Në datën 20 prill nisin aplikimet për të gjithë fermerët që duan të përfitojnë subvencion për çdo litër qumësht të shitur dhe në ditët e para të muajit maj kryhet pagesa për çdo faturë që ata kanë dorëzuar.
Zëvendësministri i Bujqësisë dhe Zhvillimit Rural, Dhimitër Kote, në një intervistë për ATSH-në zbardhi detajet e skemës së kompensimit të fermerëve që operojnë në sektorin e prodhimit të qumështit, të cilët preken nga skema e uljes së TVSH-së së rimbursimit.
Sipas tij, fermerët aplikojnë vetëm me numrin e NIPT-it dhe në rastet kur nuk e kanë atë, duhet të kryejnë procedurat për ta marrë këtë numër.
“Për të ndihmuar fermerët pa NIPT, Qeveria ka lehtësuar procedurat për pajisjen e tyre në kohë rekord. Fermerët duhet vetëm të regjistrohen në tatime dhe të paguajnë sigurimet shoqërore vetëm për 3 muaj dhe jo për një vit apo më shumë”- tha zv/ministri.
Fermerët me NIPT janë automatikisht të fituar për të marrë kompensimin për çdo litër qumësht që shesin, deklaroi ai, ndërsa theksoi se, “nuk është kriter për subvencionimin e tyre, as analiza mikrobike për qumështin, as numri i krerëve që kanë”.
Ministria e Bujqësisë ka ngritur grupin e punës për të informuar në terren të gjithë fermerët për skemën e mbështetjes.
Vendimi përcakton se fermerët do të kompensohen për qumështin e shitur me faturë tatimore 10 lekë për litër, deri në 700 mijë lekë. Pra, nëse një fermer shet qumësht me faturë, ai do të rimbursohet deri në vlerën e 700 mijë lekëve, me nga 10 lekë për litër.
“Në fondin e programit për bujqësinë dhe zhvillimin rural, zëri ‘Transfertë në buxhetet familjare’, i miratuar në buxhetin e vitit 2019 për Ministrinë e Bujqësisë dhe Zhvillimit Rural, shtohet shuma prej 84 milionë lekësh për pagesat për dorëzimin e qumështit, lëndë e parë nga fermerët”, citohet në vendimin e qeverisë.
Lajme të tjera
-
Fermerët e Kukësit kërkojnë traktorë e autokombanja! Zv/ministri i Bujqësisë: Qeveria financon 50 % të vlerës, por ka disa kritere
16 Tetor, 15:28
-
Ministria e Bujqësisë kërkon 2 mln euro garanci sovrane për fermerët! Sektori më i nënfinancuar punëson mbi 565 mijë persona
21 Shtator, 07:44
-
Vendimet e qeverisë/ Miratohet 'Skema Kombëtare e Investimeve në ferma', Denaj: 50 % grant për fermerët, aplikimet nisin nga 1 tetori
18 Shtator, 12:21 -
Ambasadorja e Francës nga Korça: Ne mbështesim rrugëtimin e Shqipërisë drejt Bashkimit Europian! Projekte për bujqësinë dhe blegtorinë
13 Shtator, 11:40 -
Rishikohet buxheti! 500 mln lekë për fermerët për sera, rrjeta anti-breshër e stalla
29 Gusht, 15:19
-
'Nuk shesim dot pataten, qepën as grurin!' Fermerët e Maliqit në protestë, bllokojnë rrugën me zetora! Policia u vendos 70 gjoba me nga 1 mln lekë të vjetra secila
22 Korrik, 11:45
-
S’ka fonde për të gjithë fermerët! Raporti i Ministrisë: Më buxhetin që kemi mbulojmë vetëm 35% të kërkesave për naftë pa taksa
11 Qershor, 13:22
-
Nesër mbyllet afati, 66 mijë fermerë aplikuan për subvencione! Zv. ministri: Fondet shpërndahen pas verifikimit në terren
18 Prill, 16:27
-
VIDEO/ Dash Sula derdh qumësht në shenjë proteste në shkallët e Kuvendit: Qeveria të kthejë sytë nga fermerët
11 Prill, 10:00 -
Fermerët në protestë me traktorë, derdhin qumështin në autostradën Lushnje- Fier: Na e blejnë lirë, dalim me humbje! Stop monopolit
8 Prill, 12:30
-
VIDEO/ Kanali i mbushur me kastravecë, fermerët në Berat hedhin prodhimin
29 Mars, 14:59 -
Ekskluzive/ Fondet e IPARD do zhbllokohen në vitin 2025! Zv.ministri për Report Tv: Skema kombëtare këtë vit do të arrijë në 54 mln dollarë
28 Mars, 13:33
