Nga sot, në Tiranë, ka nisur "Java e Kulturës Italiane", gjatë së cilës do të organizohen një sërë aktivitetesh me fokus kulturen, ekonominë, artin dhe muzikën. Në konferencën për shtyp, kryetari i Bashkisë së Tiranës, Erion Veliaj, vuri theksin te fqinjësia e mirë mes dy vendeve.
"Jemi me fat që kemi këta fqinj. Imagjinoni si do ishte Shqipëria sot, nëse nuk do kishim Marco Casamontin e stadiumit, Stefano Boerin me planin urbanistik për Tiranën, ose nëse nuk do kishim miqtë tanë nga Puglia, duke filluar nga bashkëpunimi që kemi per Ujësjellësin deri te 'Iluminaria', dritat që do ndezim sot në mesnatë. Duhet të jemi mirënjohës për fqinjësinë që kemi, e cila është më shumë se një fqinjësi sepse ajo qe ne kemi me Italine është një vëllazëri e vërtetë.", tha Veliaj.
Kryebashkiaku shtoi se aktiviteti i parë i "Javës së Kultures Italiane" janë iluminarët e famshëm të Puglias, që do të ndizen sot në mesnatë në Bashkinë e Tiranës dhe në zonën e pedonales.
"Kjo është një mundësi vërtet për t’u ndriçuar. E kuptoj që në ambientin ku jetojmë, në një ambient urban shumë i ngjashëm me stresin, dhe trafikun, edhe në Romë dhe Milano, kemi nevojë që të heqim pak toksina, të heqim pak cinizmin, edhe skepticizmin që na karakterizon ndonjëherë, dhe të jemi pak më optimistë", tha Veliaj.
Ambasadori i Italisë në Tiranë, Fabrizio Bucci zbuloi disa nga aktivitetet që do organizohen në kuadër të “Javës së Italisë”.
“Kemi ideuar 54 evente. Kemi menduar pak nga gjithçka. Kemi menduar aktivitete, organizime për të kënaqur të gjithë, duke nisur nga ato më klasiket, të një niveli më të lartë kulturor, siç ishte pjesëmarrja e miqve nga teatri Regio i Parmës me Ballon me Maska. Nesër, në mbrëmje do të jetë edhe premiera e kësaj vepre të rëndësishme, të një niveli shumë të lartë por kemi parashikuar edhe shumë gjëra për të rinjtë, siç është “Pizza -Village”, ku do jenë disa picierë që do të vijnë nga Italia, në sheshin “Italia” (e ku tjetër mund ta organizonim një “Pizza-Village”, me piza për të gjithë banorët e Tiranës. Shijojeni këtë javë, do të ketë shumë organizime, shumë aktivitete, do të jetë një javë shumë e ngjeshur, nga data 1 deri 7 qershor. Është njësoj si të shijosh pak nga Italia, një shije e asaj çka Italia di të shprehë sa i përket nivelit artistik e kulturor”, tha ambasadori Fabrizio Bucci.
Ministrja e Kulturës, Elva Margariti u shpreh se kjo javë do jetë një shije italiane në Tiranë.
“Kemi sjellë shumë nga shija italiane, nga shija e së bukurës, nga shija e ushqimit. Nuk mund të mungonte Pizza Village, e po ashtu siç po sjellim eksperiencën e dritave, siç po sjellim teatrin, ashtu siç po sjellim “E bukura e dizajnit”, ku do flasim për arkitektët. Falënderoj shumë ambasadorin dhe gjithë stafin e ambasadës dhe të ministrisë dhe të Bashkisë së Tiranës që kanë punuar për të gjithë detajet, për të organizuar këtë javë”, përfundoi Margariti.
Komente
Lajme të tjera
-
‘Giro d’Italia 2025’ nis nga Shqipëria, jehonë në mediat e huaja
26 Dhjetor, 08:14 -
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Itali/ U kap duke shitur kokainë, 29-vjeçari shqiptar lirohet pasi pranoi akuzën, dënohet me kusht (EMRI)
24 Dhjetor, 15:54 -
Gjergj Luca i dedikon këngë Giorgia Melonit për Krishtlindje: Kur dolëm nga ferri, Italia na priti duar hapur
23 Dhjetor, 20:52 -
Marrëveshja me Shqipërinë për migrantët, Meloni mbledh qeverinë: Zgjidhje e dakordësuar me BE-në
23 Dhjetor, 17:12 -
Të dënuar për trafik droge, prostitucion e falsifikim dokumentash! Ekstradohen 4 shqiptarë në Itali, dy të tjerë sillen në Shqipëri
23 Dhjetor, 13:55 -
Itali/ Babagjyshët me gondola garojnë në kanalin e madh në Venecia
23 Dhjetor, 13:42 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
Roberto Mancini mbetet i papunë: Askush nuk më ka kontaktuar
23 Dhjetor, 11:23 -
Shatërvani i Trevit në Romë rihapet pas punimeve, monumenti do të kufizohet në 400 vizitorë, rregullat e reja për turistët
23 Dhjetor, 10:46 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
E reja italiane goditet 30 herë me thikë nga ish-i dashuri në vendin e saj të punës
22 Dhjetor, 17:53
Vendos Illuminatë permanent në Shesh Skënderbeut se nuk sheh asht terr...
PërgjigjuJa dhe karagjozi nr.2 (i pari meret me figura si Toti etj).
Përgjigju