Lufta e tanishme e Ukrainës është rezultati i pushtimit rus të Krimesë në vitin 2014, kështu e nisi fjalën e saj në samitin virtual Ministrja për Evropën dhe Punët e Jashtme, Olta Xhaçka. Në samiti i iniciuar nga presidenti ukrainas, Volodomyr Zelenskyy i quajtur ‘Platforma e Krimesë’, ky i fundit bëri thirrje se do të zotohet për të rimarrë gadishullin e Krimesë, gadishull në të cilin lindi dhe do të përfundojë agresioni rus.
Rivendosja e ‘ligjit të ri botëror’ sipas Zelenskyt do të bëhet sapo Ukraina të rimarrë kontrollin e aneksimit të këtij territori.
Ministrja Xhaçka ndërkohë në fjalën e saj u shpreh se vendi ynë ka qenë një ndër shtetet e para që mori iniciativën për të mbështetur Ukrainën duke dërguar municione luftarake.
Xhaçka theksoi gjithashtu se viti 2014, me pushtimin e Krimesë bota nuk reagoi siç duhet dhe se Shqipëria, tashmë bashëkpenëmbajtëse me SHBA është duke mbështetur Ukrainën në mënyrë diplomatike për të izoluar Rusinë.
“Shqipëria ka mbështetur në maksimum Ukrainën dhe rezistencën e saj heroike, duke qenë një nga vendet e para që dërgoi municione, duke kontribuar në Konferencën e Donatorëve, duke miratuar ligjin e nevojshëm kornizë që na lejon të mirëpresim në vendin tonë ukrainasit që ikin nga lufta, duke u rreshtuar plotësisht me të gjitha sanksionet e BE-së dhe duke bërë maksimumin në Këshillin e Sigurimit, si bashkëpenëmbajtës me SHBA, për të mbështetur Ukrainën në mënyrë diplomatike dhe për të izoluar Rusinë”, tha ajo.
E drejta ndërkombëtare ishte elementi tjetër në të cilën Xhaçka u ndal në samit ku tha se çdo shtet i cili beson në të duhet ta mbështesë Ukrainën, në mënyrë që veprime të tilla të paligjshme të mos përsëriten nga vende të tjera.
Pushtimi i Ukrainës nisi mbrëmjen e 24 shkurtit të këtij viti ku Rusia nisi bombardimet e saj në disa rajone të këtij territori. Një tjetër pushtim nga Rusia ka qenë në vitin 2014 ku ish bahskimki Sovjetik arriti të aneksonte Krimenë, për t’u rikthyer më vonë për të marrë territore të tjera. Perëndimi, BE dhe SHBA sëbashku me vendin tonë i cili më 1 janar nisi mandatin e saj 1-vjeçar në Këshillin e Sigurimit këtë vit, i janë bashkuar me sanksione të njëpasnjëshme Rusisë.
Presidenti Ukrainas Volodymyr Zelensky gjatë Samititi virtual “Platforma e Krimesë” , i cili kryesohej nga ai vetë, u zotua për rimarrjen e gadishullit të Krimesë.
"Gjithçka filloi me Krimenë dhe gjithçka do të përfundojë me Krimenë. Unë besoj 100% se për të kapërcyer terrorin, për të rifituar sigurinë në rajonin tonë, në Evropë, në mbarë botën, është e nevojshme fitorja në luftën kundër agresionit rus.", u shpreh Zelensly.
Ministrja për Punët e Jashtm edhe Evropën është prezente sot në samitin virutal të Krimësë. Xhaçka është shprehur se mbështetja e Shqipërisë ndaj Ukrainës është sepse besojmë në të drejtën ndërkombëtare, në Kartën e OKB-së dhe se kjo mbështetje do të vijojë derisa të çlirohen të gjitha territoret e pushtuara.
'Por ka edhe një arsye tjetër, ndoshta edhe më të rëndësishme, pse Shqipëria mbështet Ukrainën dhe pse ne besojmë se çdo vend që beson në të drejtën ndërkombëtare, në Kartën e OKB-së, në rendin e bazuar në rregulla, duhet të mbështesë Ukrainën deri në çlirimin e të gjitha territoreve të pushtuara, rivendosjen e sovranitetit të saj mbi të gjitha territoret e pushtuara përkohësisht dhe tërheqjen e plotë të forcave ruse nga çdo pjesë e territorit të njohur ndërkombëtarisht të Ukrainës. Sepse duke mos e bërë këtë tani, do të rrezikohet i gjithë rendi i bazuar në rregullat ndërkombëtare, e gjithë arkitektura e sigurisë në të cilën ne të gjithë mbështetemi për paqen dhe stabilitetin në botë dhe do të inkurajonte çdo vend dhe lider autoritar në botë, që të ndërmarrë të njëjtat veprime si këto.'- tha Xhaçka.
