Sot përballen në finalen e Tiranës, si nisi urrejtja mes tifozëve të Romës dhe Feyenoord! Çfarë ndodhi në vitin 2015

Sot përballen në finalen e Tiranës, si nisi urrejtja mes tifozëve të Romës dhe Feyenoord! Çfarë ndodhi në vitin 2015

Pamje nga dhuna e ushtruar nga tifozët e Feyenoord në Romë

Një tifoz holandez është fotografuar teksa urinonte autobusin e skuadrës së Romës, i cili sapo kishte mbërritur në Tiranë, ku do të zhvillohet finalja europiane! Ky është vetëm një nga provokimet e shumta që tifozët e Feyenordit, bëjnë ndaj ekipit italian.

I vetmi precedent europian mes dy skuadrave, përpara finales së Konferencës së Ligës në Tiranë, daton në shkurt të vitit 2015. Dhe ultrasit e Romës duket se nuk e kanë harruar sulmin e tifozëve të Feyenoordit ndaj ‘Barcaccia’-n, një nga monumentet më të çmuar të kryeqytetit, qysh nga periudha baroke.

Një ideologji antisemite, tifozët e Feyenoordit kanë kultivuar gjithmonë simpatitë e ekstremit të djathtë. Huliganët e Feyenoord-it ‘Vak S’ vishen me të zeza dhe kënaqen duke shkaktuar bastisje të dhunshme, veçanërisht gjatë ndeshjeve jashtë vendit. Kjo e vërteton edhe vizita e tyre e fundit në Romë.

Pamjet e tifozëve holandezë të cilët shfaqen të veshura më të zeza në qendrën historikë të Romës në vitin 2015, u bënë virale, duke shkaktuar zemërim tek tifozët e Romës.

‘E urrej Roterdamin’ është një nga thirrjet që është shpërndarë masivisht në rrjetet sociale dhe që dëgjohet më së shumti në rrugët e Tiranës, nga tifozët e Romës.

Ultrasit e Romës që kanë mbërritur në tokën shqiptare, janë edhe miqtë e Dinamo Zabgredit dhe Steaua Bukureshtit, të cilët madje kanë mbërritur në Tiranë për ti mbështetur.

Nga ana tjetër tifozët e Feyenoordit, dhunuan një shqiptar, vetëm sepse ai shprehu simpatinë për Romën në një lokal. ‘Blloku i zi’ i Roterdami kërkon një ‘luftë’ dhe pothuajse gjithmonë e gjen atë!

Nga viti 1974 e tutje, kur Feyenord fitoi Kupën Uefa-s kundër Tottenhamit të Anglisë dhe huliganët me të zeza i vunë zjarrin pjesës së jashtme të stadiumit. Tifozët e Feyenoordit, kanë bërë vazhdimisht një sërë trazirash. Në atë kohë grupi përbëhej nga fëmijët më problematikë që u rritën në periferi të Roterdamit. Tani përbërja është më e larmishme.

Po ashtu edhe tifozët e Romës nuk janë aspak paqësor nëse provokohen.  Ky është shkaku i incidenteve në Tiranë.

Përveç armiqve të hidhur të Tottenhamit, tifozët e Feyenoordi-t urrejnë edhe tifozët e Ajax-it. Të fundit që futen në listën e “armiqve”, bashkë me romanistët janë edhe ata të Marsejës.

Kështu vetëm tre javë më parë, me rastin e finales së mbajtur më 6 maj, i vunë flakën qytetit francez, duke shkaktuar shumë trazira.

Ashtu siç bënë në Romë shtatë vjet më parë, po bëjnë edhe në Tiranë sot! Romanistët nuk e kishin harruar zemërimin e tyre ndaj qytetit, ku hodhën shishe duke dëmtuar shatërvanin e Barcaccia dhe kundër shkallëve të Trinità dei Monti, një vend i trashëgimisë së UNESCO-s.

Kjo është shkelja më e rëndë për një ultras, që e konsideron veten mbrojtës ekstrem i qytetit të cilit i përket. Mbrëmjen e së martës, në rastin më të parë, ata u përgjigjën duke u përfshirë në konfrontim në kryeqytetin shqiptar, e madje 80 ultras të Romës u kthyen pas në Itali, për të shmangur trazira të tjera.

*Përshtati në shqip nga La Repubblica Shqiptarja.com

Rendit zhvillimet sipas orarit:
Ora 18:58
Dessers vs Abraham, sfida e goleadorëve në finalen Tiranës

1653497984_roufey.jpeg

Dessers apo Abraham? Një sfidë brenda sfidës mes dy golashënuesve më të mirë të Conference League. Sulmuesi i Feyenoordit ka shënuar 10 gola deri në gysmëfinale, i Romës vetëm një më pak (9). Dita e madhe ka ardhur. Feyenoordi dhe Roma janë gati për të ndezur “Arenën Kombëtare” në Tiranë me synimin e final ngritjen e trofeut në përfundim të edicionit të parë të këtij kompeticioni.

Ballë për ballë dy “bomber” të padiskutueshëm, nga këmbët e tyre pritet të vendoset kjo finale. Sulmuesi i Romës, në sezonin e tij të parë në Itali, sido që të përfundojë, e ka kaluar provimin. Këtë e dëshmojnë shifrat: 27 gola në 52 ndeshje, 17 në Serinë A, 9 në Conference League dhe 1 në Kupë e Italisë. Nga nëntë “firmat” e nënshkruara në skenën evropiane, Abraham ka realizuar gjashtë në fazën e grupeve, kundër Zoryas dhe CSKA-së së Sofjes.

Megjithatë, në fazën eliminatore, sulmuesi i lindur në vitin 1997-ës ka shënuar gjithmonë në “Olimpico”, madje gola të rëndë.

Një sezon fantastik në aspektin personal edhe për sulmuesi ne Feyenoordit: 10 në Conference League (plus një në fazën paraeliminatore të Championsit, kur ende vishte fanellën e Genku), 9 në Eredivisie dje një në Kupën e Holandës. Abraham dhe Dessers kanë mbi shpatulla përgjegjësi të madhe./supersport

M.Q./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të ketë një Paketë të dytë të Rezistencës Sociale?



×

Lajmi i fundit

John

Ndal shpejtësisë! Të rinjtë më pak se 80 km/h në autostradë! Propozimi për ndryshime në Kodin Rrugor shkon në Kuvend! Rinovimi i patëntës çdo 15 vite