Skënder Gjinushi për pranimin e 17 anëtarëve të rinj: Hapja ka sjellë pranime cilësore dhe kontributi i tyre është për t’u përshëndetur(VIDEO)

Nga ana tjetër Kreu i Akademisë së Shkencave Skënder Gjinushi tha se janë pranuar shkencëtare dhe studiues nga Kosova, nga komuniteti arbëresh, nga Maqedonia e Veriut si dhe nga SHBA e vende të tjera.

Gjinushi falënderoi qeverinë për mbështetjen financiare si dhe për bashkëpunimin që është kryer në kuadër të kësaj reforme, ku tha se hapja ka sjellë pranime të reja cilësore dhe se kontributi i tyre është për tu përshëndetur. Gjinushi tha se këtë vit do të mbahet Kuvendi i Albanologjisë.

‘Krahas nevojës për reformim të gjithë sistemit të arsimit të lartë prej vitesh edhe para akademisë së Shkencave shtrohej nevoja e reformimit të saj, sot është thirrur kjo mbledhje e asamblesë për të nderuar një prej elementëve kryesor të kësaj reforma të pranimit si anëtarë të akademisë të 17 shkencëtarëve dhe studiuesve, nga Kosova, nga komunitetit arbëresh, në Maqedoninë e Veriut, SHBA. Ky është një status i ri, një hapje e veçantë brenda një akademie të ngjashme. Ky pasurim i Akademisë është një pasurim me anëtarë të rinj. Janë pranuar 13 anëtarë të rinj. Pranimet e reja janë cilësore dhe të nivelit në Rajon dhe Evropë. Duke përcjellë mesazhin se dhe në Shqipëri të aftit mund të jenë të suksesshëm. Ligji i ri mundëson rritjen dhe rregullimin e Akademisë së Shkencave. Kontributi i anëtarëve të jashtëm është për tu përshëndetur. Akademia ka qenë e gatshme për të ndihmuar për sa i përket tërmetit dhe pandemisë. Tek ne ka një sërë kërkuesish të suksesshëm për fushat e reja. Duke huazuar një thënie të Çabejt deklaron se Shkenca albanologjike u kthyen në shtëpinë e vet ne do të thonim se këto vepra madhore u kthyen në Shtëpinë e vet. Këtë vit do të mbahet Kuvendi i Albanologjisë në nëntor. Reforma jonë do të ishte e pamundur pa bashkëpunimin instancat vendimarrëse. Reforma duhet të ishte produkt i vetë akademisë. Reforma e re vendos një raport të vazhdueshëm midis akademisë dhe qeverisë dhe Kuvendit.’- tha Gjinushi.

LEXO EDHE:
'Princesha e re e Lindjes', Rama poston foto nga revista franceze: Surprizë e këndshme në aeroportin e Parisit

Lajmi kryesor:

Pranohen 17 personalitete të jashtëm, Rama falënderon Gjinushin: Më bëri mos të kem alergji nga Akademia e Shkencave! 'Thumbon' Metën: Na ndihmoni të ndryshojmë ligjin e medaljeve

M.Q./b.ha./Shqiptarja.com

TAG:
• edi rama
• akademia e shkencave
• skender gjinushi
• ligji per medaljet