Spektakli i muzikës elektronike mbledh të rinjtë nga e gjithë bota në Shëngjin! Festivali UNUM, bashkon aventurierët në edicionin e tij të 4-ët

Ediconi i 4 i Festivalit Ndërkombëtar të Muzikes Elektronike UNUM ka mbledhur në Shëngjin mijëra të rinj shqiptarë e të huaj i janë bashkuar këtij eventi unik. Eventi do të vijojë deri në datën 6 qershor.

Rana e hedhur në Shëngjin pret edhe këtë vit ediconin e 4 i Festivalit Ndërkombetar të Muzikes Elektronike UNUM.

 “Vallëzoni me valët dhe lëvizni me detin” shkruhet në faqen zyrtare të festivalit, ndërsa ftesa bëhet për gjashtë ditë e gjashtë netë që do të zgjasë ky organizim unik.

Mijëra të rinj shqiptarë dhe të huaj janë bërë pjesë e kësaj atmosfere festive elektrizuese, ku mbi 70 artistë me famë botërore, luajnë muzikë përgjatë 24 orëve në tre skena të vendosura në zonën e Ranës së Hedhun.

Ky event po i përmbush në maksimum pritshmeritë e të pranishmeve, të cilët shprehen të mahnitur me bukuritë natyrore të Shëngjinit.

Art, muzikë, aktivitete sportive, promovim dhe kujdes për mjedisin. Kjo është motoja e edicionit të katër të Festivalit Ndërkombëtar të Muzikës Elektronike që po mbahen në Shëngjin, që do të vijojë deri me 6 qershor. Ky festival i ka dhënë gjallëri këtij bregdeti duke tërhequr vëmendjen e turistëve vendas dhe të huaj, ndërsa për mbarëvajtjen e këtij eventi janë angazhuar forca të shumta policie.

 

Rendit zhvillimet sipas orarit:
Ora 22:20
Rama ndan fotot nga festivali i 'UNUM' në Shëngjin: Marrin pjesë 95 artistë ndërkombëtarë dhe mbi 20 mijë të rinj nga e gjithë bota

Kryeministri Edi Rama ka ndarë disa prej fotove nga festivali ‘UNUM’ i muzikës elektronike që po mbahet në Shëngjin ku marrin pjesë 95 artistë ndërkombëtarë dhe mbi 20 mijë të rinj nga e gjithë Europa.

“Shëngjin! Atmosfera e Festivalit UNUM me pjesëmarrjen e 95 artistëve ndërkombëtarë dhe mbi 20.000 të rinjve nga e gjithë Europa”- shkruan Rama bashkangjitur fotove të postuara.

 

G.MO/B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Dasmë në Big Brother, Heidi dhe Romeo do të martohen

Dasmë në Big Brother, Heidi dhe Romeo do të martohen