Sportisti australian pret gishtin për të marrë pjesë në Lojërat Olimpike të Parisit

Një sportist australian hokeji ka zgjedhur të gjymtojë një pjesë të gishtit të tij për të konkurruar në Lojërat Olimpike të Parisit.

Matt Dawson kishte thyer një nga gishtat e dorës së djathtë gjatë stërvitjes me skuadrën e Perth në Australi dy javë më parë dhe rikuperimi i plotë do të kërkonte disa muaj. Kështu që 30-vjecari ambicioz gjymtoi në gjysmë gishtin e sëmurë për t’u rikuperuar në kohë për Lojërat Olimike, duke shokuar trajnerin dhe shokët e skuadrës.

Ai pritet të marrë pjesë në ndeshjen e skuadrës së 'Kangurëve' që përballen me Argjentinën të shtunën, vetëm 16 ditë pas dëmtimit. Dawson tha më herët për mediat se thyerja ishte e rëndë aq sa humbi ndjenjat kur pa gishtin e tij në dhomën e zhveshjes.

Megjithëse u paralajmërua nga bashkëshortja të mos bënte gjëra të nxituara, ai zgjodhi gjymtimin e gishtit në mënyrë që koha e rekuperimit të ishte 10 ditë, që të merrte pjesë në Olimpiadë. Kapiteni i skuadrës, Aran Zaleuski tha se vendimi i kolegut shkaktoi tronditje mes shokëve, por rrjedhimisht ata i dhanë mbështetjen Dawson.

“Ne nuk dinim çfarë të mendonim, por u habitëm kur ai shkoi në spital për të prerë gishtin e tij, pasi njerëz të tjerë do të jepnin gjithçka për një pjesë të trupit,” tha ai në konferencën në Paris.

Kjo nuk është hera e parë që Dawson pëson dëmtim të rëndë, teksa thuajse humbi një sy kur u godit nga shkopi i hokejit në lojërat e vitit 2018.

S.DH/Shqiptarja.com

TAG:
• Australi
• Lojërat Olimpike
• Matt Dawson
• paris 2024