Ministrja e Jashtme, Olta Xhaçka ka folur në samitin virtual ‘Platforma e Krimesë’ duke dhënë mesazhin e saj për rritjen e numrit të pjesëmarrësve. Sipas Xhaçkës, kjo tregon mbështetjen ndaj Ukrainës ndërsa vijojn sulmet nga Rusia.
Xhaçka shton se lufta i ka rrënjët në pushtimin e Krimesë pasi aso kohe bota nuk reagoi sic duhej, ndaj Rusia ndërmorri një tjetër hap për të sulmuar Ukrainën.
“Një vit më parë përfaqësues nga vendet tona u mblodhën në Kiev për prezantimin e Platformës së Krimesë. Jam shumë e lumtur të shoh që sot, një vit më pas, numri i pjesëmarrësve si dhe niveli i përfaqësimit nga vende dhe organizata është rritur. Unë besoj se nuk është vetëm një deklaratë e qartë e mbështetjes për Ukrainën dhe dënimit pa mëdyshje të agresionit të paligjshëm të Rusisë kundër një vendi të pafajshëm, por edhe një njohje e qartë e faktit se gjithçka filloi me pushtimin e paligjshëm të Krimesë në 2014.
Lufta e tanishme, një luftë e pakuptimtë, kriminale që ka shkaktuar vuajtje dhe shkatërrime të tilla, i ka rrënjët në pushtimin e Krimesë dhe në faktin se në atë kohë bota nuk reagoi siç duhet ndaj asaj që ishte një shkelje flagrante e së drejtës ndërkombëtare, të Kartës së Kombeve të Bashkuara dhe të gjithë rendit të bazuar në rregulla. Reagimi i botës ishte i butë. Çmimi që Rusia pagoi për veprimin e saj të paligjshëm ishte i tillë, saqë në vend që të shërbente si pengesë, shërbeu thjesht si inkurajim për luftën aktuale”, tha Xhaçka.
Komente
Lajme të tjera
-
Pas kritikave të shumta, Scholz mbron vendimin për telefonatën e tij me Putinin
17 Nëntor, 16:39 -
VIDEO/ Lufta në Ukrainë, brenda shkollave në stacionet e metros në Kharkiv
17 Nëntor, 13:07 -
Lidhjet e Koresë së Veriut me Rusinë, në qendër të takimit të fundit të presidentit Joe Biden me presidentin Xi Jiping
16 Nëntor, 20:49 -
SHBA, Japonia dhe Koreja e Jugut koordinojnë përgjigjen ndaj kërcënimeve të Phenianit
16 Nëntor, 19:10 -
Kancelari Scholz: Biseda telefonike me Trump, e detajuar! Folëm gjatë për Ukrainën, ai mendon ndryshe nga sa perceptohet në Europë
16 Nëntor, 17:42 -
G7 konfirmon zotimin për të vendosur masa të ashpra ndaj Rusisë
16 Nëntor, 15:31 -
Zelensky: Lufta me Rusinë duhet të përfundojë në 2025 përmes diplomacisë! Amerikanët janë në anën e Kievit! Faleminderit G7 dhe Melonit për mbështetjen
16 Nëntor, 12:44 -
Biseda telefonike midis Putin-Scholz, analistët ushtarakë: Kremlini intensifikon fushatën për të ndikuar në vendimmarrjen perëndimore në favor të Rusisë
16 Nëntor, 09:43 -
Lufta në Ukrainë/ Scholz bisedë telefonike me Putin pas dy viteve: Tërhiqni trupat dhe të negociojmë! Zelensky: Biseda hap kutinë e Pandorës, minon përpjekjet
15 Nëntor, 16:31 -
Ukrainë mund të zhvillojë bombë atomike në pak kohë/ Times: Do ndodhte nëse do të humbiste ndihmat
15 Nëntor, 15:06
-
Rusia kryen sulm masiv në Odesa, teksa mijëra ukrainas mbesin pa ngrohje
15 Nëntor, 09:42 -
Rusia s'i ndal sulmet, Ukraina rrëzon 21 dronë, 38 të tjerë ranë vetë pas goditjes elektronike në sistemet e navigimit
14 Nëntor, 11:38
Shqiptarët po, por agjenti rus Edvin shkjau shqipfolës me kukullat e tija kurr jo !
PërgjigjuAma duhet te kisht reaguar dhe Rama, por i doli nga mendja ne ate kohe.
PërgjigjuPse Ardit Gjebra je ti o dhender apo je kollovar?