POP 5

Lajmet më të lexuara të 5 minutave të fundit

Bota

Spanjë/ Ja si do e grabiste grupi shqiptaro-spanjoll depon e floririt dhe diamanteve në Madrid! Hapën vrimë gati një metra në mur

Depoja që ndodhej bashkë me dyqanin në Salamanca, kishte brenda kallëpe floriri, monedha dhe gurë të çmuar. Dy nga të arrestuarit janë shqiptarë dhe tre të tjerët spanjollë. Ata janë nga 30 deri në 45 vjeç dhe kanë dosje të shumta policie për vepra penale nga më të ndryshmet

Spanjë/ Ja si do e grabiste grupi shqiptaro-spanjoll depon e floririt dhe diamanteve në Madrid! Hapën vrimë gati një metra në mur

Vrima e hapur nga grupi shqiptaro-spanjoll, për grabitjen e depos së floririt

Madrid- Agjentët e Policisë Kombëtare dhe Bashkiake të Madridit, kanë arrestuar të dielën e 27 tetorit 5 persona të cilët u kapën duke vjedhur me metodën që autoritetet spanjolle e quajnë “butrón” (hapja e vrimës në mur), në një dyqan-depo metalesh të çmuara (diamante), në zonën Fuente del Berro të Salamanca.

Dy nga të arrestuarit janë shqiptarë dhe tre të tjerët spanjollë. Ata janë nga 30 deri në 45 vjeç dhe kanë dosje të shumta policie për vepra penale nga më të ndryshmet.

Brenda depos ndodheshin sasi të mëdha me shufra ari, metale të çmuara dhe monedha.

“Hajdutët kanë bërë një vrimë rreth 70 centimetra nga një godinë e ngjitur, në bllokun ku ndodhej dyqani”, shkruan “El Mundo”.

Fqinjët kanë dëgjuar diçka të çuditshme dhe kanë lajmëruar Policinë. Pas marrjes së njoftimit, agjentët janë shfaqur në zonë dhe kanë krijuar një pajisje “kafaz”, për të mos lejuar që hajdutët të iknin me floririn e vjedhur.

"Pasi siguruan zonën dhe hynë në dyqan, gjetën të fshehur në katin e sipërm pesë personat, të cilët i ndaluan menjëherë si përgjegjës për krimin e grabitjes", vijon raportimi për ngjarjen.

Emrat e të ndaluarve ende nuk janë bërë të ditur në media.

Të arrestuarit kanë qenë të veshur me doreza dhe kapuç dhe kanë pasur një automjet të parkuar në rrugë, ku janë gjetur edhe sende materiale dhe pajisje që shërbejnë si prova.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

7 Janar, 23:01