POP 5

Lajmet më të lexuara të 5 minutave të fundit

Politikë

Afera 'Partizani'/ SPAK kërkon arrestimin, deputetët e Rithemelimit padi në Kushtetuese: Të pezullohet masa shtrënguese ndaj Sali Berishës

Deputetët e Rithemelimi kërkojnë pezullimin e masës shtrënguese ndaj Berishës e për rrjedhojë edhe pezullimin e arrestimit të tij. Oerd Bylykbashi paraqiti sot një padi në Gjykatën Kushtetuese, ku kërkon zgjidhjen e kompetencave midis pushtetit gjyqësor dhe atij legjislativ për imunitetin e deputetëve.

TIRANË- Pasi SPAK i kërkoi Kuvendit që t’i heqë mandatin Sali Berishës, për t’i hapur rrugë arrestimit të tij, ky i fundit ka mobilizuar grupin e deputetëve mbështetës me qëllim shpëtimin nga drejtësia. Deputetët e Rithemelimit kanë bërë një padi në Gjykatën Kushtetuese, ku kërkojnë që të pezullohet vendimi i GJKKO për masën shtrënguese ndaj Sali Berishës e për rrjedhojë edhe pezullimin e arrestimit të tij.

Objekti i padisë, i cili u depozitua nga deputeti i Rithemelimit Oerd Bylykbashi, i shoqëruar edhe nga përfaqësuesit ligjor Ivi Kaso dhe Franc Nuri, sipas tyre konsiston në zgjidhjen e kompetencave ndërmjet Kuvendit dhe SPAK e GJKKO për sa i takon çështjes së heqjes dhe/ose kufizimit të lirisë së Deputetit të Kuvendit.

Deputetët e Rithemelimit, pretendojnë se masa e marrë ndaj Sali Berishën ‘detyrim paraqitje’, më 20 tetor, për aferën e privatizimit të klubit sportiv Partizani, është antikushtetuese dhe është marrë pa u kërkuar paraprakisht autorizimin e Kuvendit.

Ata kërkojnë që të pezullohet masa shtrënguese ndaj Berishës derisa Gjykata Kushtetuese të shprehet me vendim përfundimtar lidhur me këtë çështje.

‘Ne kërkuesit, me cilësinë e 1/5 të deputetëve të Kuvendit të Republikës së Shqipërisë, po Ju parashtrojmë në vijim faktet, provat dhe argumentat ligjore, se përse kemi paraqitur këtë kërkesë, e cila në thelb synon të zgjidhë konfliktin e kompetenca ndërmjet institucionit të Kuvendit nga njëra anë dhe pushtetit gjyqësor nga ana tjetër, për sa i përket heqjes dhe/ose kufizimit të lirisë ndaj një Deputeti, në të gjitha format, kur këto kufizime të lirisë kryhen nga pushteti gjyqësor pa pyetur, pa kërkuar e pa marrë paraprakisht autorizimin e shprehur të Kuvendit. Nisur nga sa do të argumentojmë në vijim, ne kërkuesit i kërkojmë gjithashtu Gjykatës Kushtetuese interpretimin përfundimtar të Nenit 73, pika 2, të Kushtetutës së Republikës së Shqipërisë, në mënyrë që konflikte të ngjashme të mos përsëriten në të ardhmen.’- thuhet në padinë e deputetëve të Rithemelimit.

Prokuroria e Posaçme i kërkoi më (12 dhjetor) Kuvendit autorizimin për arrestimin e Sali Berishës në kushtet kur ish-kryeministri në hetim për aferën e privatizimit të klubit “Partizani”, nuk zbatoi masën e gjykatës, atë të detyrimit për tu paraqitur. SPAK kërkoi ta zëvendësojë masën dhe ta ashpërsojë në arrest shtëpie ose arrest me burg, vendim që më tej do të presë vulën e gjykatës.

Sali Berisha është në hetim për korrupsion pasiv mbi privatizimin e ish-kompleksit Partizani, ndërsa dhëndri i tij Jamarbër Malltezi akuzohet edhe për pastrim parash. Gjyqtarja Ilirjana Olldashi, e cila ka apartament në kullat e Malltezit, ia zbuti masën duke e nxjerrë nga qelia në arrest shtëpie.

(Kliko këtu për të parë dokumentin e plotë)

M.Q./B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tata: 15/12/2023 12:49

    Po firmetaret,jane reale apo falco,se gjithcka ben ky derri me banden e tij.

    Përgjigju
  • Niku: 14/12/2023 19:39

    Komunistat e betuar japin dhe jeten per babain e tyre Sali ,. Kur do vij ajo dite qe te shporren keta komunista qe shqiperia te jete e lire te eci perpara, keto soj fytyrash u bene gangrene per vendin ,zoti vonon por nuk harron.

    Përgjigju
  • Dida: 14/12/2023 16:59

    Idiot Sala dhe ata qe e elektrizonin qe nuk u paraqit mendoj se do i vinte ne loje SPAK, tani e kuptok dhe do pendohet me kerkesen ne Kuvend se do arrestohet,se ashtu ishte i lire. E hengre me ne fund o sal do marrrsh me vete edhe Shkelezenin dhe sebashku me dhendrin lozni domino

    Përgjigju
  • Ehuuu: 14/12/2023 16:49

    Dhe shajne komunistat keta.

    Përgjigju
  • Adrian: 14/12/2023 16:11

    Ha,ha,ha çfare kerkese.Te knaqin democratet me nivelin qe kane. Paskan zgjedh menyren me idiote per me mbrojt Salen deri n'fund.

    Përgjigju
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Mbyllja e TikTok, ish ambasadorja e BE-së mbështet nismën: Shqipëria s' ka frikë, nuk qenka kaq e vështirë, Europë

Mbyllja e TikTok, ish ambasadorja e BE-së mbështet nismën: Shqipëria s' ka frikë, nuk qenka kaq e vështirë, Europë

22 Dhjetor, 10:17