Sekretari i Përgjithshëm i NATO-s, Jens Stoltenberg mbërriti në Korenë e Jugut të dielën, ndalesa e parë e një udhëtimi që përfshin edhe Japoninë dhe ka për qëllim forcimin e lidhjeve me aleatët e SHBA-së, përballë luftës në Ukrainë dhe konkurrencës në rritje me Kinën.
Në kryeqytetin e Koresë së Jugut, Seul, Stoltenberg takoi Ministrin e Jashtëm Park Jin dhe pritej të takohej me Presidentin Yoon Suk-yeol dhe Ministrin e Mbrojtjes Kombëtare Lee Jong-Sup.
NATO është e shqetësuar për provat “e papërgjegjshme” me raketa dhe programin e armëve bërthamore të Koresë së Veriut, ndërsa lufta në Ukrainë pati pasoja për Azinë, i tha zoti Stoltenberg ministrit Park në fillim të takimit, duke përmendur dyshimin se Koreja e Veriut po ofron mbështetje ushtarake për përpjekjet ruse të luftës.
Të dy zyrtarët përmendën "vlerat e përbashkëta" midis vendeve të NATO-s dhe Koresë së Jugut.
"Duke pasur parasysh sfidat e sotme të pashembullta globale, ne besojmë se solidariteti midis vendeve që ndajnë vlerat e lirisë, demokracisë dhe sundimit të ligjit është më i rëndësishëm se kurrë," tha zoti Park.
Sekretari i përgjithshëm ka planifikuar të hënën takime në Tokio me kryeministrin Fumio Kishida dhe zyrtarë të tjerë japonezë.
NATO do të mbetet e fokusuar në Evropë dhe Amerikën e Veriut, por vendet anëtare të saj preken nga sfidat e sigurisë në mbarë botën, tha zoti Stoltenberg për agjencinë e lajmeve të Koresë së Jugut Yonhap në një intervistë.
"Ne duhet të përballemi me këto kërcënime dhe sfida globale, përfshirë sfidat që vijnë nga Kina, dhe një nga mënyrat për ta bërë këtë është, sigurisht, të punojmë më ngushtë me partnerët në rajon," tha ai.
Si Pheniani edhe Moska kanë mohuar që Koreja e Veriut t’i ketë dërguar armë Rusisë për luftën në Ukrainë./VOA
Komente
Lajme të tjera
-
Kore e Jugut/ Blinken: Përmbysja e Yun tregon qëndrueshmëri demokratike në vend
14 Dhjetor, 19:11 -
Arrestohet ish-ministri i Mbrojtjes në Korenë e Jugut, zyrtari akuzohet për shpalljen e ligjit ushtarak
8 Dhjetor, 16:00 -
Shpalli ligjin ushtarak, Presidenti i Koresë së Jugut kërkon falje, por nuk dorëhiqet: E bëra nga dëshpërimi! I 'mbijeton' shkarkimit nga Parlamenti
7 Dhjetor, 10:09 -
Korea e Jugut/ Urdhëroi arrestimin e disa politikanëve, partia në pushtet kërkon largimin e presidentit
6 Dhjetor, 08:51 -
Korea e Jugut/ Shpalli ligjin ushtarak pa argumentuar vendimin, presidenti drejt shkarkimit pas kaosit politik
4 Dhjetor, 12:03
-
Kina dhe Rusia kryejnë patrullim të përbashkët ajror mbi Detin e Japonisë
29 Nëntor, 11:32 -
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
Biden takon liderët e Koresë së Jugut dhe Japonisë
15 Nëntor, 22:24 -
Ish shefi i NATO-s, Jens Stoltenberg: Rikthimi i Trump na sfidon të dëshmojmë se jemi partnerë dhe jo shfrytëzues
9 Nëntor, 19:46
-
Rriten tensionet mes dy Koreve, Veriu provokon përsëri, bllokon sinjalin GPS të avionëve dhe anijeve! Jugu ankohet në OKB
9 Nëntor, 08:28 -
Seuli paralajmëron se do ta godiste Phenianin në rast të një sulmi bërthamor
8 Nëntor, 15:23 -
Lufta/ Ushtria e Kievit përballet për herë të parë me trupat e Koresë së Veriut! New York Times: Shumë të vdekur! Zelensky: 'Faqe' e re destabiliteti
6 Nëntor, 03:52
