Drejt fundit të pandemisë! Në 24 orë vetëm 2 raste të reja me COVID dhe asnjë viktimë

Drejt fundit të pandemisë! Në 24 orë vetëm 2 raste të reja me COVID dhe asnjë viktimë

Foto ilustruese

TIRANË- COVID-19 dalëngadalë po zhduket dhe duket se na pret një verë pa "virus nëpër këmbë". Sot janë konfirmuar me COVID-19 vetëm 2 raste të reja dhe asnjë viktimë, shifra këto që në vendin tonë janë regjistruar në ditët e para të pandemisë. Lajmi i mirë është dhënë nga ministrja e Shëndetësisë, Ogerta Manastirliu.

Këto shifra kanë rezultuar pas 3593 testimeve të kryera, teksa rastet e reja u shënua në tiranë dhe në Lezhë. "Frymë" po marrin edhe mjekët te Infektivi, ku aktualisht janë të shtruar 28 pacientë, nga të cilët 5 pacientë janë në terapi intensive.

Ndërkohë, numri i të shëruarve vijon të jetë i lartë krahasuar me rastet e reja, ku sot kanë fituar betejën me COVID-in, 29 qytetarë duke e çuar numrin e të shëruarve në 129,627 që nga fillimi i epidemisë. Pikërisht nisur nga këto shifra, Komiteti Teknik i Ekspertëve ka vendosur lehtësimin e masave anti-COVID, me zgjatjen e orës policore deri në 23:00 si edhe heqjen e maskës në ambientet e jashtme.

Statistika (5 Qershor 2021)
Raste të reja ditore        2
Të shëruar në 24 orë      29
Të shtruar në spitale      28
Humbje jete në 24 orë   0
Testime ditore                3,593

Testime totale             736,591
Raste pozitive             132,374
Raste të shëruara        129,627
Raste Aktive                  296
Humbje jete                  2,451 

Shpërndarja gjeografike e rasteve aktive sipas qarqeve
Tiranë         80
Shkodër       60
Korçë            41
Berat             35
Lezhë           25
Elbasan        18
Gjirokastër   11
Vlorë             11
Durrës          4
Kukës           4
Fier                4
Dibër          3

Rendit zhvillimet sipas orarit:
Ora 22:35
Sot 4,674 vaksina anti-COVID (796,586 në total)

Ditën e sotme janë kryer 4,674 vaksina  anti-COVID. Në total që nga fillimi i pandemisë janë kryer 796,586 vaksina. Lajmi u bë i ditur nga ministrja e Shëndetësisë Ogerta Manastirliu.

B.K.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Me kërkesë të Rithemelimit, mblidhet sot Sekretariati i Etikës: Anuloni votimin e 7 marsit, ligjet u kaluan pa kuorum

Me kërkesë të Rithemelimit, mblidhet sot Sekretariati i Etikës: Anuloni votimin e 7 marsit, ligjet u kaluan pa kuorum