Sociologu Gëzim Tushi ka komentuar në Report Tv situatën e krijuar prej muajsh në Kuvend, aq sa në disa raste ka degraduar edhe në dhunë verbale dhe fizike. I tillë ishte edhe rasti i deputetit Flamur Noka ditën e djeshme, i cili pati konfrontime me punonjësit e Gardës.
Sociologu Tushi e krahason Kuvendin me një arenë gladiatorësh, ku deputetët përleshen me të gjitha llojet e mjeteve, por vetëm arma ka mbetur pa u përdorur, thotë ai.
“Anomali thelbësorë dhe mungesa e një deontologjie të saktë për deputetët. Ata janë elita, janë ata që janë caktuar jo vetëm për të drejtuar politikën e vendit, po edhe për të dhënë shembull qytetarie. Në politikë ka kontradikta, por problem është se deputetët tanë më shumë se janë politikanë, duket sikur janë militantë të vënë në llogore. Politikës ja kanë humbur esencën si zinxhir i zgjidhjes së problemeve dhe e kanë kthyer në arenë gladiatorësh. Aula e parlamentit është kthyer në arenë gladiatorësh ku përleshen me të gjitha llojet e mjeteve, vetëm armët nuk janë përdorur. Të gjitha janë përdorur, nga grushtet, dhuna verbale, psikologjike, flakadanë. Janë kthyer në armiq personal, janë disa grupe që kanë sherr të personalizuar nga arsyet më të ndryshme”, tha sociologu Tushi.
Për emisionin ‘Sot Live në Shqipëri’ me gazetarin Nertil Agalliu, sociologu Gëzim Tushi ngriti shqetësimin edhe dhunën verbale ndaj grave deputetet. Sipas tij, duhet të ketë penalizime për të gjithë ata deputetë që përdorin fjalë seksiste apo dhunojnë verbalisht një grua deputete.
“Dhuna verbale, fizike, metaforike që përdoret sidomos ndaj grave. Jo vetëm u ndërpritet fjala më shumë se burrave. Më ka bërë përshtypje vende siç është Bolivia, ka dy ligje bazë për të mbrojtur gratë nga dhuna në parlament, nëse një burrë përdor fjalë të dhunshme ndaj gruas në politikë, konsiderohet vepër penale. Kur i ka Bolivia, më vjen turp që si kemi ne që jemi vend europian. Duhej ti penalizojmë deputetë që sillen ndaj grave shumë keq, shpesh herë edhe me fjalë seksiste. Gjendja është kritike”, vijoi sociologu.
Kjo panoramë dhune për sociologun Gëzim Tushe përcillet edhe në segmente të tjera të shoqërisë, prandaj ai thekson se duhet gjetur një zgjidhje sa më parë, duke e cilësuar gjendjen kritike. Sociologu propozon ‘filtera’ apo disa kritere në përzgjedhjen e kandidatëve për deputetët, si etika, formimi, marrëdhëniet njerëzore etj.
"Kur ne e kemi këtë situatë në aulën kryesore të demokracisë llogarisni se ca ndodh në nivelet më të ulëta. Kjo lloj gjuhe që përdoret në Kuvend, kjo ndarje si qëllim në vetvete që nuk jep produkt politik, transmetohet si limfë edhe në jetën shoqërore dhe në administratën publike. Është i pranishëm edhe në nivelet e tjera të qeverisjes dhe marrëdhënieve shoqërore.
Duhen parë nga etika, formimi, edukimi, marrëdhëniet njerëzor, nga aftësia për të pasur sociabilitet për tu lidhur me njerëzit. Vrima e gjilpërës për të hyrë në kuvend duhet ngushtuar edhe më shumë në mënyrë që të bëhet institucion i debatit, i komunikimit, jo i dhunës", u shpreh Tushi.
Komente
Lajme të tjera
-
Spahiu: PD djeg karriget sikur është shoqatë, sepse populli s’e mbështet për revolucion
30 Shtator, 21:16 -
PD dogji karriget e Kuvendit, Rama: Revoltë kundër vendimit të një gjykate! Ne ndërtojmë, ata shkatërrojnë, plagosin, djegin
30 Shtator, 19:59 -
Qytetari shqiptar ka një detyrë shumë të rëndësishme në zgjedhjen që po vijnë!
30 Shtator, 19:53
-
Kaosi në Kuvend, reagon Spiropali: Skenë krimi, të hetohet! Zjarrin mbi parlament e vënë vetëm shkatërruesit e demokracisë
30 Shtator, 17:58 -
VIDEO/ Momenti kur Gazment Bardhi hedh drejt Spiropalit këmbën e karriges: Bjerini, bjerini
30 Shtator, 17:45 -
Dënimi i Salianjit, PD kaos në Kuvend! Noka hedh benzinën, Nallbati u vë zjarrin karrigeve në oborr, sende të forta drejt Spiropalit: Duam qeveri teknike! Përjashtohet Noka
30 Shtator, 17:01 -
Krimi në Shënavlash/ Sociologu Gëzim Tushi për Report Tv: Të vrasësh babanë e ta hedhësh në pus për para është veprim kafshëror
5 Shtator, 13:53 -
Rritet përdorimi i drogave sintetike në Shqipëri/ Eksperti i sigurisë: Turistët e huaj po sjellin droga të reja! Sociologu: Duhet një strategji për parandalimin
13 Qershor, 16:28 -
Kaosi në Kuvend, ‘Etika’ përjashton me 10 ditë Flamur Nokën! ‘Falen’ Bardhi, Salianji, Paloka e Baçi
10 Qershor, 11:06 -
Mero Baze: Beteja për Berishën brenda dhe jashtë Kuvendit
6 Qershor, 21:18
-
Mero Baze: Beteja për Berishën brenda dhe jashtë Kuvendit
6 Qershor, 20:22
-
Kaosi i Rithemelimit në Kuvend, Rama: U rikthyen shpejt në identitet! Mos e falni më baltën e tyre, shkatërrojini përfundimisht me votë
6 Qershor, 19:33
Kush tha qe armet nuk jane perdorur! Harruat kur u plagos A.Hajdari nga nje deputet tjeter, pasi u perleshen fizikisht ne Kuvend?! Per mendimin tim, zgjidhja e vetme jane zgjedhjet e parakohshme.Nuk durohen me majmunerite e F.Nokes me shoke dhe as miratimi i ligjeve pa asnje debat,pa asnje vote kunder.Kuvendi i tanishem eshte bere me keq se ai i Xhaxhit!Vertet atehere i miratoni te gjithe ligjet,por te pakten edhe i diskutonin,kurse tani vetem i miratojne.Po shkojme drejt autokracise,po u vazhdua keshtu!
PërgjigjuUne them te rikthehen duelet!
PërgjigjuPer aq kohe sa te thuhet qe "deputeti nuk mban pergjegjesi per ato qe thot e ben"kjo gjendje do te jete.Deputeti nuk mba pergjegjesi per diskutimin e projektligjit por jo per"krimin" qe kryejne ne Kuvend.Per te tilla veprime s'denohen njerez me kartele te semundjeve mendore.Nuk e di qe "deputetet tane" te jene me kartela te semundjeve mendore.
PërgjigjuPo ky flet si politikan....vetem gjuhe shkencore Soziologe nuk eshte kjo...
Përgjigju