Skënderbeu është shpallur matematikisht kampion i Shqipërisë, pas humbjes së Kukësit ndaj Teutës me rezultatin 3-2, pasi diferenca mes vendit të parë dhe të dytë tre javë nga fundi është 11 pikë. Kështu ekipi korçar rikthehet te titulli kampion, pasi një viti, pasi edicionin e kaluar e fitoi Kukësi. Ky edicion ka qenë i mbushur me polemika për Skënderbeun për shkak të vendimeve të UEFA-s për ta përjashtuar me 10 vite nga Europa dhe gjobitjes me 1 mln euro për shkak të akuzave për trukime. Megjithatë ekipi i drejtuar nga Ilir Daja arriti që të triumfonte në Superiore duke u rikthyer te titulli. E ndërsa i gëzohet titullit të tetë kampion, më 27 Maj korçarët do të diskutojnë edhe finalen e Kupës së Shqipërisë ndaj Laçit.