14 të dënuar në Burrel janë futur prej dy ditësh në grevë urie, duke refuzuar ushqimin për shkak të kushteve të papërshtatshme me të cilat po trajtohen. Disa nga të dënuarit, mes tyre dhe Ilir Kupa i njohur si ‘kryebabagjyshi’ i grabitjeve të argjendarive, është ankuar se keqtrajtohen, pinë ujë të ndotur, se nuk kanë asnjë kusht ngrohjeje dhe se për t’u transferuar në një burg më të mirë u kërkohen para nga 2 deri në 3 mijë euro.
Të dënuarit janë shprehur për Report TV se e kanë refuzuar ushqimin që nga dita e djeshme, por sipas tyre, stafi nuk e quan të ligjshme grevën.
“Ushtrojnë presion psikologjik, na mohojnë të drejtat, janë staf kriminelësh. Jemi 14 vetë që kemi nisur grevën e urisë", u shpreh njëri prej të dënuarve, duke përmendur më tej edhe emrin e një punonjësi të burgut. “Punonjësi Sokol Bruçi, nuk na njeh të drejtat, nuk merr kërkesën tonë për grevë. Nuk ka kushte higjenike, dritaret janë të vogla, ka mbipopullim, lagështi, të sëmurë me antibiotik, tualetet janë të përbashkëta pa higjenë. Burg është i pabanueshëm”.
Report Tv kontaktoi ditën e djeshme me drejtorin e burgut, Fatjon Kurti,për të konfirmuar situatën aktuale në burgun e Burrelit. Ai u shpreh për gazetarin Arsen Rusto se është në negociata me të dënuarit, pasi në burg po punohet për rikonstruksion. Kurti shtoi se nëse të burgosurit duan të futen në grevë, duhet të firmosin sipas ligjit. (Lexo këtu)
Pas publikimit të lajmit për nisjen e grevës në burgun e Burrelit, ka reaguar dhe avokati i popullit, i cili shprehet se ky institucion i vuajtjes së dënimit duhet mbyllur pasi është jashtë standardeve. Në reagimin e tij, avokati i popullit shprehet më tej se ka nisur një grup inspektimi pranë këtij institucioni për të verifikuar në terren situatën e krijuar.
Transferimet në burgun e Burrelit ishin dhe një nga motivet që cuan në arrestimin e ish-kreut të burgjeve Arben Cuko. Ky i fundit u zbulua në përgjimet e grupit “Vol-Vo 4” si i implikuar në një aferë prej 4 mijë eurosh për të transferuar të dënuar nga burgu i Burrelit në Fier.
Komente
Lajme të tjera
-
Grupi kriminal tentoi të fuste sende të paligjshme me dron në burgun e Burrelit, shoqërohet 36 vjeçari (EMRI)
10 Shtator, 12:02 -
Kapet një dron që po filmonte burgun e Burrelit, Drejtoria e Burgjeve: I ngritur nga një grup kriminal për të futur sende të ndaluara
8 Shtator, 18:43 -
Gjyqet e komunizmit, çelet ekspozita e rrallë në Shkodër! 150 fotot e të dënuarve tek muzeu ‘Marubi’: Nga imazhet e Musine Kokalarit, te Anton Harapi
30 Dhjetor 2023, 17:35
-
Greva e shqiptarëve në burgjet e Korfuzit, nga lehtësimi i kritereve të rrepta tek lirimi me kusht, ja çfarë kërkojnë ata
10 Dhjetor 2023, 14:50 -
Prej ditësh në grevë urie, përkeqësohet gjendja shëndetësore e minatorëve të Trepçës
29 Tetor 2023, 13:44 -
Vrasës e trafikantë mbushin qelitë e burgjeve! Më pak dënime për përdhunime, sociologu: Kanë frikë të denoncojnë
27 Tetor 2023, 16:29
-
Sulmi terrorist në Bruksel, dënohen pas 7 vitesh bombarduesit
26 Korrik 2023, 09:09 -
Mijëra mjekë planifikojnë një tjetër grevë në Britaninë e Madhe
8 Prill 2023, 21:13 -
Gjermania e paralizuar këtë të hënë, greva e sindikatave ‘pushton’ gjithë vendin! Shkak inflacioni i lartë dhe pasojat e pandemisë
27 Mars 2023, 08:54 -
Pas burgut të Spaçit, Partia Demokratike tjetër propozim për ‘dekomunistizimin’: Edhe burgu i Burrelit të shpallet Muze Kombëtar
28 Shkurt 2023, 15:41 -
Pas 3 ditësh përfundon greva e urisë së 5 invalidëve në Elbasan! Arrihet marrëveshja me Ministrinë për paketën higjieno-sanitare 16 mijë lekë
26 Dhjetor 2022, 12:55 -
Iu hoq paketa higjieno-sanitare 16 mijë lekë nga Ministria, 5 invalidë në Elbasan në grevë urie: Muaji i tretë që s'e marrim, Rama të na japë zgjidhje
24 Dhjetor 2022, 10:37
Ore keta jan te denuar apo kam shkuar me pushime dhe nuk ju pelqein kushtet
PërgjigjuJan mush ma zi se ne koh PPSH
Përgjigju