TIRANË-Ëndrra e kombëtares shqiptare për të shkruar në ‘Play of’ e Botërorit 2022, ka marrë një goditje të fortë mbrëmjen e sotme, pasi u mund nga Polonia me rezultatin 0-1 në stadiumin e ‘Air Albania’. Por kjo humbje u nxi edhe më së shumti me sjelljen e tifozëve shqiptarë.
Një grup i papërgjegjshëm i tifozëve ka shkatërruar gjithçka në "Air Albania" duke hedhur poshtë të gjithë lojën e bërë deri në minutën e 77 të ndeshjes nga kombëtarja kuqezi. Shqipëria pësoi një gol në minutën e 77-të nga Swiderski, por festa e polakëve u shkatërrua nga një grup tifozësh shqiptarë që kanë hedhur sende të forta në drejtim të tyre. Për pasojë, loja u ndërpre për disa minuta për të rifilluar sërish, por delegati i ndeshjes ka qenë i qartë se "nëse do të hidhet edhe një shishe tjetër në fushë, ndeshja do të ndërpritej".
Ky rast i paprecedentë ka nxjerrë në pah një skandal, kur ndërkohë tifozët i ushtrohen kontrolle të rrepta në hyrje, duke i "zhveshur" nga të gjitha sendet e paligjshme, ndërkohë që më pas kanë mundësi që të blejnë shishe me ujë në stendat që janë brenda stadiumit. Këto përdoren edhe si "armë" nga një grup i papërgjegjshëm për të sulmuar kundërshtarët, siç ndodhi sot.
Me këtë fitore, Polonia ngjitet në vendin e dytë me 17 pikë, ndërsa kuqezinjtë zbresin në vendin e 3 me 15 pikë.
Ka përfunduar me fitoren e Polonisë ndeshja në stadiumin 'Air Albania', për kualifikimet në Botëror Dubai 2022.
Arbriti merr vendimin, ndeshja Shqipëri-Poloni do të fillojë.
"Edhe një shishe tjetër në fushë, takimi do të ndërpritet", ka bërë me dije arbitri.
Bizneset e hapura brenda stadiumit ‘Air Albania’ duket se kanë krijuar situatën e paprecedentë me hedhjen e shisheve në fushë. Në një kohë kur policia ‘zhvesh’ nga çdo gjë tifozët në hyrje, shishe, çakmak, bidona, çadra, bizneset brenda shesin ujë me shishe. Një gjë e tillë mund të shmangej, duke shitur ujin me gota, në mënyrë që të minimizoheshin edhe veprimet e dhunshme të tifozëve, të cilët rrezikuan ndërprerjen e ndeshjes mes Shqipërisë dhe Polonisë.
Tifozët shqiptarë kanë qëlluar me shishesh futbollistët e Polonisë pasi këto të fundit shënuan gol ndaj kombëtares duke kaluar ndeshjen në avantazh. Report Tv sjell pamjet nga shishet e hedhura ndaj futbollistëve që siç shihet edhe nga pamjet janë të shumta. Ndërkohë disa nga lojtarët e kombëtares kanë larguar shishet nga fusha. Për pasojë, loja u ndërpre për disa minuta për të rifilluar sërish, po sjellja e pakuptimtë e disa tifozëve, dha një imazh të shëmtuar gjatë ndeshjes së sotme.
Shqipëria pëson gol në minutat e fundit. Tifozët qëllojnë futbollistët me sende të forta nga shkallët e stadiumit.
Një episod aspak i hijshëm i prish bukurinë ndeshjes. Tifozët shqiptarë hedhin sende në fushë, e ndërsa shihet që Keidi Bare tenton që të qetësojë tifozët. Komentatori bën thirrje që të tregohen qytetarë tifozët në mbështetje të kombëtares.
Reja bën ndryshimin e parë, futet të lojë Armando Broja. Del Myrto Uzuni. Stadiumi shpërthen në duartrokitje.
Në shkallët e stadiumit është shfaqur edhe një tifoz shumë i veçantë polak. Ai shihet me një veshje aspak të zakonshme. Jo me fanellë, por si një mbret. Kush do jetë mbreti në ndeshjen e sotme? Shqipëria apo Polonia?
Në nisje të ndeshjes mbahet një minutë heshtje në kujtim të fizioterapistit Ylli Mihali dhe komentatorit Kosta Grillo.
I gjithë stadiumi në kor elektrizohet para ndeshjes me Poloninë në mbështetje të kombëtares.
Plot 22 mijë tifozë kanë mbushur stolat e stadiumit ‘Air Albania’, në pritje për të paraë ndeshjen me Poloninë. Report Tv sjell atmosferën brenda stadiumit, pak para fillimit të sfidës.
Publikohet formacioni me të cilin do të luajë Shqipëria përballë Polonisë.
