New York-Jeffrey Goldberg nuk donte ta besonte. Pastaj bombat shpërthyen me të vërtetë.
“Bota e mori vesh pak pas orës 14:00 (sipas kohës lindore të SHBA) më 15 mars se Shtetet e Bashkuara po bombardonin Huthit në Jemen. Unë e dija dy orë më parë,” shkruan kryeredaktori i The Atlantic, duke zbuluar një rast tronditës të dështimit të administratës Trump në menaxhimin e informacionit të klasifikuar.
“Arsyeja është se Pete Hegseth, Sekretari i Mbrojtjes, më dërgoi planet e luftës me mesazh në orën 11:44 të mëngjesit, duke përfshirë detaje të sakta mbi armët, objektivat dhe kohën e sulmit.”
Në një artikull, Goldberg rrëfen se më 11 mars u përfshi gabimisht nga këshilltari për Sigurinë Kombëtare, Mike Waltz, në një bisedë në Signal, ku zyrtarë të lartë po diskutonin plane ushtarake sekrete. Në fillim, ai mendoi se bëhej fjalë për profile të rreme.
“Nuk mund ta besoja që drejtuesit e sigurisë kombëtare të SHBA do të komunikonin vërtet plane të afërta lufte përmes Signal. Nuk mund ta besoja që Këshilltari për Sigurinë Kombëtare i SHBA kishte qenë kaq i pamatur sa të përfshinte kryeredaktorin e The Atlantic... Nuk kam parë kurrë një gjë të tillë si kjo,” shkroi ai.
Brian Hughes, zëdhënësi i Këshillit të Sigurisë Kombëtare, konfirmoi vërtetësinë e dukshme të bisedës, e cila përfshinte 18 pjesëmarrës, mes tyre Zëvendëspresidentin JD Vance, Drejtorin e CIA-s John Ratcliffe, Shefen e stafit të Shtëpisë së Bardhë Susie Wiles, këshilltarin Stephen Miller dhe të dërguarin Steve Witkoff.
Sipas Goldberg, Hegseth ndau detaje që mund të kishin vënë në rrezik sigurinë e trupave dhe operacioneve të inteligjencës.
Demokratët në Kongres po kërkojnë me ngulm një hetim, duke argumentuar se përdorimi i një aplikacioni në celular në vend të kanaleve të sigurta (që kanë kushtuar miliarda) është një shkelje e Aktit të Spiunit (Espionage Act), e dënueshme me burg. Ata kujtojnë gjithashtu se si Trump dikur këmbëngulte që Hillary Clinton duhej të shkonte në burg për përdorimin e kompjuterit të saj privat gjatë kohës që ishte Sekretare e Shtetit.
Raporti është gjithashtu domethënës për mënyrën se si anëtarët e qeverisë amerikane flasin për Europën. Vance kundërshton operacionin kundër Huthive - të cilët kanë sulmuar Izraelin dhe rrugët tregtare pas luftës në Gaza -duke argumentuar se vetëm 3% e tregtisë së SHBA kalon nëpër Kanalin e Suezit, krahasuar me 40% të tregtisë europiane. Ai paralajmëron për një "rrezik real" që amerikanët të mos e kuptojnë "pse është e nevojshme" të ndërhyhet.
Zëvendëspresidenti, i cili publikisht nuk e kundërshton kurrë Trumpin, shton: "Nuk jam i sigurt që presidenti është i vetëdijshëm se sa e paqëndrueshme është kjo me mesazhin e tij për Europën" dhe sugjeron të pritet një muaj, duke marrë parasysh edhe rrezikun që një sulm mund të rrisë çmimin e naftës.
Hegseth përgjigjet se pritja rrit rrezikun që dikush të zbulojë planet ose që Izraeli të kryejë një sulm në mënyra të ndryshme nga ato që synojnë SHBA-të. Waltz shpjegon se, duke pasur parasysh burimet e kufizuara të Europës, vetëm SHBA mund të rihapë rrugët tregtare, por "presidenti ka thënë të përcaktojmë se si t’i bëjmë europianët të paguajnë për këtë."
