POP 5

Lajmet më të lexuara të 5 minutave të fundit

Politikë

Stamboll, Nishani: Të zgjidhim
konfliktet botërore me dialog

Presidenti i Republikës, Bujar Nishani mori pjesë sot në Samitin e gjashtë të Këshillit Atlantik për Energjinë dhe Ekonominë, që po mbahet në Stamboll me praninë e përfaqësuesve të lartë të shteteve, qeverive dhe sipërmarrësve. Në fjalën e tij, presidenti Nishani u ndal tek siguria në rajon dhe më gjerë, duke theksuar rëndësinë e koordinimit të politikave dhe veprimeve në këtë drejtim.
STAMBOLL- Presidenti i Republikës, Bujar Nishani mori pjesë sot në Samitin e gjashtë të Këshillit Atlantik për Energjinë dhe Ekonominë, që po mbahet në Stamboll me praninë e përfaqësuesve të lartë të shteteve, qeverive dhe sipërmarrësve. Në fjalën e tij, presidenti Nishani u ndal tek siguria në rajon dhe më gjerë, duke theksuar rëndësinë e koordinimit të politikave dhe veprimeve në këtë drejtim. Ndërkaq, Kreu i Shtetit është ndalur edhe trk kontributi i Shqipërisë në operacionet e NATO-s. Fjala e plotë e Presidentit Nishani në Samitin e Stambollit
 
“Prej vitesh kemi identifikuar dhe jemi të vetëdijshëm për sfida dhe kërcënime të vazhdueshme sigurie siç janë përhapja e armëve të shkatërrimit në masë, krimi ndërkufitar, terrorizmi ndërkombëtar dhe krimi i organizuar, trafikimi i drogës, qenieve njerëzore dhe armëve, sulmet kibernetike, ndryshimet klimatike, kriza ekonomiko-financiare, madje edhe epidemitë e sëmundjeve si Ebola së fundmi, etj. Këto përbëjnë kërcënime, prej të cilave asnjë vend apo rajon, sado i begatë qoftë, nuk mund të ndihet i pacenuar e të mbetet i paprekshëm.
                                                          
Përballë sfidave dhe kërcënimeve globale nuk ka rrugëzgjidhje tjetër përveç përpjekjeve dhe veprimeve të përbashkëta e të mirëkoordinuara, forcimit të vazhdueshëm të bashkëpunimit rajonal dhe më gjerë, atij transatlantik. Në këtë drejtim Shqipëria ka dhënë mbështetjen dhe kontributin e saj modest ndaj nismave dhe institucioneve me karakter rajonal, dhe në kuadër të Aleancës së Atlantikut të Veriut, duke bashkëpunuar me partnerët e saj në vijën e parë të frontit e të përpjekjeve për paqe dhe siguri në botë”, tha Presidenti Nishani.
 
Kreu i Shtetit shqiptar u ndal edhe tek deklaratat e ish-presidentit sovjetik Mikhail Gorbaçov, i cili i quajti gabime të Evropës mbështetjen e pavarësisë së Kosovës dhe anëtarësimin e Shqipërisë dhe vendeve të tjera të ish-bllokut komunist në NATO, tensionet mes Perëndimit demokratik dhe Rusisë janë rritur ndjeshëm, sidomos pas krizës ukrainase, dhe rastit të Krimesë.
 
“Krahasimi me Kosovën është një përpjekje e dobët për t’u justifikuar me anë të precedentit. Pavarësia e Kosovës erdhi si rrjedhojë e shpërbërjes së dhunshme dhe jokonsensuale të ish-Jugosllavisë, e cila u shoqërua me spastrim etnik nga regjimi shovinist dhe makineria ushtarake e Millosheviçit. Dështimi i përpjekjeve ndërkombëtare për zgjidhjen e krizës, falë edhe mungesës së vullnetit të Millosheviçit, e bëri të pashmangshme ndërhyrjen ndërkombëtare të udhëhequr nga NATO-ja për të shpëtuar një popull nga gjenocidi dhe për të rivendosur paqen e sigurinë rajonale”, tha Nishani.
 
Duke theksuar se Shqipëria mbetet një faktor gjeopolitik thelbësor për paqen dhe sigurinë në rajonin e Ballkanit, presidenti Nishani tha se është me rëndësi forcimi i marrëdhënieve të fqinjësisë së mirë, dialogut e bashkëpunimit rajonal dhe integrimit të të gjitha vendeve tona, në Bashkimin Evropian.
 
Më herët Presidenti Nishani mori pjesë në seancën e hapjes së këtij samiti ku referuan Sekretari amerikan për energjinë, Ernest Moniz, Ministri turk i energjisë dhe burimeve natyrore, Taner Yildiz, si dhe Komisioneri i Komisionit Evropian për veprimin klimaterik dhe energjinë, Miguel Arias Caňete.
 
Redaksia Online
(Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Kosovë/ Kryeministri Kurti takohet me zëvendëssekretarin e SHBA-ve, Richard Verma

Kosovë/ Kryeministri Kurti takohet me zëvendëssekretarin e SHBA-ve, Richard Verma

10 Janar, 16:04