Qendra e re memoriale kushtuar At Gjergj Fishta, ndërtuar mbi rrënojat e kullës ku ka lindur poeti ka nxitur reagimin e priftit katolik, studiuesit, Dom Nik Ukgjini. Ai kritikon Qeverinë se ka zhbërë identitetin, pasi objekti i ri nuk ngjason me kullën e vjetër të Fishtës, siç shihet në fotot e arkivës.
“Eshtë investim i gabuar, jo vetëm si arkitekturë por si ide! Për arsye se është bërë gjithë ai ambient, një ndërtim modern dhe nuk i përngjan asaj që ishte ideja në 2019 për shtigjet e Fishtës. Ajo ide ka qenë shumë e mirë. Nuk u realizua asgjë nga projekti për shtigjet e Fishtës. Që të bëhet lidhje nga një vend në vend tjetër duke përkujtuar poetin. Edhe ato gjurmë të themeleve janë hequr dhe nuk ka mbet asgjë nga ajo kohë, të ambientit, dheut aty”, shprehet Ukgjini.
Sipas tij, është ndryshuar projekti i ekspertëve që punuan për ‘itinerarin fishtian’.
“Në 2019 ishte krijuar një grup pune dhe asokohe kishim krijuar projekt-idenë se çfarë duhet të ishin këto shtigje. Pas një viti, Ministria e Kulturës na ka shmangur sepse ka pasur ndërhyrje nga jashtë për ndryshimin e projektit, ndoshta për një përfitim të caktuar!”, shton më tej ai.
Ndërsa botuesi i veprave të At Gjergj Fishtës, Frano Kulli nuk flet për objektin e ri por kërkon që projekti ‘itinerari fishtian’ i cili ka startuar në vendlindjen e poetit të vijohet edhe me pikat e tjera ku ka shërbyer Fishta.
“Koncepti i këtij itinerari përbëhej nga 13-15 objekte ku secila prej këtyre pikave do shërbenin për pelegrinazh që në të vërtetë do ta përjetësonte figurën e Fishtës. Ai objekt tek shtëpia e tij ka qenë projektuar si pikë kryesore memoriale shumëdimensionale dhe do të përfshiheshin disa shërbesa”.
Qendra e re memoriale kushtuar Fishtës, në fshatin e tij të lindjes, është investim i Qeverisë me vlerë mbi 93 milionë lekë, projektuar nga Ministria e Ekonomisë, Kulturës dhe Inovacionit dhe zbatuar nga Fondi Shqiptar i Zhvillimit. Ende nuk ka një datë për inaugurimin e saj edhe pse punimet kanë përfunduar.
Lajme të tjera
-
E rëndë në Kurbin/ 61-vjeçari bie në makinerinë e përpunimit të inerteve, humb jetën te Trauma! Ishte i pastrehë, tërmeti i shembi shtëpinë
23 Nëntor, 09:34 -
Moti i keq në aksin Fushë Arrëz-Mirditë/ Vërshimi i ujërave nga mali bllokon qarkullimin në tunelin e Gojanit
22 Nëntor, 20:26 -
Moti i keq/ Shiu i dendur krijon vështirësi për lëvizjen në autostradën Lezhë-Thumanë
22 Nëntor, 17:04 -
Moti i keq/ Rrëshqitje gurësh në aksin Skuraj-Burrel (VIDEO)
22 Nëntor, 12:30 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Moti i keq në Lezhë, stuhia dëmton linjat e energjisë elektrike, disa fshatra pa drita! Vijon i pezulluar lundrimi në Shëngjin
22 Nëntor, 09:09 -
Fatos Çoçoli: Rilindja e pensioneve?
21 Nëntor, 18:45
-
Vrau babanë dhe vëllanë e ish-gruas në Lezhë, Apeli lë në fuqi dënimin burg përjetë për Besnik Pjetrin
21 Nëntor, 15:55 -
Skënder Minxhozi: Rreziku numër 1 për qeverinë: Mërzia! Ajo që rrëzoi Xho Bajden më 5 nëntor!
21 Nëntor, 15:37
-
Moti i keq/ Pezullohet lundrimi i peshkarexhave në Shëngjin! Bashkia Lezhë thirrje qytetarëve: Bëni kujdes, parashikohen reshje me intensitet
21 Nëntor, 09:39 -
Insidor Rexhepi emërohet Drejtori i Përgjithshëm i Antikorrupsionit, do të hetojë administratën! Koordinatorë në 26 institucione
20 Nëntor, 19:08 -
Kurbin/ Dyshohet se kreu marrëdhënie seksuale e dhunoi vajzën e tij të mitur, arrestohet babai! E denoncuan fqinjët! 53-vjeçari: S’e kam përdhunuar
20 Nëntor, 15:31
