POP 5

Lajmet më të lexuara të 5 minutave të fundit

Bota

Sllovaki/Gjykata shpall të pafajshëm oligarkun e akuzuar për vrasjen e gazetarit investigativ

Gazetari kishte hetuar aktivitetet e paligjshme të kryera nga oligarku Kocner

Është shpallur i pafajshëm oligarku Marian Kocner, i akuzuar si urdhërues për vrasjen e gazetarit Jan Kuciak ndërkohë që një i pandehur tjetër u shpall fajtor. Sipas Gjykatës nuk kishte prova të mjaftyueshme për të dënuar biznesmenin për vrasjen që tronditi vendin dhe rrëzoi qeverinë.

Marian Kocner ishte dyshuar si porositës i vrasjes së Kuciak, gazetarit investigativ i cili u qëllua për vdekje në shtëpinë e tij në 21 Shkurt 2018, së bashku me të fejuarën Martina Kusnirova. 

Kuciak kishte hetuar aktivitetet e paligjshme të kryera nga Kocner dhe lidhjen e këtij të fundit me partinë në pushtet në atë kohë, ‘Smer SD’.

Gjykata gjithashtu shpalli të pafajshëm (për shkak të mungesës së provave) të pandehurin tjetër Akeba Z, edhe ai i dyshuar për përfshirje në organizimin e vrasjeve.

Ndërsa prokurorët kanë të drejtën e apelimit të vendimit, i shpalluri fajtor Mirosllav Marcek pranoi krimin në janar dhe u dënua me 23 vjet burg në prill. Një burrë tjetër u dënua me 15 vjet burg vitin e kaluar për përfshirje në vrasje.

Ndërkohë për vendimin ka reaguar edhe Strazburgu.

"Vendimi i marrë sot nga gjykata sllovake tregon se ka ende shumë punë për të bërë për të siguruar drejtësi dhe për të parandaluar mosndëshkimin".

Kështu është shprehur Komisionerja për të Drejtat e Njeriut në Këshillin e Europës, Dunja Mijatovic.

Vrasja e gazetarit dhe të fejuarës së tij, nxiti reagim në vend dhe mijëra persona protestuan duke detyruar dorëheqjen e qeverisë asokohe.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

‘E shihni aeroplanin...? O Zot!’ Tragjedia ajrore në Uashington, zbardhen komunikimet mes pilotëve dhe kontrollorëve të kullës (VIDEO)

‘E shihni aeroplanin...? O Zot!’ Tragjedia ajrore në Uashington, zbardhen komunikimet mes pilotëve dhe kontrollorëve të kullës (VIDEO)

30 Janar, 08:43