Vance dorëzohet: "Nëse mendon se duhet ta bëjmë, le ta bëjmë. E urrej ta shpëtoj përsëri Europën..."
Hegseth pajtohet: "E ndaj plotësisht neverinë tënde për parazitët europianë. ËSHTË PATETIKE. Por ne jemi të vetmit në planet që mund ta bëjmë këtë."
Dhe Miller përfundon: "Presidenti ka qenë i qartë: dritë jeshile. Por le t’i shpjegojmë Egjiptit dhe Europës çfarë presim në këmbim... Duhet të ketë një përfitim ekonomik nëse SHBA-të rikthejnë me sukses lirinë e lundrimit me një kosto të lartë."/Corriere della Sera
Donald Trump
Presidenti Donald Trump ka reaguar në lidhje me mesazhet e shkëmbyera në aplikacionin e koduar “Signal” midis zyrtarëve të lartë të sigurisë kombëtare të SHBA-së, ku jepeshin detaje të operacioneve ushtarake kundër grupit Huthi në Jemen.
Trump u shpreh se ka “besim të plotë” në ekipin e sigurisë kombëtare, duke minimizuar dëmet e rrjedhjes së informacioneve sekrete në media.
Ai e cilësoi këtë një “gabim” nga ana e stafit të këshilltarit të Sigurisë Kombëtare, Mike Waltz dhe theksoi se rrjedhja e të dhënave “nuk kishte asnjë ndikim” në operacionin ushtarak.
Në mënyrë të pazakontë, pjesë e grupit të bisedave ka qenë edhe kryeredaktori i The Atlantic, Jeffrey Goldberg. Këshilli i Sigurisë Kombëtare i Shtëpisë së Bardhë konfirmoi se mesazhet janë autentike dhe ka nisur një hetim për të zbuluar si ndodhi që një gazetar u përfshi në diskutimet konfidenciale.
Komente
Lajme të tjera
-
Irani i përgjigjet negativisht letrës së Trump, refuzon negociatat për programin e tij bërthamor
30 Mars, 16:09 -
Skënder Minxhozi: Të gjuash me gur Evropën që të dëgjojë 'sherifi'
30 Mars, 15:31
-
Letrat amerikane kundër diversitetit mbërrijnë edhe te furnitorët italianë: Mos zbatoni politika të barazisë dhe përfshirjes
30 Mars, 15:11 -
Preç Zogaj: Zvogëlimi i SHBA dhe BE-së është horizonti i tyre
30 Mars, 14:42
-
Fitim Zekthi: Drejtësia i ka bërë dy partitë e mëdha të jenë plotësisht apolitike
30 Mars, 14:01
-
Presidenti Trump kërcënon sërish: Nuk përjashtoj përdorimin e forcës ushtarake për të marrë Groenlandën
30 Mars, 10:49 -
SHBA/ Avioni rrëzohet mbi një shtëpi në Minesota, humbin jetën të gjithë personat në bord, kamerat kapin momentin e përplasjes (VIDEO)
30 Mars, 10:09 -
VIDEO/ Vetëm dy minuta në fushë, Lionel Messi shënon dhe ngjit Inter Miamin në krye të renditjes
30 Mars, 09:22 -
Tërmeti në Mianmar dhe Tajlandë, bilanci thellohet me mbi 1600 të vdekur dhe 200 të zhdukur! Regjistrohen dhe dy lëkundje të tjera nga 5,1 ballë
30 Mars, 07:55 -
Pas bisedave në Signal, sekretari amerikan i Mbrotjes sërish nën kritika/ Pete Hegseth u shoqërua nga gruaja në takime sekrete ushtarake
29 Mars, 22:44 -
Trump takohet me presidentin e Finlandës, diskutojnë për blerjen e akullthyesve nga SHBA
29 Mars, 21:53 -
‘S’keni bërë punë të mirë për Groenlandën’, Danimarka i përgjigjet JD Vance: Nuk është mënyra e duhur për t’iu drejtuar një aleati të SHBA
29 Mars, 21:39
O Tramp po bëhesh gazi i botës.
PërgjigjuKeto jane bere gazi i botes or teeeejjjjj
Përgjigju