Në portë: Berisha
Në mbrojtje: Ismajli, Kumbulla, Veseli
Në mesfushë: Hysaj, Roshi, Ramadani, Bare dhe Trashi
Në sulm: Uzuni, Manaj
22 mijë tifozë kanë nisur që të vijnë drejt stadiumit "Air Albania" ku pritet që të zhvillohet ndeshja shumë e rëndësishme, Shqipëri-Poloni. Tifozët kanë krijuar një atmosferë të bukur, mirëpo kjo ka shkaktuar edhe një kaos në rrugët kryesore të qytetit për shkak të trafikut të rënduar që është krijuar.
Një incident ka ndodhur para ndeshjes së kombëtares me Poloninë. 'Ultrasit' nga Prishtina janë përplasur me tifozët polakë, përpara Pallatit të Kongresit. E menjëhershme ka qenë ndërhyrja e Policisë e cila ka ndaluar këtë situatë që mund të agravonte më tepër.
Tifozët për Report Tv janë shprehur optimist se Shqipëria do mund ta mposhtë Poloninë, sot në takimin e vlefshëm për kampionatin Botëror. Gazetari Ernest Koçi ka intervistuar disa tifozë që vijnë nga Gjakova, që tregojnë se e mbështesin shumë kuqezinjtë, madje më shumë se kombëtarja e Kosovë.
Do fitojmë sot?
-Kemi ardhur që të përkrahim kombëtaren, mendoj që çunat s'do na dëshpërojnë
-Mendojmë që do e mposhtim, Shqipëria është Shqipëri.
Si i është ndjesia të mbështesni 2 kombëtare njëkohësisht, atë shqiptare dhe të Kosovës?
-Qyteti i Gjakovës ka qenë një përkrah shumë e madhe, ne jemi më shumë me kombëtaren e Shqipërisë se kombëtaren e Kosovës.
-Na rreh zemra më shumë për Shqipërinë, por e përkrahim edhe Kosovë.
Si e prisni këtë ndeshje?
-Kemi harruar kur kemi parë një ndeshje për herë të fundit në një stadium.
Vetëm disa orë përpara ndeshje më të rëndësishme të kombëtares sonë për ëndrrën drejt botërorit, presidenti Ilir Meta ka publikuar një fotografi në mbështetje të kuqezinjve.
Krah për krah me Konsullin e Nderit të Shqipërisë në Poloni, të veshur me flamuj dhe shaje të flamurit tonë, Meta shfaqet i buzëqeshur duke shprehur optimizëm përpara ndeshjes historike siç e quan edhe ai.
Kombëtarja shqiptare ka marrë një tjetër lajm negativ në prag të sfidës me Poloninë. Kuqezinjtë do të humbasin për shkak të COVID edhe digën e mesfushës Klaus Gjasula, i cili ka lënë kombëtaren pak orë para ndeshjes për shkak se ka rezultuar pozitiv.
Gjasula është futbollisti i tretë që rezulton pozitiv te Kombëtarja pas Erion Hoxhallarit dhe Sokol Cikalleshit, ndërsa ky është rasti i katërt në total pasi njëjtë e pësoi edhe fizioterapisti Erzen Voci. Shqipëria gjithashtu nuk ka të diposnueshëm për shkak dëmtimi Bekim Balajn dhe Berat Gjimshitin, ndërsa Endri Çekiçi është me kartona.
Vlen për t’u kutjuar edhe fakti se Reja nuk grumbulloi për shkak dëmtimi Amir Abrashin, por edhe mesfushorin tjetër Qazim Laçi.
Prej 6 ditësh qoftë edhe 1 biletë nuk është në shitje nga FSHF për ndeshjen që Kombëtarja do të luajë sonte kundër Polonisë.
Praktikisht janë shitur 22 mijë bileta, aq sa ç’është edhe kapaciteti maksimal i stadiumit ‘Air Albania’. Mbushja për herë të parë në kapacitetin maksimal që prej fillimit të pandemisë do të thotë se për FSHF-në do të shkojnë më shumë se 600 milionë lekë, një shifër tejet e konsiderueshme që shumë skuadrave të Superligës do t’u mjaftonte të mbyllnin sezonin.
Sipas Komitetit të Ekspertëve stadiumet në Shqipëri lejohen në kapacitetin 30%, por këtë ndeshje është marrë leje e veçantë nga FSHF.
Federata Shqiptare e Futbollit ka lajmëruar tifozët shqiptarë që do të marrin pjesë në ndeshjen e sotme të Kombëtares Shqiptare me Poloninë në stadiumin kombëtar “Air Albania” e vlefshme për kualifikueset e Kampionatit Botëror “Katar 2022” .
Hyrja e tifozëve do të fillojë në ora 18:00, ndërsa të gjithë personat që janë të pajisur me biletë, duhet të kenë me vete dokumentin e identifikimit si dhe nuk do të lejohen fëmijët nën moshën 16 vjeç, të cilët janë të pashoqëruar nga prindërit.
FSHF njofton se do të lejohet vetëm flamuri zyrtar shqiptar, ndërsa nuk do të lejohen disa sende si, sende të forta, bidonë uji, çadra, çelësa metalik apo lëndë piroteknike etj.
Komente
Lajme të tjera
-
Fshihet emri Air Albania nga stadiumi në Tiranë, arena e Kombëtares është gati për emrin e ri
17 Dhjetor, 19:39 -
Kreshnik Spahiu: Për çfarë këngësh arrestoheshin dikur tifozët në stadiume dhe a duhet lejuar sot Adem Jashari?
