POP 5

Lajmet më të lexuara të 5 minutave të fundit

Ekonomi

Studimi i “Open Data”, sa e kanë
pagën zyrtarët e lartë për 2014-n

Pagat për zyrtarët e lartë shtetërorë ndahen në 6 nivele. Një studim i fundit për pagat e zyrtarëve për 2014, nxjerr si të parën në listë pagesën mujore të Presidentit me 257 mijë lekë. Kjo pagë është referenca bazë për pagat e zyrtarëve të tjerë.
Studimi i “Open Data”, sa e kanë<br />pagën zyrtarët e lartë për 2014-n
TIRANE- Shqiptarët mbeten gjithmonë kuriozë për të ditur pagën e tjetrit, por kureshtjen më të madhe e kanë për të ditur se, sa para marrin zyrtarët më të lartë shtetërore. Nisur edhe nga një hulumtim i “Open Data Albania” mbi pagat në institucionet e pavarura kushtetuese, paga më e lartë e një zyrtari shtetëror për vitin 2014, është ajo e Presidentit të Republikës me 257.000 lekë/muaj.
 
Kjo pagë përcaktohet çdo vit në ligjin vjetor të Buxhetit të Shtetit dhe pas saj vijnë me zbritje edhe pagat e zyrtarëve të tjerë. Pas kreut të shtetit, pagën më të lartë e kanë Kryetari i Kuvendit, Kryeministri dhe Kryetari i Gjykatës Kushtetuese, të cilën paguhen sa 89% të pagës së Presidentit. Të përkthyera në vlerë monetare, për vitin 2014, paga e Kryetari të Kuvendit, Kryeministrit dhe Kreut të Gjykatës Kushtetuese është 228.730 lekë/muaj.
 
Për grupin e dytë, të cilët janë Zv.kryetari i Kuvendit, Zv.kryeministri, Avokati i Popullit, Kryetarët e KLSH-së, KQZ-së, Gjyqtarët e Gjykatës Kushtetuese, ata paguhen me 73% të pagës së Presidentit, ose me 187.610 lekë/muaj. Në grupin e tretë futen, pagat e ministrave, Inspektorit të Përgjithshëm të ILDKP-së dhe Zv.kryetarit të Këshillit të Lartë të Drejtësisë, që janë sa 68% të pagës së Presidentit, ose 174.760 lekë/muaj.
 
Deputetët e Kuvendit, janë në grupin e katërt të hierarkisë së pagave dhe paguhet sa 61% e pagës së Presidentit, me 156.770 lekë/muaj. Në grupin e pestë, futen të gjithë drejtuesit e autoriteteve, agjencive dhe enteve shtetërore që paguhen me 60% të pagës së Presidentit, ose me 154.200 lekë/muaj.
 
Edhe pse kanë paga jo të vogla, shumica e zyrtarëve të lartë nuk e justifikojnë luksin e madh që konsumojnë në jetën e përditshme, për të cilin do të duheshin të ardhura shumë herë më të mëdha.
open data 111 ok
open data 111 ok
open data paga

Redaksia Online
(e.s/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51