Stadiumi thuajse bosh gjatë fjalës së Berishës, drejtuesit politikë të PS: Vendi që shanin deri dje u kthye në gropën ku u mboll foltorja

Socialistët kanë reaguar për boshatisjen e stadiumit në momentin që po mbante fjalën Sali Berisha. Sipas drejtuesit politik të PS në Fier Taulant Ballës, aty është gropa ku prehet foltorja.

“E mbani mend si akuzonte non grata se Air Albania po bëhet me paratë e krimit dhe të drogës dhe premtonte se do ta shembte sa te vinte ne pushtet?! Por kur turpin nuk e njeh dhe gënjeshtrës e shpifjes i ke bërë zbor, vjen një moment që Foltoren që e linde aty ku pështyje, sot falimentoi si mos më keq pa hyrë akoma në përballjen e 14 Majit. Live nga gropa ku prehet Foltorja”, shkruan Balla.

LEXO EDHE:
26 vjet nga rënia e Ilir Konushevcit dhe Hazir Malajt, roli i dyshimtë i Sali Berishës

Ndërsa drejtuesi politik i Beratit Bledi Çuçi thotë se kuptohet qartë që shqiptarët nuk janë budallenj të shkojnë pas hijeve të së shkuarës.

“Kurrë më mbrapa! Pamjet sot nga gropa ku u mboll Foltorja”, thekson Çuçi.

Një reagim kishte edhe drejtuesi politik i Lezhës Ulsi Manja, i cili tha se ishte populli që i bëri gjyqin aty ku i bëri karshillëk.

“Eh si ta gjen populli gropën kur do me ta humb farën Sali! Foltorja jote u fundos bash aty ku lindi – në stadium Arena! Populli si gjykatës i pa gabueshëm e kish marrë me kohë vendimin për ty Sali por sot ta lexoi aty ku ti bëre karshillëk – në stadium! E nëse verdiktin e popullit se ke kuptu as sot, ne do të dëgjojmë popullin që na kërkon të vazhdojmë VETËM PËRPARA, KURRË MË MBRAPA!”, shkroi Manja.

Lajmi kryesor:

Stadiumi thuajse bosh, shikoni sa njerëz ka në ‘Air Albania’ kur mban fjalën Sali Berisha (VIDEO)

TAG:
• sali berisha
• Ilir Meta
• zgjedhjet vendore 2023