2 Dhjetor, 19:28
-
Renditja e re në FIFA/ Kombëtarja në vendnumëro, mbetet e 65-ta në botë! Kosova shkruan historinë, ndodhet e 99-ta
28 Nëntor, 14:06 -
VIDEO/ Kombëtarja uron Ditën e Flamurit, Sylvinho flet shqip: Gëzuar Shqipëri
28 Nëntor, 13:11 -
Sylvinho e ka ‘harruar’, trondit Cristian Shpendi: Jam me Shqipërinë, por e pres Italinë
28 Nëntor, 08:27 -
Botërori 2026/ Nga shorti i grupeve, kualifikueset dhe si do të funksionojë faza play-off! Kombëtarja në vazon e tretë
24 Nëntor, 22:56 -
I doli emri si trajner te Inter Miami, Sylvinho tregon të ardhmen: Më vjen keq për rezultatin e fundit me Shqipërinë
22 Nëntor, 08:49 -
Beckham zgjedh Sylvinhon, trajneri i Kombëtares ka mundësi për të stërvitur Lionel Messin! Në lojë edhe Xavi
21 Nëntor, 15:38 -
'Sylvinho la për të dëshiruar, Kombëtarja ekip mendjemadh', Ditmar Bicaj për Report TV: Duhen emra të rinj, disave ua veshim fanellën me zor
21 Nëntor, 13:10 -
Kombëtarja duhet të 'fshijë' vitin 2024, pësuam shtatë humbje dhe 15 gola
21 Nëntor, 11:19 -
Shorti i kualifikueseve të Kupës së Botës, Kombëtarja rrezikon përballjen me Serbinë ose Kosovën
20 Nëntor, 20:55 -
Dështimi i Kombëtares, Eduard Prodani në Report TV: FSHF është përgjegjëse, sukseset e ekipit s'lidhen me Dukën! Dënimi i Kosovës? UEFA të vendos litarin po ule kokën
20 Nëntor, 19:54
Polonia luajti me mire se ne. Ne ishin te çorientuar, sa here sulmonte Polonia, ne ishim ne panik. Nje gjuajtje nuk e beme. Po ta pasonte Uzuni te Manaj rastin ne fillim fare, mbase do shkonte ndryshe. Çunat luftuan e vrapuan, dhane maksimumin. S'e kemi luksin te na mungojne 2-3 lojtare kryesore. Para Shqiperia!! Me shume na hidheroi gjesti i shisheve se humbja.
PërgjigjuAs nuk kishte arsye e as ndonje shkas provokues nga askush.Loja ishte e ashper dhe per shkak te rendesise se ndeshjes,kishte parregullesi mes lojtareve.Per kete kuptohej,ishta e fundit per dyja palet.Ishte praktikisht nje finale.Por ne loje ka nje fitues e nje humbes te lojes.Andaj, nuk kishte asnje arsye per kete brutalitet te shprehur nga publiku i pa arsyeshem qe demtoi nivelin dhe mikrpritjen e ketij dueli te renedesishem.Pasojt do t'i bart Kombetarja Jone dhe ne.
PërgjigjuPo ta nisesh me fishkellima ndaj himnit polak, normal qe do humbasesh. Qe kur ne shqiptaret fishkellejme himnin e vendit tjeter? Turp! Per mua, qe pashe vetem pjesen e pare, ekipi shqiptar lozi me mire se ekipi polak. Futbolli eshte fat... po tifozeria la kokrren e namit kete here.
PërgjigjuPrisni ndonje gjobe tani per shishet e hedhura.
PërgjigjuKena nje ekip pa gjak neveri. Tifozate nuk kajn faj si bahen me nerva.
PërgjigjuNuk shkohet gjekundi me Hysaj , Manaj , Roshi ,Veselrat
PërgjigjuMe vjen keq por kombetarja do ta humbasi ndeshjen. E keni ber kete brojen sikur me qene maradona, te njejten gje shkruanit edhe per januzaj, talent e ardhmja e futbollit etj etj.
PërgjigjuO Turi, ndeshjet nuk fitohen me fjale dhe gjithmon me fat. Respekt kam dhe per ty qe nuk te njof. Sigurisht bravo atij djalit, por mos e beni sikur me qene MARADONA ose ndonje talent i madh, sepse me keto qe shkruhen do t’i beni dem atij.
O mjeshter ne radhe te pare duhet te kesh respekt per djemte kuqezi se duke ditur se ne cfare nivelesh eshte vendi jone kane ber maksimumin , e dyta atij djali bravo i qofte sido qe te jete perfundimi fitojme apo jo por ne duhet te japim mbeshtetjen tone dhe jo te fillojme te gjejme mangesira keshtu qe forca djema u tregoni ketyre pesimisteve qe jeni si dema
Po nuk e kuptuan keto te FSHF se vetem ELBASAN ARENA sjell fat per kombetaren. Pse se luajten ketu kete ndeshje decisive
Përgjigju