SPAK kërkoi arrestimin, Berisha mbledh deputetët! Do të vendoset për aksionin! A do të lejojë seancën ku të votohet autorizimi i SPAK? Ja si përgjigjet

Berisha ka mbledhur grupin parlamentar ku pritet të vendosen dhe hapat që do të ndërmerren në seancë parlamentare ku do të votohet dhe autorizimi i SPAK për arrestimin/ heqjen e lirisë së Sali Berishës.

Nisur nga fakti se opozita prej dy muajsh nuk lejon seancë normale, a do të lejojë Berisha të zhvillohet një seancë normale ku do të votohet autorizimi i SPAK?

“Atë e vendos grupi parlamentar. Ky është vendim jo i Sali Berishës por i grupit parlamentar që është i mbledhur" tha Berisha sot në konferencën për median.

LEXO EDHE:
Jakin Marena: Dorëheqja e Biden dhe ... ‘thonjtë’ e Berishës në ‘fytin’ e PD

Duket që mbërritja e kërkesës së SPAK në Kuvend e ka zënë papritur Berishën.

Pyetje: Sipas rregullores Këshilli për Rregulloren e Mandateve do të mblidhet po a do të shkojë Berisha?

“Gjithçka do të vendoset në orët që vijnë’ tha Berisha

Berisha e quan vendim të paligjishëm dhe sulmoi sërish SPAK.

Vendimi i parlamentit do të zbatohet nga Sali Berisha, sado që vendimi i skap është vendim i paligjshëm, i bazuar në një vendim të paligjshëm... Nëse parlamenti pranon këtë vendim të paligjshëm të bazuar edhe ky mbi një vendim antikushtetues të paligjshëm është përgjegjësia e tij. Unë do të përputhem me veprimet e gjyqësorit. 

Gjithashtu Berisha la të kuptohet se do të vijojë të përdorë 'partinë' për tu mbrojtur 

"Ky është një frymëzim për opozitën. Ky akt që ndërmerret kundër meje, është një frymëzim dhe kushtrim i ri për opozitën. Në këtë kontekst ndihem më i motivuar se kurrë" tha Berisha.

Lajmi kryesor:

DOKUMENTI/ Afera ‘Partizani’, SPAK i kërkon Kuvendit autorizim për arrestimin e Berishës! Këshilli i Mandateve mblidhet më 18 dhjetor! Ish-kryeministri: Frymëzim për partinë

S.G/r.k./Shqiptarja.com

TAG:
• sali berisha
• spak heton partizanin