Një grup studentësh kyçin fakultetet/ Rama: Mbyllja me dhunë e dyerve, fytyra e pengmarrësve të protestës shembullore

Kryeministri Edi Rama ka komentuar mbylljen e dyerve të fakulteteve nga grupi i studentëve që protestuan sot para Kryeministrisë. Rama thotë se kjo është prova se protesta e studentëve është marrë peng. Rama thekson se protesta shembullore e studentëve ka kaluar tashmë në fazën e realizimit të kërkesave.

"Mbyllja me dhunë e dyerve të disa fakulteteve është fytyra kuptimplotë e pengmarrësve të një proteste shembullore, e cila tanimë ka hyrë në fazën e realizimit të kërkesave bazë dhe zhvillimit të një Dialogu të brendshëm për objektivat specifikë të çdo fushe studimesh #MeStudentët"-shkruan Rama në rrjetet sociale.

Ditën e sotme, një grup studentësh mbyllën dyert e disa fakulteteve në vend dhe kanë protestuar para kryeministrisë. (Lexo këtu)

Lajmi kryesor:

Qeveria plotësoi kërkesat, një grup studentësh protestojnë sërish dhe shtojnë pikën e 9: Të anulohet ligji për Arsimin

/b.ha./Shqiptarja.com

TAG:
• edi rama
• protesta e studentëve