha Mustafe Luzha.
Në qarkun e Kukësit janë 300 invalidë të punës që përdorin automjete të vogla, të cilët për nevojat e tyre shëndetësore lëvizin drejt Tiranës përmes Rrugës së Kombit. Sipas kontratës me koncensionarin, të gjithë invalidët përjashtohen nga tarifa dhe kalojën falas në Rrugën e Kombit, vlerë e cila rimbursohet nga shteti.
Komente
Lajme të tjera
-
Pullat fiskale në dorë të shtetit, biznesi kërkon të ulet dhe çmimi! Konfindustria: Koncesioni kushtoi 150 milionë euro
3 Maj, 11:27
-
58-vjeçari invalid nga Dragoti i Tepelenës pa çati mbi kokë apel për ndihmë: Marr pension 7 mijë lek, s’mjafton për ilaçe! Kërkoj shtëpi
16 Janar, 15:46
-
Ujësjellësit me PPP, ekspertët: E pastudiuar, rrit kostot për qytetarët! Çoçoli: Reforma e domosdoshme, ndërmarrja e falimentuar nga humbjet dhe borxhet
15 Nëntor 2023, 18:21 -
Rruga Milot-Balldre do të jetë me pagesë për qytetarët! Në dhjetor hapet gara për koncesionin për ndërtimin e këtij segmenti
14 Nëntor 2023, 14:03
-
Aleksandri nga Lezha bëhet me karrocë pas apelit në Report Tv! Shqiptari nga Londra i realizon dëshirën për të shkuar në shkollë
13 Tetor 2023, 16:10
-
S’është ngritur kurrë në këmbë, 38-vjeçari nga Lezha në klasën e 8-të kërkon një karrocë për në shkollë: Më ndihmoni të arsimohem
6 Tetor 2023, 15:46
-
‘Më ndihmoni të jetoj!’ Apeli i 33 vjeçarit të sëmurë! S’ka para të udhëtojë nga Maliqi në Korçë për të kryer dializën
23 Shtator 2023, 15:17
-
Invalidët e Punës në protestë para Ministrisë së Financave, listojnë 8 kërkesa: Po jetojmë me 92 mijë lekë në muaj, meritojmë të trajtohemi me dinjitet
14 Tetor 2022, 10:36 -
U anulua në 2019 një muaj pas skandalit të Unazës, riaktivizohet koncesioni i Gener 2 për projektimin dhe ndërtimin e aksit Thumanë-Kashar
26 Maj 2022, 13:14 -
Riaktivizohet koncesioni për ndërtimin e segmentit Thumanë-Kashar! Gjykata kërkoi firmosjen e kontratës, qeveria e miraton
29 Dhjetor 2021, 19:32 -
Tabaku: Koncesionet po prishin tregun e punës! Pagat në kompanitë koncesionare më të larta se në sektorin privat për të njëjtin profesion
24 Dhjetor 2021, 11:53 -
Projektbuxheti 2022/ Guvernatori i BSH, Gent Sejko: Të vendoset një tavan për vlerën totale të PPP-ve! Ka abuzime me normat e interesit nga jo-bankat për kreditë
5 Nëntor 2021, 10:16
Ministria e infrastruktyres duhet te bej transparente kushtet e kontrates me koncensionarin. Kryeministri Rama ja deklaruar se koncensionari ne investimet e tij do te plotesoj te gjitha veprat e lena pergjysem dhe sipas formes PPP shteti do ja shlyej per 13 vjet , keshtu shteti duhet te kontrolloj tratet per oagesen e rruges dhe jo koncensionari. Ne rast se koncensionari merr edhe oarat e rruges dhe parat qe do i shlyej shteti atehere kjo kontrate eshte super abuzive.
Përgjigju