Pas takimit të komisionerit për Zgjerim në BE, Johannes Hahn me kryeministrin Edi Rama, një reagim ka ardhur nga ana e kryetares së Lëvizjes Socialiste për Integrim. Me anë të një statusi në Facebook, Kryemadhi shkruan se fjalët e bukura, tryezat e stiluara me simbolet europiane nuk të çojnë në BE.

Sipas saj, e gjithë strategjia që kryeministri shpalosi sot si arritje të qeverisë së tij nuk është gjë tjeter vetëm një kopje e strategjisë që ish-ministrja Klajda Gjosha ia ka kërkuar për ta zbatuar. Një tjetër çështje për të cilën komisioneri Hahn u shpreh ishte edhe ligji për magjistratët e rinj.

E kanë gënjyer kaq shumë komisionerin Hahn, sa nuk i kanë thënë, që për studentët e magjistraturës numrin e vendos KLP dhe KLGJ, të cilat ky kryeministri që e pret nuk ka për t’i ngritur kurrë.

Monika Kryemadhi, kryetare e LSI

Edhe kreu i Grupit Parlamentar Petrit Vasili ka komentuar çështjen e shkollës së magjistraturës së komentuar nga Komisioneri duke u shprehur se “ia futi kot fare”.

Në fakt nuk duhen fare 2/3 e votave por 3/5 e votave. Por nga që ka qënë gjithë ditën me shkollëpakun sot dhe ka dëgjuar e dëgjon vetëm atë, i ngatërroi edhe Hanhi numrat e votave ndaj sqarojeni mor aman se la nam.

Petrit Vasili, deputet