POP 5

Lajmet më të lexuara të 5 minutave të fundit

Sport

Skënderbeu fiton për herë të parë Kupën e Shqipërisë me një penallti të dyshimtë

Skënderbeu nuk fal edhe në Kupën e Shqipërisë. Pas pesë tentativave të dështuara, korçarët, më në fund kanë fituar një finale të Kupës së Shqipërisë.
Skënderbeu fiton për herë të parë Kupën e Shqipërisë me një penallti të dyshimtë

Ndeshja Skënderbeu-Laçi

Skënderbeu nuk fal edhe në Kupën e Shqipërisë. Pas pesë tentativave të dështuara, korçarët, më në fund kanë fituar një finale të Kupës së Shqipërisë.

Ishte një paraqitje dominuese e kampionëve të Shqipërisë në “Elbasan Arena” ndaj një Laçi që u mundua me të gjitha forcat, por diferenca në kualitet bëri ndryshimin. 

Në minutat e para kishte vetëm një ekip në fushë dhe ata ishin korçarët që arritën të krijonin shumë mundësi për gol, por pa sukses. Por me kalimin e minutave Laçi rrit rendimentin duke krijuar disa aksione të rrezikshme, por prapavija e Skënderbeut ishte solide. 

Pas pushimit situata nuk ndryshoi, por duhej pritur minuta e 67’ që më në fund të zhbllokohej rezultati. Tre minuta më parë arbitri Hamiti akordon një penallti të dyshimtë për korçarët pasi Gjoni bën një ndërhyrje në limitet e zonës ndaj James.


( Ekipi i Skënderbeut në momentet e gëzimit për fitoren e Kupës së Shqipërisë në stadiumin, "Elbasan Arena" )

Në fillim u duk sikur arbitri do ta jepte vetëm një goditje dënimi, por pas konsultimit me anësorin ai akordon një njëmbëdhjetëmetërsh që shndërrohet në gol nga Lilaj. 

Laçi mundohet të kundërpërgjigjet, por nuk arrin të krijojë mundësi të pastra shënimi, përveç golit të anuluar në fund të takimit pas pozicionit jashtë loje. Skënderbeu fiton me meritë kupën.  Gjithsesi, Laçi do të luajë në Europë, si vend i katërt, meqë Skënderbeu ka fituar edhe titullin kampion.

/xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Andis Tabaku: 27/05/2018 22:49

    Gjithmone Skenderbeu eshte ne lajm te pare kur ka dyshime ne futboll.

    Përgjigju
  • Sondazhi i ditës: 5 Mars, 09:14

    Rreth 235 mijë regjistrime, sa përcaktuese do të jetë vota e diasporës më 11 maj?

Lajme të tjera



×

Lajmi i fundit

Champions League/ Asllani shkëlqen, Interi fiton 0-2! Bayern bën për ‘aspirina’ Leverkusenin, Barça sukses minimal! Liverpool mposht PSG-në

Champions League/ Asllani shkëlqen, Interi fiton 0-2! Bayern bën për ‘aspirina’ Leverkusenin, Barça sukses minimal! Liverpool mposht PSG-në

5 Mars, 22:56