POP 5

Lajmet më të lexuara të 5 minutave të fundit

Politikë

Soreca: Duhet të zgjaten afatet e vetingut, ka dosje që duhet të trajtohen në mënyrë urgjente! Do kem takime me mazhorancën dhe opozitën

Ambasadori i BE, Luigi Soreca ka kërkuar zgjatjen e afateve të vetingut, në mënyrë që procesi të shkojë deri në fund për verifikimin e figurës së të gjithë prokurorëve e gjyqtarëve.  Në një deklaratë gjatë një aktiviteti të Këshillit të Larte Gjyqësor, Soreca u shpreh se Kuvendi duhet të nisë konsultimet me të gjithë aktorët. Sipas ambasadorit të BE, ka dosje që duhet të trajtohen 'në mënyrë urgjente'.

Ambasadori i BE, Luigi Soreca ka kërkuar zgjatjen e afateve të vetingut, në mënyrë që procesi të shkojë deri në fund për verifikimin e figurës së të gjithë prokurorëve e gjyqtarëve.  Në një deklaratë gjatë një aktiviteti të Këshillit të Larte Gjyqësor, Soreca u shpreh se Kuvendi duhet të nisë konsultimet me të gjithë aktorët. Sipas ambasadorit të BE, ka dosje që duhet të trajtohen 'në mënyrë urgjente'.

"Duhet zgjatja e afatit të organeve të vettingut, por Kuvendi duhet ta konsultojë me të gjithë aktorët. Procesi i vetingut duhet që të përfundojë sa më shpejt dhe të zgjatet mandati i anëtarëve të komisioneve të vlerësimit. Ka dosje që duhet të trajtohen në mënyrë urgjente, dosjet të shqyrtohen në afatin më të shpejtë. Konsolidimi i Reformës në Drejtësi duhet te jete kryefjale. Duhet të ruhet integriteti dhe pavarësia e sistemit të drejtësisë. Një drejtësi e pavarur, kusht thelbësorë për integrimin në BE. BE ka ndihmuar Shqipërinë me 50 milion euro për Reformën në Drejtësi", tha Soreca.

Duke e cilësuar Reformën në Drejtësi si faktor kyç për integrimin e vendit në BE, Soreca theksoi se do të zhvillojë edhe takime me mazhorancën dhe opozitën për ta çuar më tej përpara këtë reformë.

" Ata që e ideuan këtë reformë e dinin që nuk do të ishte e lehtë dhe e thjeshtë. 5 vitet e fundit kanë konfirmuar se reforma ishte e domosdoshme, kjo reformë është thelbësore për Shqipërinë. Reforma në Drejtësi ka sjellë tashmë frytet e saj, kemi 23 procedime të ish-magjistratëve, ku SPAK ka dërguar çështje në gjykatë të-ish gjykatave të lartë dhe kushtetuese. E rëndësishme është që tashmë kemi institucione të drejtësisë funksionale si KLP dhe KLGJ. Do të kem takim me mazhorancën e opozitën, pas takimit qe pata me Ministrin e Drejtësisë Ulsi Manja për ecurinë e reformës së drejtësisë", shtoi ambasadori.

Në qershor të 2022 Komisionit të Pavarur të Kualifikimit njohur si vetingu në shkallën e parë, i skadon afati, në një kohë që gjysma e gjyqtarëve dhe prokurorëve nuk i janë nënshtruar ende procesit të verifikimit për ligjshmërinë e pasurive, pastërtinë e figurës dhe aftësitë profesionale. Afati i këtij institucioni ishte 5 vite, për shqyrtimin e figurës së afro 800 subjekteve, gjë që nuk u arrit në kohë. Për këtë arsye mazhoranca ka artikuluar se do të kërkojë shtyrjen e afatit të trupës së shkallës së parë të vetingut dhe komisionerit publik, ndërsa i ka bërë thirrje opozitës që të bashkëpunojnë në këtë aspekt. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Rrepa: 01/10/2021 09:43

    Pa 100 mije euro per koke anetari se kalon aty thone

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Berisha: Komision Hetimor për Portin e Durrësit dhe interpelancë! Falje e gjobave dhe kamatë-vonesave për energjinë! Akuza dhe Dumanit

Berisha: Komision Hetimor për Portin e Durrësit dhe interpelancë! Falje e gjobave dhe kamatë-vonesave për energjinë! Akuza dhe Dumanit

18 Dhjetor, 13:40