Sot është dita ndërkombëtare e fëmijëve.
Kjo ditë, 1 qershori, është një festë e madhe e dedikuar tërësisht buzëqeshjeve dhe lumturisë së vogëlushëve kudo në botë.
Por nuk është vetëm një ditë festive, por edhe në një ditë sensibilizimi, për t'i thënë jo dhunës dhe abuzimit ndaj fëmijëve.
Në fakt 1 qershori e ka origjinën nga Shtetet e Bashkuara dhe Kina. Dita e fëmijëve u vendos në datën 1 qershor, sepse në këtë datë është mbajtur Konferenca Botërore e Mirëqenies së Fëmijëve në Gjenevë, në vitin 1925. Në të njëjtën ditë, përkoi që konsulli i përgjithshëm kinez në San Francisko mblodhi së bashku një numër të konsiderueshëm fëmijësh jetim kinezë të celebronin në festivalin e “Anijes së Dragoit”.
Vendet të cilat e festojnë Ditën Botërore të Fëmijëve më datën 20 nëntor e bëjnë këtë në përkujtim të Deklaratës për të Drejtat e Fëmijëve miratuar nga ana e Asamblesë së Përgjithshme të Kombeve të Bashkuara më 20 nëntor të vitit 1959. Në Shqipëri, Kosovë dhe mbarë botën, kjo ditë u kushtohet fëmijëve, me organizime dhe aktivitete të larmishme. Shumë vende të botës e kanë pranuar atë si festën ndërkombëtare të fëmijëve dhe realizojnë festime të cilat kanë si qëllim të rrisin vëmendjen në drejtim të mirëqenies së tyre.
Kjo ditë lumturon fëmijët dhe prindërit e tyre kur shohin se fëmijët me buzëqeshjen e tyre të ëmbël. Pra, të gjithë fëmijët kanë të drejta të barabarta.
Në kuadër të kësaj dite, shumë figura politike kanë zgjedhur në mënyra të ndryshme të urojnë festën e fëmijëve.
Kryetari i Bashkisë së Tiranës Erion Veliaj u ka uruar 1 qershorin të gjithë fëmijëve. Teksa ka publikuar një video duke luajtur me të birin në lisharëse, Veliaj shkruan: “Gëzuar 1 Qershorin të gjithë fëmijëve, të vegjël e të mëdhenj”.
Presidenti Bajram Begaj ka uruar për ditën ndërkombëtare të fëmijëve.
Ai ka ndarë një postim në rrjetin e tij social Facebook.
“Gëzuar 1 Qershorin fëmijë të dashur”- shkruan ai,
Kreu i Partisë së Lirisë, Ilir Meta ka uruar fëmijët për 1 qershorin.
"Gëzuar 1 Qershorin të gjithë fëmijëve shqiptarë. Ne duam një Shqipëri të mundësive për ta, të sigurt dhe të bekuar për të ardhmen e tyre", shkruan Meta.
Me rastin e 1 qershorit, fëmijë të moshave të ndryshme vizituan bazën ajrore të Farkës.
Të vegjëlve iu dha mundësia të shohin bazën ajrore, të prekin mjete e pajisje, të cilat përdoren në raste emergjencash dhe jo vetëm, të takojnë pilotët apo të zhvillojnë edhe fluturime të shkurtra me helikopterë.
Ky aktivitet, përveçse është një mënyrë për të kënaqur fëmijët në ditën e tyre të festës, është edhe një mundësi promovimi për Forcat e Armatosura, për të frymëzuar brezin e ardhshëm të orientohen drejt FA. Po ashtu aktivitete të tilla kanë si qëllim promovimin e aviacionit dhe të nxjerrin në pah profesionalizmin e personelit të FA.
Kryetarja e Kuvendit, Lindita Nikolla ka përshëndetur festën e Ditës Botërore të Fëmijëve. Ajo shkruan se ligjet më të mira për ta janë prioritet i Kuvendit të Shqipërisë.
“Me rastin e Ditës Botërore të Fëmijëve, si nënë, mësuese, deputete dhe Kryetare e Kuvendit, përshëndes të gjithë fëmijët shqiptarë. 1 Qershori është një festë njerëzore dhe familjare, që bën thirrje për reflektim për të gjithë ne, prindët, mësuesit, ligjvënësit dhe komunitetet. Për t’u dhënë fëmijëve dashuri e mbështetje të pakufishme e të pakushtëzuar, mirëqenie e mbrojtje të garantuar, arsimim cilësor, t’i mësojmë të dallojnë të mirën nga e keqja, dashurinë nga urrejtja. Ligjet më të mira për fëmijët janë e do të jenë prioritet i Kuvendit të Shqipërisë.”, shkruan Kryetarja e Kuvendit. Nikolla.
Kryeministri Edi Rama ka uruar të gjithë fëmijët për festën e tyre.
Përmes një postimi në Facebook ai ndau një urim për vogëlushët.
Komente
Lajme të tjera
-
1 Qershori/ Përurohet Akademia e parë e Çiklizmit, Veliaj: Dhuratë për fëmijët e Tiranës! Regjistrojini në kurse sportive
1 Qershor 2023, 15:22 -
VIDEO/ 1 Qershori, fëmijët në Bazën Ajrore të Farkës! Frymëzim për t'u orientuar drejt FA
1 Qershor 2023, 09:26 -
Shkollat buzë rruge/ 1 qershori mes festës dhe merakut të gjyshërve: I marrim fëmijët përdore
1 Qershor 2022, 18:40
-
Festa e 1 Qershorit, 300 fëmijë bëhen bashkë në “Rreze Dielli’’ dhurojnë super performancë dhe përcjellin mesazhe të ëmbla
1 Qershor 2022, 11:50 -
Sot 1 qershori, festa dedikuar buzëqeshjeve të fëmijëve në të gjithë botën! Ministrja e Shëndetësisë: Zgjerojmë programet për shëndetin e fëmijëve në shkolla
1 Qershor 2022, 07:15 -
Kavajë/ Nënat takojnë pas shumë muajsh fëmijët në shkollën e riedukimit! Avokatët: Të kthehen takimet në burgje
2 Qershor 2021, 12:02 -
Buzëqeshje pa maskë, recitime e muzikë, fëmijët i gëzohen 1 qershorit! Koncert te Teatri i Kukullave (VIDEO)
1 Qershor 2021, 11:40 -
Sot 1 qershori, e gjithë bota në festë, Rama: Gëzuar! Kushi: Të punojmë më shumë për fëmijët tanë
1 Qershor 2021, 08:31 -
Ministrja Xhaçka jep mesazhin e bukur bashkë me vajzën: T'i miqësojmë fëmijët me librin
2 Qershor 2020, 16:41 -
"1 qershor i trishtë", Vokshi: Shahini hesht për dhunimin e 15-vjeçares nga roja i shkollës, duhet reagim!
1 Qershor 2020, 20:50 -
Hapet parku 'Rinia' për 1 qershor/ Historia e veçantë e vajzës: Erdha nga 'Astiri' në këmbë, u lodha pak po u kënaqa (VIDEO)
1 Qershor 2020, 13:14 -
Trafik i rënduar, dyndje e të moshuarve në dyert e postës dhe fluks, si i gjeti shqiptarët 1 Qershori me masa lehtësuese nga COVID
1 Qershor 2020, 09:59
Nje nga ligjet me te mira per ta,ju sapo e bete.Rritja e rrogave te deputeteve.Tani femijet tane gezojne te drejten te kene deputete me dinjitoze!
Përgjigju