Sot reshje dëbore dhe shiu, si do të jetë moti në 10 ditët e para të prillit

Dita e sotme ka nisur me reshje shiu dhe dëbore, por pritet që gjatë mbrëmjes në të gjithë territorin të ketë kthjellim të kushteve atmosferike.

Meteorologu Hakil Osmani nga Meteoalb tregoi në një lidhje për Report Tv se mëngjesin e sotëm temperaturat kanë qenë -4 gradë Celcius, ndërsa nga dita e nesërme e në vazhdim të muajit pritet që të kemi rritje graduale të tyre, por nuk përjashtohet që të kemi edhe prezencë të pakët të reshjeve.

“Data 1 prill ka sjell prezencë të dukshme të reshjeve të shiut, po ashtu edhe të dëborës kryesisht në zonat malore, por edhe në zonat veriore dhe në ato verilindore. Gjithashtu dëbora ka qenë prezente edhe në rrethinat e Shkodrës dhe Lezhës.  Situata do vijoje e tillë deri në orët e pasdites. Pasdite dhe në mbrëmje presim përmirësim të kushteve të motit. Në orët e pasdites dhe mbrëmjes do të kemi përmirësim të motit duke bërë që zona e ulët dhe zona bregdetare të jetë me mot të kthjellët. Do të kemi pauzë të reshjeve të shiut. Ndërsa në zonat malore moti do të kthjellohet në orët e vona të natës dhe do të kemi pauzë të reshjeve të dëborës. Vlerat mëngjesin e sotëm kanë qenë -4 gradë Celcius. Ndërsa maksimumi ka qenë në 13 deri në 14 gradë Celcius, duke pësuar një rënie me 4 deri në 6 gradë. Në vijim të muajit pritet të kemi përmirësim të kushteve atmosferike. Në fundjavë do të shënohen vlera deri në 21 gradë celcius që janë vlera normale për muajin që ndodhemi. Ndërsa vlerat minimale pritet që të jenë mbi 0 gradë celcius në të gjithë territorin shqiptar. 10 ditëshi i parë i muajit do të jetë me mot të kthjellët  por nuk përjashtohet që të kemi edhe prezencë të pakët të reshjeve. Do të jenë reshje të karakterit lokal. Reshje afat shkurtra. Nga dita e nesërme pritet që të kemi rritje graduale të temperaturave”, tha meteorologu, Hakil Osmani.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Listat e deputetëve të hapura në 2/3 dhe jo plotësisht, jeni dakord?



×

Lajmi i fundit

Angli/ Shqiptari nxirret nga psikiatria dhe dëbohet me avion charter drejt Tiranës

Angli/ Shqiptari nxirret nga psikiatria dhe dëbohet me avion charter drejt Tiranës