Spahiu: Dy ngjarjet e zeza në 2024 ishin marrëveshja PS-PD dhe vdekja e Ismail Kadaresë

Juristi Kreshnik Spahiu komentoi në '5 Pyetjet me Babaramon' edhe vendimin e Gjykatës Kushtetuese për të quajtur si të ligjshme dhe si prova të vlefshme në hetim përgjimet e Sky Ecc që po çojnë drejt akuzës shumë individë të lidhur me bandat.

Spahiu thotë se ky është një lajm i mirë, që mbështetet edhe nga praktikat ndërkombëtare.

'Ka qenë i paragjykuar si proces. Nuk mendoj se ka pasur mendim juridik se përgjimet e Encro Chat dhe Sky Ecc të konsideroheshin të paligjshme edhe për shkak të praktikave ndërkombëtare. Duke qenë se janë shprehur disa gjykata evropiane, ishte konsoliduar opinioni juridik nuk mund të ndryshohej opinioni juridik. Gjykatat belge i kanë konsideruar platforma kriminale. Nuk janë komunikime të ligjshme. Gjithë platforma është shpallur kriminale. Për këto arsye BE ka standarde. Mendoj se ka patur konsulta institucionale, por nuk mendoj se ka patur presion të faktorit ndërkombëtar.'

Kreshnik Spahiu thekson në '5 Pyetjet me Babaramon' se kryebashkiaku Veliaj do të hetohet në gjendje të lirë nga SPAK, ashtu si ka pasur raste edhe të tjera si me Berishën. Por hetime në gjendje të lirë ka pasur edhe për kryebashkiakë të ndryshëm në botë, si ai i Nju Jorkut.

'Opozita mban 2 standarde, për Fredi Belerin që ishte dhe në arrest me burg, nuk jepte dorëheqje por bënte thirrje të bënte betimin. Kjo nuk më duket normale. Nuk e kam votuar kurrë Erion Veliajn, por duhet të vendosim standard. Korrupsioni pasiv nuk matet me kile, kush gjykon se 18 kulla janë më të lehta se fshehja e pasurisë që ka bërë Veliaj.

E dyta ka standarde nga Amerika në Europë janë në detyrë kryebashkiakët në Nju Jork. Pse kur kemi praktika ndërkombëtare nuk i referohemi. Erion Veliaj mund të iki për 100 arsye, por nëse vendosim standarde. Për sa kohë Berisha nuk është fajtor nuk ka arsye të deklarojë dorëheqje.'

Kreshnik Spahiu thotë në '5 Pyetje me Babaramon' se Erion Veliaj nuk do japë dorëheqjen si kryebashkiak i Tiranës, pasi edhe Berisha nuk dha dorëheqje si lideri i PD-së, madje pretendon të jetë kryeministër megjithëse më parë kishte masën arrest shtëpie. 

'Për dijeni të publikut Veliaj u pyet 3 herë për 3 çështje të ndryshme penale, për dy të parat u mor si person në dijeni dhe në të tretën. Për 2 dosjet e para nuk është marrë i pandehur që janë në përmasa më të mëdha se e treta. Dosjet kanë kaluar si gjykim pa subjekt Veliajn, inceneratorë dhe 5D.

Nuk ka një akt procedurial ku Erion Veliaj të merret si i pandehur, deri më sot si në dijeni. Kur të jetë i pandehur nuk ka detyrim ligjor të japë dorëheqjen. Kemi 2 standarde juridike dhe politike që nuk do jap dorëheqje. Për veprën penale të korrupsionit pasiv, gjykata ka një precedent penale Berishën që gjykohet me detyrim paraqitje, nuk jep dorëheqje pretendon të jetë dhe kryeministër.'