Spiunoi për Kinën, ish-agjenti i CIA-s pranoi lojën e dyfishtë, do të vuajë dënimin me 10 vite

Spiunoi për Kinën, ish-agjenti i CIA-s pranoi lojën e dyfishtë, do të vuajë dënimin me 10 vite

CIA

Një ish-agjent i CIA-s është deklaruar fajtor për spiunazh për Kinën, njoftoi të premten Departamenti Amerikan i Drejtësisë.

Alexander Yuk Ching është ish-agjenti i CIA-s i cili pranoi se në vitin 2001 dorëzoi një sasi të konsiderueshme informacioni të klasifikuar të sigurisë kombëtare të SHBA-së në një takim me agjentët e inteligjencës së Shangait, edhe pse nuk kishte punuar për CIA-n për 12 vitet e mëparshme.

Takimi thuhet se u organizua nga një tjetër ish-agjent i CIA-s, një amerikan i natyralizuar me origjinë nga Shangai. Në ditën e tretë të kontakteve në një hotel në Hong Kong, agjentët kinezë ofruan 50 mijë dollarë para cash, të cilat Alexander Yuk Ching Ma i numëroi, siç bën me dije Departamenti Amerikan i Drejtësisë.

Të dy burrat më pas ranë dakord të vazhdojnë të ndihmojnë agjencinë e inteligjencës së Shangait. Në vitin 2003, Ma u punësua nga FBI në Hauai për të ofruar shërbime gjuhësore.

FBI dinte për lidhjet e Ma me inteligjencën kineze dhe e rekrutoi atë për të punuar në një zyrë të izoluar, ku mund të monitoroheshin aktivitetet e tij. Departamenti Amerikan i Drejtësisë nuk tha se si u ekspozua Alexander Yuk Ching Ma, i cili përballet me 10 vite burg.

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

Nga se shkaktohet paraliza e gjumit dhe çfarë ndodh gjatë saj

Nga se shkaktohet paraliza e gjumit dhe çfarë ndodh gjatë saj