Sulmi ndaj KZAZ nr.19/ Arrestohet n/kryetari dhe sekretari i seksionit të PD në Dibër, në pranga edhe vëllai i kryetarit

Tre persona të tjerë janë arrestuar në lidhje me sulmet e dhunshme me molotov ndaj KZAZ nr.19 në Dibër ku u shkatërruan dhe dogjën materialet zgjedhore. Bëhet fjalë për Ilir Hysi nën kryetar i PD në Dibër dhe Gafur Gazidede Kryetar i Grupit të Seksionit Tomin në Dibrës si dhe Sekretarin e Seksionit të PD në këtë zonë, Zamir Uka. I arrestuari Gafur Gazidede është vëllai i Naim Gazidedës, kryetarit të degës së PD në Dibër. Sulmi ndaj KZAZ nr.19 ndodhi mbrëmjen e 28 qershorit ku nga dhuna e ushtuar nga militantët e PD mbetën 7 efektivë policie ndërsa për ngjarjen në fjalë u kryen 12 arrestime.

Dega e Partisë  Demokratike në Dibër ka 3 nën kryetar. Përveç Ilir Hysës dhe kryetarit të grupit të seksionit Tomin të Dibrës, për këtë ngjarje është arrestuar edhe nën kryetari tjetër i PD, Korab Muça i cili u kap në tentativë për të kaluar në Maqedoninë e Veriut. Po kështu në lidhje me sulmet me molotov ditën e djeshme është arrestuar një militant i PD, Luftim Hysa i cili u ndalua në në afërsi të doganës së Bllatës ku sipas pretendimeve të tij ishte duke shkuar me familjen për të drekuar në Dibrën e Madhe.

Kujtojmë se dy ditë më parë u shoqëruan në polici po për sulmet ndaj KZAZ nr.19 sekretari i degës së PD-së , Luan Haga si dhe djali i deputetit Xhemal Gjunkshi. Ata pas marrjes në pyetje nga policia u lanë të lirë. Po ashtu në lidhje me sulmin e kryer nga militantët e PD më 28 qershor ndaj KZAZ nr.19 në Dibër është arrestuar edhe nën kryetarit të PD në Dibër, Korab Muça i cili u ndalua në tentativë për të kaluar në Maqedoninë e Veriut.


I arrestuari, Gafurr Gazidede.

//Shqiptarja.com

TAG:
• PD
• Diber
• Sulmohen KZAZ-të
• ilir hysi
• gafur gazidede
• naim gazidede