Juristi Kreshnik Spahiu i ftuar në Report Tv komenton rikthimin e Donald Trump në Shtëpinë e Bardhë, ndërsa sot u betua si presidenti i 47-të i SHBA. Spahiu ndalet veçanërisht tek politika e Trump për emigrantët, duke thënë se dëbimet masive që ka paralajmëruar mund të prekin edhe emigrantët shqiptarë.
Në emisionin ‘Studio Live’ me gazetarin Arbër Hitaj, Spahiu thotë se shumë shqiptarë mund të dëbohen dhe të ndahen nga fëmijët e tyre.
“Kur vjen çështja e qëndrimit dhe diskursit që ka në raport me emigrantët, të gjithë shqiptarët në SHBA 90% janë emigrantë. Janë mijëra shqiptarë që ende s’kanë marrë green card dhe rrezikojnë të dëbohen nga familjet e tyre. Askush nuk merr sot kurajon të thotë se kush do jetë fati i qindra shqiptarëve emigrantë që s’kanë green card dhe janë në proces pritjeje. Përballë një realiteti të një politike kaq drastike kundër të huajve, s’kam si të mos shqetësohem për shumë shqiptarë që mund të dëbohen dhe të ndahen sot nga fëmijët e tyre dhe të kthehen brenda 24 orësh në Shqipëri apo të çohen në Meksikë në kampe duke pritur”, tha Spahiu në Report Tv.
Sa i takon politikës së Donald Trump për konfliktin mes Kosovës dhe Serbisë, juristi Kreshnik Spahiu thotë se presidenti amerikan nuk e ka luksin të mos e zgjidhë këtë çështje. Për Report Tv, Spahiu shprehet se Trump nuk do ia lejojë vetes të dështojë në këtë marrëveshje prej Vuçiç apo Kurtit.
Spahiu thekson se marrëveshja mes Kosovës dhe Serbisë është nënshkruar në Shtëpinë e Bardhë ku vetë Trump ka kërkuar njohje reciproke.
"Trump nuk e ka luksin që të mos e zgjidhë dot këtë konflikt. Ajo çfarë unë kam frikë nga gjithë ky proces është që presioni do jetë i jashtë, edhe për Vuçiç edhe për kryeministrin e ri të Kosovës, apo të ardhshëm. Duke qenë se janë zgjedhjet nuk dimë se kush do jetë. Një gjë është e qartë që Vuçiç dhe Serbia kanë investuar shumë për e marrëdhëniet me SHBA.
Amerika edhe kur kanë gabim diçka në të shkuarën, qoftë edhe sikur gabimi të jetë bërë nga opozitarët e tyre, psh nëse administrata e Trump ka bërë diçka gabim në Shqipëri, Kosovë e rajon. Për të mos ulur autoritetin e shtetit, në vende kaq periferike si Shqipëria, Kosova apo Ballkani, nuk e ulin autoritetin e administratës amerikane, dhe të DASH përballë një shteti s’di shqip apo për dy tre personazhe e ngjarje, i qëndrojnë gabimeve që mund të kenë bërë.
Në vende të vogla kanë një lloj vazhdimësie, aq më tepër që një pjesë e këtyre projekteve ka nisur nga administrata e Trump. Marrëveshja mes Vuçiç dhe Kosovës është në shkruar në Shtëpi të Bardhë, ku Trump kërkoi njohje reciproke të dy vendeve. SPAK dhe reforma në drejtësi ka nis nga administrata e Trump", shprehet Spahiu.
Juristi Kreshnik Spahiu duke komentuar betimin e presidentit të SHBA, Donald Trump, ndalet edhe tek Elon Musk, i cili do të jetë pjesë e kabinetit. Spahiu thotë se uron që Elon Musk të mos ndërhyjë në gjithë botën si George Soros.
