POP 5

Lajmet më të lexuara të 5 minutave të fundit

Bota

Stamboll/ Pas 86 vjetësh, lutjet muslimane të së premtes mbahet në kishën e Shën Sofisë (VIDEO)

Pas 86 vjetësh, besimtarët myslimanë në Turqi do t'i mbajnë lutjet e së premtes në objektin e ish-muzeut të Shën Sofisë

Pas 86 vjetësh, besimtarët myslimanë në Turqi do t'i mbajnë lutjet e së premtes në objektin e ish-muzeut të Shën Sofisë, të cilin Turqia e ktheu në një xhami, përmes një dekreti presidencial, i cili u dënua ndërkombëtarisht.

Presidenti turk, Recep Tayyip Erdogan dhe aleatët e tij konservatorë do të marrin pjesë në lutjet në monumentin që u ndërtua në shekullin e 6-të nga perandori bizantin Justiniani I, si kisha më e madhe në botën e krishterë. Mozaikët e krishterë bizantinë, brenda ndërtesës do të mbulohen me perde në kohën e lutjes.

Shën Sofia, apo siç njihet në Turqi Aja Sofia u shndërrua në një xhami pas pushtimit otoman të Kostandinopojës, Stambollit të ditëve të sotme, më 1453.

Statusi i saj u ndryshua në një muze përmes një dekreti të vitit 1934 të nënshkruar nga themeluesi i republikës moderne turke, Mustafa Kemal Ataturk.

Ky vend është një nga atraksionet më të njohura turistike të Turqisë, me 3.7 milionë vizitorë në vitin 2019.

Vendimi për ta kthyer Shën Sofinë përsëri në një xhami i ka shqetësuar turqit të cilët e shikojnë ndërtesën si emblemë të kushtetutës së tyre laike.

Por, masa nuk u dënua gjerësisht nga politikanët e opozitës turke. Erdogan është zotuar se do ta mbajë të hapur për turistët.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • 0987: 24/07/2020 13:44

    Mos e gzoshi njate kishe e mos ja u prite zoti rrezikun,se njashtu keni ba edhe ne Shqipni tana kishat i keni kthy ne xhamia per 500 vjet pushtim turk keni ngatrru tane ballkanin.

    Përgjigju
    • Po po: 26/07/2020 13:38

      Mire thua ti po shko mbushi mendjen edi tames qe i ka shit shpirtin otomaneve!

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57