Spahiu: Ngjarja 2024 është ‘Shqipëria turistike’, dikur 80% e planetit s’e njihnin fare ku bie

Për juristin Kreshnik Spahiu, ngjarja e vitit 2024 është ‘Shqipëria turistike’. I ftuar në emisionin ‘Frontline’ në Report Tv, Spahiu thotë se dikur 80% e planetit nuk e njihte vendin tonë, as nuk e dinin ku pozicionohej gjeografikisht, ndërkohë që sot situata është krejtësisht ndryshe me një vend të promovuar gjithnjë e më shumë sa i takon aspektit të turizmit.  

“Ngjarje do konsiderojmë Berishën po të shohim afatshkurtër, po të shohim pak më larg, ngjarja e 2024 është Shqipëria turistike. Shqipëria që kur është krijuar si shtet, ka qenë për një pjesë të planetit, inekzistente. Gjysma e popullsisë në planet nuk e dinin se ku binte gjeografikisht Shqipëria. Ka shtete në kontinente tjera nuk e dinin që ekzistojmë. Në 2024, Shqipëria është një kapitull ku kudo që të jesh jashtë, arrijmë të bëjmë diferencën”, tha Spahiu.

Sot, Spahiu thotë se të huajt e konsiderojnë Shqipërinë me perlën e Europës dhe kjo sipas tij përbën një epokë të re për vendin tonë.

LEXO EDHE:
Pse u pyet Veliaj? SPAK: S'është person nën hetim! Pas kallëzimit nga Nesti Angoni jemi në hetime paraprake për 4 vepra penale

“Më parë kur thonim që jemi shqiptarë, evidentoheshin me cilësi të tjera, kur sot themi jemi nga Shqipëria 99% e të huajve thonë Shqipëria është vend i mrekullueshëm, perla e Evropës, vendi juaj madhështor. Kjo është ajo që përbën një epokë të re për Shqipërinë”, vijoi Spahiu.

TAG:
• Kreshnik Spahiu
• shqiperia turistike
• turizmi
• frontline

Sondazhi i ditës:

Si ka qene per ju viti 2024?

• I mire

  43.9%

• I keq

  22.8%

• As i mire as i keq

  33.3%

Vota total: 1514

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq