TIRANË- Deputeti i Partisë Socialiste Spartak Braho, ish-kryetar i Komisionit të Sigurisë Kombëtare, ka reaguar pas publikimit të investigimit një ditë më parë nga Shqiptarja.com, ku Sali Berisha, përmes disa ushtarëve politikë, i ka vendosur një rruge në Kamëz emrin e Bashkim Gazidedes, ish-kreu të SHIK-ut famëkeq 1992-1997. Duke u ndalur tek cilësimi ‘personalitet i shquar’ i Gazidedes nga Partia Demokratike, Braho rendit disa nga krimet që kanë shënjuar veprimtarinë e Bashkim Gazidedes në krye të SHIK-ut. Spartak Braho e sheh veprimtarinë e zezë të Gazidedes të njësuar me atë të Sali Berishës.
“Në cilën fushë është personalitet? Vetëm në fushën e "mbrojtjes" u tregua personalitet si i graduar gjeneral me dekret të posaçëm udhëhoqi me egërsi operacionin ndëshkues të ushtrisë dhe SHIK-ut kundër popullsisë në zonat e jugut, si në Vlorë, Sarandë, Përmet, Tepelenë etj. Masakroi jo vetëm liderët socialistë, gjakosi gazetarët dhe dogji zyrat e gazetës ‘Koha Jonë’, por edhe figura të PD, si Azem Hajdarin, Arben Imamin, Safet Zhulalin etj. Është personalitet se ndoqi e burgosi aktivistet ilegalë kosovarë që Adem Jashari, Remzi hoxha, Hashim Thaçi etj., se vendosi lidhje me drejtuesit e UDB-së jugosllave, me Arkanin? Se u largua si qen i zgjebosur dhe u zhduk në Azi për t’ju fshehur drejtësisë pas viteve ‘97?”, thekson Braho.
Deputeti Spartak Braho thekson se Berisha ka përdorur Xhelal Mziun, duke e cilësuar ‘gomarin e Bathores’ për të nderuar Gazideden. Braho thotë se populli i Kamzës mund t’ia heqë emrin rrugës. “Ai ishte krahu i djathtë i Sali Berishës së parë, i cili nuk e harroi dhe kur i erdhi vdekja e solli dhe një javë pas vdekjes urdhëroi një pushtetar gomar të Bathores si Xhelal Mziu t’i vendoste emrin në një rrugë. Për këtë akt ka dalë një vendim zyrtar. Me një vendim tjetër mund t’ja heqë emrin populli i Kamzës. Nëse e duan le ta mbajnë...”,
Bashkia e Kamzës drejtohet nga një përfaqësues sociale që nga mesi i vitit 2019, ndërsa Sali Berishën e rrëzuan shqiptarët me votë nga pushteti 7 vite më parë. Po a do ta rishikojë Bashkia e Kamzës dhe Këshilli Bashkiak i Kamzës vendimin e vitit 2008 për t’i vënë emrin Bashkim Gazidedes një rruge në Kamëz? Për këtë çështje i kërkuam kryetarit të Bashkisë së Kamzës, Rakip Suli, të mbante një qëndrim, por nuk morëm asnjë përgjigje.
Ligji për vetëqeverisjen vendore, neni 54, parashikon që Këshilli Bashkiak është autoriteti që vendos emërimin e rrugëve dhe shesheve në juridiksionin e bashkisë. Ndërkaq, propozimi për emërimin e rrugëve bëhet nga administrata e bashkisë. Nga ana tjetër, Këshilli Bashkiak me propozim të administratës së bashkisë mund t’i heqë emrin një rruge.
Një tjetër formë për t’i hequr emrin një rruge është përmes procesit gjyqësor. Në janar të këtij viti, gjykata i hoqi emrin e ‘Mehmet Shehut’ një rruge në Ballsh. Gjykata u vu në lëvizje nga disa familjarë të ish-tregtarit në Tiranë, Jonuz Kaceli, i cili u pushkatua padrejtësisht pas luftës në 27 Shkurt të vitit 1951.
Komente
Lajme të tjera
-
Ylli Pata: Arsyet pse SHBA i rikujtoi Sali Berishës sanksionet
18 Dhjetor, 18:58
-
Berisha: Komision Hetimor për Portin e Durrësit dhe interpelancë! Falje e gjobave dhe kamatë-vonesave për energjinë! Akuza dhe Dumanit
18 Dhjetor, 13:40 -
Basha: T’i japim fund tangos personale, kush voton Berishën merr dhe Ramën në paketë dhe anasjelltas! Jo interesave të Trekëndëshit të Bermudës
18 Dhjetor, 12:53 -
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
'Të gjithë le ta marrin një diplomë', Berisha kërkon t'i kthejë Universitetet 'han pa porta'
18 Dhjetor, 11:06 -
PD: Të zgjerohet falja e gjobave, paratë mbrapsht kujt pagoi! Fshini detyrimet për ujë e drita dhe gjobat e policisë
18 Dhjetor, 10:51 -
Sali Berisha: Do heqim mesataren për pranimin në universitete! Studentët do marrin 200 euro çdo muaj
17 Dhjetor, 22:51 -
SHBA edhe një herë 'Jo' Berishës/ Valteri: I vdekur, i pakallur! Tafani: Mesazhi i qartë, 'Mos shkoni tek PD-ja'! Kulluri: Amerikanët kanë problem këtu korrupsionin dhe krimin
17 Dhjetor, 21:41 -
'Nuk ka më protesta klasike', Korreshi në Frontline: Berisha po vijon betejën për non-gratën! Nuk ka marrëveshje me PS-në
17 Dhjetor, 20:12 -
Spahiu: Mesazhi i SHBA shuplakë për socialistët, sepse janë të tronditur nga bashkëpunimi tyre me Berishën
17 Dhjetor, 20:04 -
Ironia e Spahiut: Trump do i heq dekoratën Dumanit dhe Dvoranit, për t’ja dhënë të dyja Berishës
17 Dhjetor, 19:43 -
Sulmet e Berishës ndaj Dumanit, Idajet Beqiri: Është në pozitë të vështirë! Saliu mund të prish provat pas lirimit nga 'arresti shtëpiak'
17 Dhjetor, 19:26
Pritet kur ne Kamez nje rruge ose shkolle t'i vene emrin "Xhelal Mziu". Se "Salih Berisha" kane per t'i vene patjeter.
Përgjigjuaman vec ky vrasesi i kalamajve mos flasi se ka denu me vdekje kushedi da vete. bashkim gazidede ka qene nje patriot pedagog matematike ndersa spartak braho njr idjot i pa arsimuar gjyqtar partie per arsye se ishte xhelat
PërgjigjuGazidedja,M.Shehu etj jane kryqet tona dhe te mire apo te keqij do ti mbajme,por perse nuk reagohet per lapidarian turk te Erdoganit per grushtin e shtetit qe eshte te liqeni,po per monumentet greke dhe emrat e rrugeve ne greqisht perse nuk reagohet?
PërgjigjuGjalle eshte ky vemja.
PërgjigjuKur e nderon nje kriminel, zere se i ka goditur, vrare viktimat per te dyten here.
Përgjigju