POP 5

Lajmet më të lexuara të 5 minutave të fundit

Kronikë

Skënder Doda, një jetë në polici, sot falënderon Zotin: Isha me fat, nuk m’u vra asnjë efektiv, nuk vrava askënd! Trazirat e ‘97-s sfida më e madhe

Në 40 vitet e punës së tij në Policinë e Shteti, Skënder Doda sot në pension, ndjehet me fat që nuk i është vrarë asnjë polic dhe nuk ka vrarë askënd. Në një rrëfim për Report Tv, Doda, sfidën më të madhe të policisë e konsideron 1997-ën

Një jetë në Policinë e Shtetit, Skënder Doda i ka provuar të gjitha rreziqet. Është krenar për punën e kryer në vite. Sot në pension është i lumtur për një gjë

 ‘E quaj veten me fat që gjatë punës sime nuk më ka ndodhur që të më vritet asnjë punonjës policie në operacionet që kam marrë pjesë e drejtuar bashkë me shokët, ashtu siç nuk kam vrarë asnjë njeri. Mbase jemi nxituar, por them, shyqyr Zotit nuk kam pasur pasoja.’- u shpreh Doda.

Karrierën e nisi fillimisht në ushtri, por shpejt u bë pjesë e policisë. Para se të kalonte si drejtues brenda strukturës, Doda për disa vite drejtoi Akademinë e Sigurisë, nga ku dolën breza të tërë policësh.

 ‘Unë e kam filluar detyrën nga ushtria dhe jam transferuar në Policinë e Shtetit në detyrën e drejtorit të Akademisë. Unë kam qenë në nivelin e prodhuesit, pastaj në karrierën time kam provuar prodhimin që ka bërë Akademia e Policisë dhe jam i kënaqur që mjaft nga studentët të cilët kanë kryer Akademinë në kohën që kam qenë unë drejtues, kanë ecur shumë përpara në karrierë.’- tha Doda.

Puna e policisë është e vështirë në përballje me krimin, por vitet më sfiduese Doda i konsideron ato të fundit të shekullit të kaluar, për shkak të trazirave në vend.

 ‘Kam kujtime shumë të mira me punën në Forcat e Ndërhyrjes së Shpejtë dhe ato Speciale, sepse ishte forcë aktive dhe kanë përballuar situatat më të vështira, duke pasur parasysh ’97-ën, ’98-ën, ’99-ën me krizën kosovare, etj.’- u shpreh ai.

Por, si e sheh sot ish-drejtuesit nga jashtë Policinë e Shtetit?

 ‘Krimi ecën gjithmonë një hap përpara nga policia, sepse është vetë natyra njerëzore dhe policisë i duhet të jetë gjithmonë në proces reformimi pozitiv, duket të jetë pranë qytetarit. Qytetari më përpara thërret policinë, pastaj thërret Zotin për ndihmë.’- thotë Doda.

Megjithatë, përtej investimeve të kryera ndër vite, policët sipas tij janë të pamotivuar. Ndoshta ky është shkaku kryesor që një pjesë e tyre përfshihen në korrupsion dhe thyerje të ligjit.

 ‘Me këmbënguljen për zbatimin e ligjit dhe motivimin e punonjësve të policisë, të cilët nëse janë të motivuar në punë nuk kanë arsye për të kryer vepra korruptimi.’- tha ai.

Policia e Shtetit festoi në 13 janar 110 vjetorin. Më shumë se një shekull sfida, punë pa orare dhe të rënë në krye të detyrës, që sot janë shpirti dhe motivi i brezave të rinj të bluve.

M.Q./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Petrit: 16/01/2023 09:00

    Po lere o Skender, mos i hap pune vetes.

    Përgjigju
  • Loku: 16/01/2023 07:42

    Oficeri me i dobet

    Përgjigju
    • Bilua: 16/01/2023 08:50

      Shume mire, por sna the pse ike nga vetingu.

  • Polo: 15/01/2023 21:25

    Po nga vettingu pse u trembet o trim?!

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Nuk hani mëngjes? Ja dëmet që i shkaktoni shëndetit tuaj duke shmangur këtë vakt të rëndësishëm

Nuk hani mëngjes? Ja dëmet që i shkaktoni shëndetit tuaj duke shmangur këtë vakt të rëndësishëm

24 Nëntor, 07:35