“Ajo që Elon Musk po shfaq është një lloj arrogance, një lloj ndërhyrjeje. Unë do bëja një pyetje për teleshikuesit, nëse do dalë Musk e do thotë votoni këtë parti në Shqipëri apo në Kosovë, si do sillen votuesit shqiptarë apo në Kosovë. Të jeni të bindur që gjysma do jenë kundër Musk apo administratës amerikane se nuk duron njeri ndërhyje në punët e brendshme. Ju e keni parë që një kritikë bëhet ndaj Kurtit dhe gjithë Vetëvendosja bëhet kundër Amerikës. Një shpallje non grata bëhet në PD dhe gjithë demokratë nxijnë blogjet kundër administratës amerikane. Imagjinoni të ndërhyjnë në zgjedhjet e vendit tonë”, tha Spahiu.
Kreshnik Spahiu thotë në Report Tv se presidenti i SHBA, Donald Trump synon një rend të ri botëror. Duke iu referuar fjalimit të Trump që nuk përmendi Ballkanin, Spahiu thotë se presidenti amerikan mund të mos e ketë fare në axhendë Shqipërinë. Por sipas tij, ai do të emërojë një ambasadore fuqiplotë si Yuri Kim.
"Nëse do i referohemi fjalimit, duhet të ulim pak pritshmëritë tona, se Trump jo vetëm që s’iu referua Shqipërisë e Ballkanit, por as Europës. Në fjalim nuk përmendi kurrë BE dhe u fokusua 100% në ringritjen dhe fuqizimin e SHBA. Nëse ne do t’i referohemi fjalës së Trump si një diskurs që do ndjekë në mandatin e dytë, mund të kuptojmë jo që do jemi periferik, por ndoshta mund të mos jemi kurrë në axhendën e Trump. Parashikoj që s’do e këtë Shqipërinë në asnjë moment në axhendë, do dërgojë një ambasadore si Kim me kompetenca fuqiplota. Në këtë kontekst do thoja të mos presim shumë, nuk ka ftesa fare nga Ballkani për ceremoninë e Trump. S’ka as nga Kosova, Mali i zi, pothuajse Ballkani është i papërfillshëm, siç ka qenë edhe Europa. Janë shmangur nga protokolli i Trump, ajo çfarë mund të themi me bindje është se Trum synon të vendosë një rend të ri botëror. Aty ku vendoset rendi i ri botëror, mund të jesh me fat të mirë dhe të keq", vijoi Spahiu.
Komente
Lajme të tjera
-
Dreka zyrtare pas inaugurimit, Trump dhe Melania të trishtuar si në 'ceremoni mortore' (FOTO)
20 Janar, 21:24 -
Vjosa Osmani uron presidentin amerikan Trump pas betimit: Kosova përjetësisht mirënjohëse, vendi juaj shpëtoi popullin tonë!
20 Janar, 20:14 -
Transferimi i pushtetit në SHBA: Një traditë e demokracisë dhe simbol i stabilitetit politik
20 Janar, 19:55
-
Reagimet për betimin e Trump/ Begaj: Krenohemi për aleancën me SHBA! Ambasadori shqiptar: Të forcojmë partneritetin
20 Janar, 19:30 -
Betimi i Trump, Laçi në 'Studio Live': Do bëjë betejë të madhe ndaj neo-majtizmit! Galdini: 'Non-grata e Berishës'? Reforma në drejtësi do jetë më e fuqishme
20 Janar, 19:22 -
VIDEOLAJM/ Trump dhe puthja e pamundur, kapelja e Melani ‘rrëmben’ vëmendjen
20 Janar, 19:13 -
Donald J. Trump: Një rrugëtim i pazakontë drejt presidencës
20 Janar, 19:05 -
Trump dhe Kosova, çfarë pritet gjatë mandatit të dytë presidencial
20 Janar, 17:38 -
Biden fal Faucin dhe Milleyn pak orë para se Trump të marrë detyrën
20 Janar, 15:16 -
Basha takon Grenell para ceremonisë presidenciale: Kam besim se Trump dhe ekipi i tij do ta avancojnë çështjen shqiptare, tendenca destabilizuese nga Rusia
20 Janar, 15:12 -
Inaugurimi i Trump/ Nesho: Pritet të ekzekutohen 200 dekrete, presidenti i ri, vizionar! Kërkon që Europa të ridimensionojë sigurinë e saj
20 Janar, 15:05 -
Fundi i mandatit, momentet kryesore të presidencës së Biden! Gallup: 54% e të rriturve, e cilësojnë president nën mesatare
20 Janar, 14:37
