POP 5

Lajmet më të lexuara të 5 minutave të fundit

Sport

Sot Skënderbeu-Kukësi, Korça pret titullin

Kategoria Superiore në futboll sonte mund të ketë kampionin e ri. Nëse Skënderbeu arrin të fitojë me Kukësin në supersfidën e javës së 31-të, korçarët do të siguronin matematikisht titullin kampion, 5 javë para fundit të kampionatit.
Sot Skënderbeu-Kukësi, Korça pret titullin

Skuadra e Skënderbeut dhe Kukësit

Superndeshja Skënderbeu-Kukësi mbyll javën e 31-të të Kategorisë Superiore në futboll. Dy ekipet që i kanë dhënë tonin futbollit shqiptar vitet e fundit, por edhe duke përparuar në kupat e Evropës, sonte në mbrëmje do të mundohen të lënë shenjë, sidomos Skënderbeu, që në rast fitoreje, shpallet kampion i Shqipërisë për të 8-ën herë.

Kukësi, ekipi kampion në fuqi, do të kërkojë që të paktën kurorën mos e dorëzojë në ndeshjen direkte. Ironia qëndron në faktin se ishte pikërisht vitin e kaluar Kukësi që e fitoi titullin kampion kundër Skënderbeut, në një ndeshje që vijon të komentohet edhe sot për shkak të arbitrimit.

Natyrisht sonte nuk është si vitin e kaluar, pasi Kukësi, edhe nëse do të fitonte, shanset për të kapur vendin e parë janë aq minimale, për të mos thënë inekzistente, sepse Skënderbeu është 14 pikë para.

Ndërkohë, e gjithë Korça sonte pret triumfin, që pas problematikës së ekipit me dënimet në UEFA, të paktën t’i gëzohen titullit për momentin, për të pritur pastaj vendimin CAS.

Portieri dhe kapiteni Orges Shehi ka premtuar se Skënderbeu do të bëjë të pamundurën për ta fituar këtë ndeshje

Thuajse të gjitha biletat janë shitur në Korçë për ndeshjen e sotme, që nis në orën 19:00,  ndërkohë që policia ka marrë masat e nevojshme për të shmangur incidentet.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme dhe pse administrata ‘Trump’ nuk do t’i heqë ‘non-gratën’ Berishës

Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme dhe pse administrata ‘Trump’ nuk do t’i heqë ‘non-gratën’ Berishës

24 Nëntor, 12:13